Asebter amenzawi

Surya: tettwakkes-d temdint n Tudmur seg gar yifassen n Daɛec

TUDMUR– Yessaweḍ yigen asuri ad d-yekkes, ass n lḥedd, tamdint n Tudmur seg gar yifassen n tegrawt tarebrabt ay isemman i yiman-nnes « Awanak Islaman », ɣef wakken ay d-tenna tliẓri tasurit.

« Deffir yimenɣiyen iqesḥanen ay d-yellan deg yiḍ, yessaweḍ yigen ad yeḍḍef akk timnaḍin n temdint n Tudmur, ula d amkan-nni n lateṛ aqbur d weḥric n tnezduɣt n temdint-a. Jebden (yimenɣan n Daɛec) iman-nsen », ɣef wakken ay d-tenna yiwet n teɣbalut taserdasant i AFP ay d-iwekkden dakken irebraben-nni « jebden iman-nsen ɣer temdinin n Sokhne, Raqqa d Dei Ezzor » yellan d ammasen-nsen deg ugafa d wegmuḍ (carq) n Surya.

« Tiggtin (waḥadat) n tijjenyeṛt n yigen la d-tfessint timerwin-nni n lbumbat d lminat yellan deg temdint taqburt » aydeg llan yigerrujen ay rẓan yirebraben-nni, ɣef wakken ay d-tenna teɣbalut-a.