ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

85% ⵙⴻⴳ ⵡⴰⵎⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴷⴰⵡ ⵍⴻⵃⴽⴻⵎ ⵉⵙⵕⴰⵢⵉⵍⵉ

ⵔⴰⵎⴰⵍⵍⴰⵀ- ⴹⴹⴼⴻⵏ ⵢⵉⵙⵕⴰⵢⵉⵍⵉⵢⴻⵏ 85% ⵙⴻⴳ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ ⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴼⴰⵍⴻⵙⵟⵉⵏⵉ, ⵔⴰⵎⵉ ⵀⴰⵎⴷⴰⵍⵍⴰⵀ.

ⵙ ⵡⴰⵢⴰ, ⵀⴰⵎⴷⴰⵍⵍⴰⵀ ⵢⴻⵜⵜⵀⴻⵎ ⵉⵙⵕⴰⵢⵉⵍ ⵙ ⵡⴻⵔⴽⴰⴹ ⵏ ⵡⴰⴽⴽ ⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵉⴳⵔⴰⵖⵍⴰⵏⴻⵏ ⵉⵎⵉ ⴰⵢ ⴷ-ⵜⴻⵙⵙⴻⵎⵃⴰⵍⵍⴻⵇ ⵢⴻⵔⵏⵓ ⵜⴻⴹⴹⴻⴼ ⵜⵉⵖⴱⵓⵍⴰ ⵏ ⵡⴰⵎⴰⵏ ⵜⵉⴼⴰⵍⴻⵙⵟⵉⵏⵉⵢⵉⵏ.

ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵜⵖⴻⵎⵙⴰ, ⵢⴻⵏⵏⴰ-ⴷ ⵎⴰⵙⵙ ⵀⴰⵎⴷⴰⵍⵍⴰⵀ ⴷⴰⴽⴽⴻⵏ ⵉⵙⵕⴰⵢⵉⵍ ⵜⴻⵔⴳⴻⵍ ⴰⴱⵔⵉⴷ ⵉ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⴽⴽⴻⵏ ⴰⴷ ⵖⴻⵍⵍⵜⴻⵏ ⴰⵎⴰⵏ ⵏⴻⵖ ⴰⴷ ⴷ-ⴳⴻⵏ ⵉⵙⴻⵏⴼⴰⵔⴻⵏ ⵉ ⵓⵙⵙⵉⵡⴻⴹ ⵏ ⵡⴰⵎⴰⵏ ⵏⴻⵖ ⴰⵖⵔⴰⵎ ⵏ ⵡⴰⵎⴰⵏ ⵢⵓⵎⵙⴻⵏ, ⵍⴰⴷⵖⴰ ⴷⴻⴳ « ⵜⴻⵎⵏⴰⴹⵜ ⵛ » ⵢⴻⴹⴹⴼⴻⵏ 64% ⵙⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵏ ⵓⴳⴻⵎⵎⴰⴹ ⵓⵜⵔⵉⵎ.

ⵖⴻⴼ ⵍⴻⵃⵙⴰⴱ ⵏ ⵢⴻⵎⵜⴰⵡⴰⵢⴻⵏ ⵏ ⵧⵙⵍⵧ ⵏ 1993 ⴰⵢ ⵜⴳⴰ ⵜⵓⴷⴷⵙⴰ ⵏ ⵡⴻⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ ⴷ ⵉⵙⵕⴰⵢⵉⵍ, ⴰⴳⴻⵎⵎⴰⴹ ⵓⵜⵔⵉⵎ ⵢⴻⴱⴹⴰ ⵖⴻⴼ 3 ⵏ ⵜⴻⵎⵏⴰⴹⵉⵏ: ⵜⴰⵎⵏⴰⴹⵜ ⴰ, ⴷⴷⴰⵡ ⵍⴻⵃⴽⴻⵎ ⴰⴼⴰⵍⴻⵙⵟⵉⵏⵉ, ⵜⴰⵎⵏⴰⴹⵜ ⴱ, ⴷⴷⴰⵡ ⵍⴻⵃⴽⴻⵎ ⴰⴷⴻⴱⵍⴰⵏ ⴰⴼⴰⵍⴻⵙⵟⵉⵏⵉ ⴷ ⵍⴻⵃⴽⴻⵎ ⴰⵙⴻⵔⴷⴰⵙⴰⵏ ⵉⵙⵕⴰⵢⵉⵍⵉ, ⴷ ⵜⴻⵎⵏⴰⴹⵜ ⵛ, ⴷⴷⴰⵡ ⵍⴻⵃⴽⴻⵎ ⵓⵎⵎⵉⴷ ⵏ ⵉⵙⵕⴰⵢⵉⵍ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴷⴰⴽⴽⴻⵏ ⴰⵙⵙⵓⴷⴻⵔ (ⵉⵙⵜⵉⵀⵍⴰⴽ) ⵏ ⵡⴰⵎⴰⵏ ⴷⴻⴳ ⵉⵙⵕⴰⵢⵉⵍ ⵢⵓⴳⴰⵔ ⵙ 7 ⵏ ⵜⵉⴽⴽⴰⵍ ⴰⵙⵙⵓⴷⴻⵔ ⵏ ⵡⴰⵎⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⵢⴻⵔⵏⵓ ⵜⴰⵍⴻⵎⵎⴰⵙⵜ ⵏ ⵓⵙⵙⵓⴷⴻⵔ ⵏ ⵡⴰⵎⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵓⵔ ⵜⴻⵡⵡⵉⴹ ⵖⴻⵔ ⵜⵍⴻⵎⵎⴰⵙⵜ ⴰⵢ ⴷ-ⵜⵃⵓⴷⴷ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ.

ⵏⵏⵉⴳ ⵡⴰⵢⴰ, ⵉⵄⴻⵢⵢⴻⵏ-ⴷ ⴷⴰⴽⴽⴻⵏ ⴷⴻⴳ Ɣⴻⵣⵣⴰ, ⵜⴻⵣⵎⴻⵔ ⴰⴷ ⴷ-ⵜⴻⴹⵔⵓ ⵜⴻⵣⵖⵉⵏⵜ ⵜⴰⵍⵙⴰⵏⵜ (ⴰⵣⵎⴰ ⵉⵏⵙⴰⵏⵉⵢⵢⴰ) ⵖⴻⴼ ⵍⴵⴰⵍ ⵏ ⵓⵙⵙⴻⵇⴷⴻⵛ ⵏ ⵡⴰⵎⴰⵏ ⵏ ⴷⴷⴰⵡ ⵜⵎⵓⵔⵜ ⴷ ⵍⴻⵅⵚⴰⵚ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵖⴻⴼ ⵍⴵⴰⵍ ⵏ ⵡⴰⵎⵎⵓⵙ ⵏ ⵡⴰⵎⴰⵏ.