Asebter amenzawi
Iḥezziben ay teddem Meṛṛuk mgal Minurso ceɣben Aseqqamu n Tɣellist
WASHINGTON– Yenna-d Useqqamu n Tɣellist (amn) ass n lexmis dakken « tecɣeb-it aṭas temsalt » deg wayen yerzan iḥezziben ay teddem Meṛṛuk seg melmi kan mgal Minurso.
« Gan yimaslaḍen (aɛḍa’) n Useqqamu n Tɣellist aṭas n temliliyin ɣef Uneẓruf Utrim d tuɣdaḍt n MINURSO yernu nnan-d dakken tecɣeb-iten aṭas temsal n tedyanin » ay d-iḍefren iḥezzeiben-nni, ɣef wakken ay d-yenna uselway n Useqqamu n Tɣellist, Ismael Gaspar Martins i tɣemsa.
Gaspar Martins yenna-d aya deffir yiwet n temlilit n Useqqamu n Tɣellist ass n lexmis tameddit, d timlilit ay d-yellan ɣef lateṛ ad d-yilin ɣef tuɣdaḍt n Minurso deffir yiḥezziben ay teddem Meṛṛuk.
Yesmekti-d Useqqamu n Tɣellist deg tseɣrut-a (taṣriḥ) ay d-yeɣra uselway n Useqqamu i tɣemsa, dakken tuɣdaḍin n weḥraz n talwit d Aseqqamu n Tɣellist ay tent-yettaznen « akken ad gent lecɣal yessefken i weḥraz n talwit d tɣellist tigraɣlanin ».
Aseqqamu n Tɣellist « yesla-d daɣ i uneskin (ɛarḍ) ay d-tga Tmarit Tamatut n Yeɣlanen Yeddukklen ɣef lateṛ ad d-yilin ɣef lecɣal n tuɣdaḍt-a ».
Meṛṛuk teẓẓeɛ 73 n yixeddamen iɣarimen (madaniyyin) n tuɣdaḍt n Minurso, am wakken ay temdel tanarit (maktab) n tuqqna taserdasant n Tuddsa n Yeɣlanen Yeddukklen n temdint n Dexla, deg yikalen yettwaḍḍfen.
Tuɣdaḍt n Minurso tettwazen ɣer Uneẓruf Utrim ugar n 25 n yiseggasen aya akken ad tɛass aḥbas n yimenɣi deg yikalen yettwaḍḍfen, yernu tessaweḍ tuɣdaḍt-a ad d-terr arkad, am wakken ay tessenqes ccwal deg wenrar, maca ur tessaweḍ ad d-tessuddes tasefrant-nni (istifta’) n ugguccelman (taqrir maṣir) ay la d-yessutur weɣref aṣeḥrawi.
