ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵃⴻⵣⵣⵉⴱⴻⵏ ⴰⵢ ⵜⴻⴷⴷⴻⵎ ⵎⴻⵕⵕⵓⴽ ⵎⴳⴰⵍ ⵎⵉⵏⵓⵔⵙⵧ ⵛⴻⵖⴱⴻⵏ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ
ⵡⴰⵙⵀⵉⵏⴳⵜⵧⵏ– ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⵙⵙ ⵏ ⵍⴻⵅⵎⵉⵙ ⴷⴰⴽⴽⴻⵏ « ⵜⴻⵛⵖⴻⴱ-ⵉⵜ ⴰⵟⴰⵙ ⵜⴻⵎⵙⴰⵍⵜ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵃⴻⵣⵣⵉⴱⴻⵏ ⴰⵢ ⵜⴻⴷⴷⴻⵎ ⵎⴻⵕⵕⵓⴽ ⵙⴻⴳ ⵎⴻⵍⵎⵉ ⴽⴰⵏ ⵎⴳⴰⵍ ⵎⵉⵏⵓⵔⵙⵧ.
« ⴳⴰⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⵢⴻⵔⵏⵓ ⵏⵏⴰⵏ-ⴷ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏ ⴰⵟⴰⵙ ⵜⴻⵎⵙⴰⵍ ⵏ ⵜⴻⴷⵢⴰⵏⵉⵏ » ⴰⵢ ⴷ-ⵉⴹⴻⴼⵔⴻⵏ ⵉⵃⴻⵣⵣⴻⵉⴱⴻⵏ-ⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵉⵙⵎⴰⴻⵍ ⴳⴰⵙⵒⴰⵔ ⵎⴰⵔⵜⵉⵏⵙ ⵉ ⵜⵖⴻⵎⵙⴰ.
ⴳⴰⵙⵒⴰⵔ ⵎⴰⵔⵜⵉⵏⵙ ⵢⴻⵏⵏⴰ-ⴷ ⴰⵢⴰ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ, ⴷ ⵜⵉⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⵖⴻⴼ ⵍⴰⵜⴻⵕ ⴰⴷ ⴷ-ⵢⵉⵍⵉⵏ ⵖⴻⴼ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⴷⴻⴼⴼⵉⵔ ⵢⵉⵃⴻⵣⵣⵉⴱⴻⵏ ⴰⵢ ⵜⴻⴷⴷⴻⵎ ⵎⴻⵕⵕⵓⴽ.
ⵢⴻⵙⵎⴻⴽⵜⵉ-ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷⴻⴳ ⵜⵙⴻⵖⵔⵓⵜ-ⴰ (ⵜⴰⵚⵔⵉⵃ) ⴰⵢ ⴷ-ⵢⴻⵖⵔⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵉ ⵜⵖⴻⵎⵙⴰ, ⴷⴰⴽⴽⴻⵏ ⵜⵓⵖⴷⴰⴹⵉⵏ ⵏ ⵡⴻⵃⵔⴰⵣ ⵏ ⵜⴰⵍⵡⵉⵜ ⴷ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵢ ⵜⴻⵏⵜ-ⵢⴻⵜⵜⴰⵣⵏⴻⵏ « ⴰⴽⴽⴻⵏ ⴰⴷ ⴳⴻⵏⵜ ⵍⴻⵛⵖⴰⵍ ⵢⴻⵙⵙⴻⴼⴽⴻⵏ ⵉ ⵡⴻⵃⵔⴰⵣ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⵜⵉⴳⵔⴰⵖⵍⴰⵏⵉⵏ ».
ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ « ⵢⴻⵙⵍⴰ-ⴷ ⴷⴰⵖ ⵉ ⵓⵏⴻⵙⴽⵉⵏ (ⵄⴰⵔⴹ) ⴰⵢ ⴷ-ⵜⴳⴰ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵍⴰⵜⴻⵕ ⴰⴷ ⴷ-ⵢⵉⵍⵉⵏ ⵖⴻⴼ ⵍⴻⵛⵖⴰⵍ ⵏ ⵜⵓⵖⴷⴰⴹⵜ-ⴰ ».
ⵎⴻⵕⵕⵓⴽ ⵜⴻⵥⵥⴻⵄ 73 ⵏ ⵢⵉⵅⴻⴷⴷⴰⵎⴻⵏ ⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⵏ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ, ⴰⵎ ⵡⴰⴽⴽⴻⵏ ⴰⵢ ⵜⴻⵎⴷⴻⵍ ⵜⴰⵏⴰⵔⵉⵜ (ⵎⴰⴽⵜⴰⴱ) ⵏ ⵜⵓⵇⵇⵏⴰ ⵜⴰⵙⴻⵔⴷⴰⵙⴰⵏⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⴷⵉⵏⵜ ⵏ ⴷⴻⵅⵍⴰ, ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ.
ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⵜⴻⵜⵜⵡⴰⵣⴻⵏ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ ⵓⴳⴰⵔ ⵏ 25 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⴰⴽⴽⴻⵏ ⴰⴷ ⵜⵄⴰⵙⵙ ⴰⵃⴱⴰⵙ ⵏ ⵢⵉⵎⴻⵏⵖⵉ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⵓ ⵜⴻⵙⵙⴰⵡⴻⴹ ⵜⵓⵖⴷⴰⴹⵜ-ⴰ ⴰⴷ ⴷ-ⵜⴻⵔⵔ ⴰⵔⴽⴰⴷ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⴻⵏⵇⴻⵙ ⵛⵛⵡⴰⵍ ⴷⴻⴳ ⵡⴻⵏⵔⴰⵔ, ⵎⴰⵛⴰ ⵓⵔ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ-ⵏⵏⵉ (ⵉⵙⵜⵉⴼⵜⴰ’) ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⴰⵢ ⵍⴰ ⴷ-ⵢⴻⵙⵙⵓⵜⵓⵔ ⵡⴻⵖⵔⴻⴼ ⴰⵚⴻⵃⵔⴰⵡⵉ.
