Asebter amenzawi

QSENṬINA 2015: tajmilt i yizeffanen n umezgun Bechekri, Dekkar d Zermani

QSENṬINA– Yerra wesrir aqsenṭini n El Mizher El Masrahi, tajmilt, ass n ssebt, i yizeffanen Noureddine Bechekri, Djamel Dekkar d Allaoua Zermani n Umezgun Amnaḍan n Qsenṭina, yernu yella-d waya deg yiwet n tfugla d tameqrant.

Tafugla-a (ḥafl) tella-d deg Umezgun Amnaḍan n Qsenṭina wuɣur ay d-mlalen aṭas seg wayt umezgun, inaẓuren, imeddukal d wid ay yettilin i yizeffanen-nni, yernu tella-d ta d tagnit i ummekti n wacḥal n tmerwin n yiseggasen n wesnulfu deg yimecwaṛen n yinaẓuren-a umi tuɣal tejmilt, ladɣa imi ay ttekkan mliḥ deg wesbani n umezgun aqsenṭini.

Noureddine Bechekri yessawel-d ɣef 40-nni n yiseggasen ay yekka deg umezgun n Qsenṭina s yisem-nnes d azeffan yernu d anedbal, yernu yenna-d dakken ula ma ixuṣṣ ttawil, « amezgun d uhanay (ɛarḍ) llan d aramsu ay icerken akk wid yettekkan », yernu amezgun n Qsenṭina yella d axxam n ufeǧǧeǧ adelsan i usseddu n umezgun.

Anaẓur-a ay yebdan amecwaṛ-nnes d aḥeffaḍ d tekrut n « Umezgun n Umaḍal Ameẓyan » i yigerdan deg yiseggasen n 1970, yufrar-d s wemsudem-nni yesseḍsayen n « Nunu » ay yella yetturar-it-id ɣer yidis n umeṛḥum Abderrezak Ayad, uqbel ma iga isurifen-nnes imezwura deg umezgun n yimeqranen deg tceqquft n « Ḥesna d Ḥasan ».

Allaoua Zermani yebder-d tallit n wureɣ n umezgun yernu yenna-d dakken izeffanen llan ssawaḍen ad d-kken nnig lexṣaṣ n ttawil akken ad d-gen ahanay (ɛarḍ) yelhan.

Ma d Djamel Dekkar, nnan-d fell-as wid iḥedṛen dakken yella d asdawan (ǧamiɛi) yernu yebda amecwaṛ-nnes amezgunan deg Wammas Amnaḍan n Wermud Adelsan asmi ay t-mazal d anelmad.