ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵔⵢⴰ: ⵜⴻⵜⵜⵡⴰⴽⴽⴻⵙ-ⴷ ⵜⴻⵎⴷⵉⵏⵜ ⵏ ⵜⵓⴷⵎⵓⵔ ⵙⴻⴳ ⴳⴰⵔ ⵢⵉⴼⴰⵙⵙⴻⵏ ⵏ ⴷⴰⵄⴻⵛ
ⵜⵓⴷⵎⵓⵔ– ⵢⴻⵙⵙⴰⵡⴻⴹ ⵢⵉⴳⴻⵏ ⴰⵙⵓⵔⵉ ⴰⴷ ⴷ-ⵢⴻⴽⴽⴻⵙ, ⴰⵙⵙ ⵏ ⵍⵃⴻⴷⴷ, ⵜⴰⵎⴷⵉⵏⵜ ⵏ ⵜⵓⴷⵎⵓⵔ ⵙⴻⴳ ⴳⴰⵔ ⵢⵉⴼⴰⵙⵙⴻⵏ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵍⵉⵥⵔⵉ ⵜⴰⵙⵓⵔⵉⵜ.
« ⴷⴻⴼⴼⵉⵔ ⵢⵉⵎⴻⵏⵖⵉⵢⴻⵏ ⵉⵇⴻⵙⵃⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⴹ, ⵢⴻⵙⵙⴰⵡⴻⴹ ⵢⵉⴳⴻⵏ ⴰⴷ ⵢⴻⴹⴹⴻⴼ ⴰⴽⴽ ⵜⵉⵎⵏⴰⴹⵉⵏ ⵏ ⵜⴻⵎⴷⵉⵏⵜ ⵏ ⵜⵓⴷⵎⵓⵔ, ⵓⵍⴰ ⴷ ⴰⵎⴽⴰⵏ-ⵏⵏⵉ ⵏ ⵍⴰⵜⴻⵕ ⴰⵇⴱⵓⵔ ⴷ ⵡⴻⵃⵔⵉⵛ ⵏ ⵜⵏⴻⵣⴷⵓⵖⵜ ⵏ ⵜⴻⵎⴷⵉⵏⵜ-ⴰ. ⵊⴻⴱⴷⴻⵏ (ⵢⵉⵎⴻⵏⵖⴰⵏ ⵏ ⴷⴰⵄⴻⵛ) ⵉⵎⴰⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⴰⵙⴻⵔⴷⴰⵙⴰⵏⵜ ⵉ ⴰⴼⵒ ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⵉⵔⴻⴱⵔⴰⴱⴻⵏ-ⵏⵏⵉ « ⵊⴻⴱⴷⴻⵏ ⵉⵎⴰⵏ-ⵏⵙⴻⵏ ⵖⴻⵔ ⵜⴻⵎⴷⵉⵏⵉⵏ ⵏ ⵙⵧⴽⵀⵏⴻ, ⵔⴰⵇⵇⴰ ⴷ ⴷⴻⵉ ⴻⵣⵣⵧⵔ » ⵢⴻⵍⵍⴰⵏ ⴷ ⴰⵎⵎⴰⵙⴻⵏ-ⵏⵙⴻⵏ ⴷⴻⴳ ⵓⴳⴰⴼⴰ ⴷ ⵡⴻⴳⵎⵓⴹ (ⵛⴰⵔⵇ) ⵏ ⵙⵓⵔⵢⴰ.
« ⵜⵉⴳⴳⵜⵉⵏ (ⵡⴰⵃⴰⴷⴰⵜ) ⵏ ⵜⵉⵊⵊⴻⵏⵢⴻⵕⵜ ⵏ ⵢⵉⴳⴻⵏ ⵍⴰ ⴷ-ⵜⴼⴻⵙⵙⵉⵏⵜ ⵜⵉⵎⴻⵔⵡⵉⵏ-ⵏⵏⵉ ⵏ ⵍⴱⵓⵎⴱⴰⵜ ⴷ ⵍⵎⵉⵏⴰⵜ ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵜⴰⵇⴱⵓⵔⵜ » ⴰⵢⴷⴻⴳ ⵍⵍⴰⵏ ⵢⵉⴳⴻⵔⵔⵓⵊⴻⵏ ⴰⵢ ⵔⵥⴰⵏ ⵢⵉⵔⴻⴱⵔⴰⴱⴻⵏ-ⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
