ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵔⵥⴻⵎ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⴰⵎⴻⵣⴳⵓⵏ ⴰⵎⴰⵢⵏⵓ ⵏ ⵎⴻⵙⵜⵖⴰⵏⴻⵎ
ⵎⴻⵙⵜⵖⴰⵏⴻⵎ– ⵢⴻⵔⵥⴻⵎ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ, ⴰⵎⴻⵣⴳⵓⵏ ⴰⵎⵏⴰⴹⴰⵏ (ⴵⵉⵀⴰⵡⵉ) ⵏ ⵙⵉ-ⴻⵍ-ⴷⵊⵉⵍⴰⵍⵉ-ⴱⴻⵏⴰⴱⴷⴻⵍⵀⴰⵍⵉⵎ ⵏ ⵎⴻⵙⵜⵖⴰⵏⴻⵎ, ⵢⴻⵔⵏⵓ ⴷ ⵡⴰ ⴰⵢ ⴷ ⴰⵎⴻⵣⴳⵓⵏ ⴰⵎⴻⵣⵡⴰⵔⵓ ⵏ ⵚⵚⴻⵏⴼⴰ ⴰⵢ ⵢⴻⵜⵜⵡⴻⴱⵏⴰⵏ ⵙⴻⴳ ⵡⴰⵙⵎⵉ ⴰⵢ ⵜⴻⵡⵡⵉ ⵍⴷⵣⴰⵢⴻⵔ ⴰⵣⴰⵔⵓⴳ (ⵉⵙⵜⵉⵇⵍⴰⵍ).
« ⴰⵎⴻⵣⴳⵓⵏ-ⴰ ⴷ ⵏⴻⵜⵜⴰ ⴰⵢ ⴷ ⴰⵙⴻⴼⴽ ⵉⵛⴻⴱⵃⴻⵏ ⴰⴽⴽ ⴰⵢ ⵏⴻⵣⵎⴻⵔ ⴰⴷ ⵜ-ⵏⴻⴼⴽ ⵉ ⵡⴻⵙⵏⵓⵍⴼⵓ ⴰⴷⵣⴰⵢⵔⵉ ⴷ ⵡⴰⵢⵜ ⵓⵎⴻⵣⴳⵓⵏ ⴰⵢ ⵢⴻⴼⴽⴰⵏ ⴰⵙⴼⴻⵍ ⴷ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⴰⵙ-ⴼⴽⴻⵏ ⵉ ⵓⵎⴻⵣⴳⵓⵏ ⴰⵖⴻⵍⵏⴰⵡ, ⴰⵄⵕⴰⴱ ⴷ ⵡⴻⵏⵎⴰⴹⴰⵍ ⴰⵎⴽⴰⵏ ⴰⵢ ⵢⵓⴽⵍⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵡⴻⵔⵥⴰⵎ.
ⵢⵓⵎⴰⵔ (ⵢⴻⴼⵕⴻⵃ) ⵓⵏⴻⵖⵍⴰⴼ ⵙ ⵓⵎⴻⵣⴳⵓⵏ-ⴰ ⴰⵢ ⵢⴻⵜⵜⵡⴻⴱⵏⴰⵏ « ⵙ ⵓⵇⴰⴷⴻⵔ ⵏ ⵜⴻⴳⵏⴰ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⴻⵏ ⵢⴻⵔⵏⵓ ⵙ ⵜⵎⵓⵙⵙⵏⵉ ⵏ ⵚⵚⴻⵏⵄⴰ », ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴻⵣⴳⵓⵏ-ⴰ ⴷ ⴰⴽⵙⴰⴱ ⴰⵎⴻⵇⵔⴰⵏ ⵉ ⵓⵎⴻⵣⴳⵓⵏ ⴰⵖⴻⵍⵏⴰⵡ ⴷ ⵜⴻⵎⴷⵉⵏⵜ ⵏ ⵎⴻⵙⵜⵖⴰⵏⴻⵎ ⵢⴻⵍⵍⴰⵏ ⴷ ⴰⵏⵔⴰⵔ ⵢⴻⴵⴵⵓⴵⴳⴻⵏ ⵏ ⵓⵎⴻⵣⴳⵓⵏ ⴰⴷⵣⴰⵢⵔⵉ, ⴷ ⵡⵉⵏ ⵢⴻⵙⵄⴰⵏ ⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ, ⵢⴻⴵⴵⴰⵏ ⴰⵎⴻⵣⴳⵓⵏ ⴰⴷ ⵢⵉⵍⵉ ⴷⵉⵎⴰ ⵢⴻⵃⴷⴻⵕ ⴷⴻⴳ ⵡⴻⵏⵔⴰⵔ ⴰⵏⴰⵥⵓⵔⴰⵏ.
« ⵓⵍⴰⵛ ⵛⵛⴻⴽ ⴷⴰⴽⴽⴻⵏ ⴰⵎⴻⵣⴳⵓⵏ-ⴰ ⴰⴷ ⴷ-ⵢⴻⵔⵔ ⵜⴰⵕⵡⵉⵃⵜ ⵉ ⵓⵎⴻⵣⴳⵓⵏ ⴷⴻⴳ ⵎⴻⵙⵜⵖⴰⵏⴻⵎ. ⴰⵎⴻⵣⴳⵓⵏ-ⴰ ⴰⴷ ⵢⵉⵍⵉ ⴷ ⵜⴰⵍⵍⵓⵏⵜ ⴰⴷ ⴷ-ⵉⴳⴻⵏ ⴰⴱⵔⵉⴷ ⴰⵎⴰ ⵉ ⵢⴻⵎⵙⴰⴷⵓⵔⴻⵏ (ⵎⵓⵃⵜⴰⵔⵉⴼⵉⵏ), ⴰⵎⴰ ⵉ ⵢⵉⵃⴻⴼⴼⴰⴹⴻⵏ, ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⴰⴱⴷⴰⵄ-ⵏⵙⴻⵏ ⵢⴻⵔⵏⵓ ⴰⴷ ⴷ-ⵙⵙⴻⴽⵏⴻⵏ ⵥⵥⵡⴰⵔⴰ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴰⵣⵣⴻⴷⵉⵏⴻ ⵎⵉⵀⵧⵓⴱⵉ ⴷⴰⴽⴽⴻⵏ ⵜⴰⴼⴰⵙⴽⴰ ⵜⴰⵖⴻⵍⵏⴰⵡⵜ ⵏ ⵓⵎⴻⵣⴳⵓⵏ ⴰⵃⴻⴼⴼⴰⴹ ⴰⴷⴻⵏⵏⵉⵜ ⴰⴷ ⵢⴻⵏⵏⴻⵔⵏⵉ, ⴰⵛⴽⵓ ⴰⵎⴻⵣⴳⵓⵏ-ⴰ ⵢⴻⵍⵍⴰ-ⴷ ⴷ ⴰⵖⴻⵔⴱⴰⵣ ⵏ ⵜⵉⴷⴻⵜ ⵉ ⵡⴰⵢⵜ ⵓⵎⴻⵣⴳⵓⵏ ⴰⴷ ⵢⴻⴷⴷⵎⴻⵏ, ⴰⵣⴻⴽⴽⴰ, ⴰⵙⴰⴼⵓ ⵏ ⵓⵎⴻⵣⴳⵓⵏ ⴰⵙⴰⴷⵓⵔⴰⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵅⴻⴱⴱⴻⵔ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵉ ⵍⵎⴻⵏⴷ ⵏ ⵓⵎⵓⵍⵍⵉ-ⵏⵏⴻⵙ ⵡⵉⵙ 50, ⴷⴻⴳ 2017, ⵜⴰⴼⴰⵙⴽⴰ ⵏ ⵓⵎⴻⵣⴳⵓⵏ ⴰⵃⴻⴼⴼⴰⴹ ⴰⴷ ⴷ-ⵜⵇⴻⴷⴷⴻⵎ ⴰⵀⵉⵍ ⵏ ⵜⵖⴰⵔⴰ ⴰⴷ ⵢⴻⵔⵔⴻⵏ ⵜⴰⵊⵎⵉⵍⵜ ⵉ ⵡⵉⴷ ⴰⵢ ⵜⵜ-ⵉⴷ-ⵢⴻⵙⴱⴻⴷⴷⴻⵏ.
