Asebter amenzawi

D Mohamed Benbernou ay irebḥen arraz ameqran n uneggez ɣef wunjugen n ɣilizan

ɣILIZAN– D amnay Mohamed Benbernou n Mestɣanem ay irebḥen, ass n ssebt tameddit arraz ameqran n uneggez ɣef wunjugen deg wammas n tnaka n « Ahmed Benbella » n ɣilizan.

Amkan wis sin iṣaḥ-d Benbrahim Lounis n Zzradla, ma d amkan wis 3 iṣaḥ-d Reda Laid n Tiddukla Taddalant n Temsulta.

150 n yemnayen seg 30 n teɣlamin ay yettekkan deg wemsizwer-a ay yeḍḍfen 3 n wussan, yernu yella-d deg wammas n tnaka (furusiyya) n Ahmed-Benbella n Ɣilizan s wemɛawen d Tfidiṛalit Tadzayrit n Tnaka.

Deg yiwet n tseɣrut ay d-iga uselway n Tfidiṛalit Tadzayrit n Tnaka i Tnegga n Yisalan n Ldzayer, yenna-d dakken yumar (yefṛeḥ) s wemsizwer-a, am wakken ay d-yenna dakken iswi-nnes netta d tamussni n yilemẓiyen uẓwiren imaynuten akken ad tessemɣer Ldzayer tadɣert-nnes (nuxba) ayyes ad tettekkay deg yemsizewren igraɣlanen, am wakken ad ssnen yemttekkiyen tizemmar-nsen deg wemsizwer.