ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵍⴰ ⴷ ⴰⵃⵔⵉⵛ ⵏ ⵜⴷⴰⵡⵙⴰ ⵢⴻⵜⵜⴰⴽⴼ-ⴷ ⵍⴼⴰⵢⴷⴰ (ⴰⵏⴻⵖⵍⴰⴼ)
ⵙⵉⴷⵉ ⴱⴻⵍⵄⴻⴱⴱⴰⵙ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴷⴰⵡⵙⴰ (ⵚⵉⵃⵃⴰ), ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⴷⴰⴽⴽⴻⵏ ⴰⵃⵔⵉⵛ ⵏ ⵜⴷⴰⵡⵙⴰ « ⵢⴻⵜⵜⴰⴽⴼ-ⴷ ⵍⴼⴰⵢⴷⴰ ⵢⴻⵔⵏⵓ ⵎⴰⵛⵉ ⴷ ⴰⵃⵔⵉⵛ ⵢⴻⵜⵜⴻⵜⵜⴻⵏ ⴽⴰⵏ ».
ⵎⵉ ⵢⴻⵎⵍⴰⵍ ⴷ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵡⴻⵃⵔⵉⵛ-ⵏⵏⴻⵙ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴻⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⴻⵏⴼⴰⵔⴰⵙⴻⵏ (ⵎⵓⵏⵜⵉⴵⵉⵏ) ⴷⴻⴳ ⵡⴻⵃⵔⵉⵛ ⵏ ⵜⴷⴰⵡⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵏⴻⵙⵄⴰ, ⴷⴻⴳ ⵜⵎⵓⵔⵜ, 100 ⵏ ⵍⵍⵓⵣⵉⵏⴰⵜ ⵏ ⵢⵉⵙⴰⴼⴰⵔⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴰⵙⴻⵏⵜ-ⵏⴻⴱⴷⴻⴷ ⵉ ⵍⵎⴻⵏⴷⴰⴷ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⴰⴷ ⴷ-ⵏⵅⴻⴷⴷⴻⵎ, ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵓⵙⴻⴳⴳⴰⵙ, 75% ⵙⴻⴳ ⵢⵉⵙⴰⴼⴰⵔⴻⵏ ⵏ ⵜⵎⵓⵔⵜ ⵢⴻⵔⵏⵓ ⴰⴷ ⵏⵡⴻⵀⵀⵉ ⴰⵅⴻⴷⴷⵉⵎ ⵖⴻⵔ ⵓⵙⵙⵉⴵⴻⵡ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵎⴰⵙⵙ ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ ⵜⵉⵖⵔⵉ ⵉ ⵡⴻⴹⴼⴰⵔ ⵏ ⵜⵎⵓⵖⵍⵉ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵏⴻⴳⵔⴰⵡ (ⵏⵉⴹⴰⵎ) ⵏ ⵜⴷⴰⵡⵙⴰ, ⴷ ⵜⴰⵎⵓⵖⵍⵉ ⵜⵓⵛⵔⵉⴽⵜ ⴳⴰⵔ ⵡⴻⵃⵔⵉⵛ ⴰⵏⴰⴳⴷⵓⴷ ⴷ ⵡⴻⵃⵔⵉⵛ ⵓⵙⵍⵉⴳ ⵉ ⵍⴼⴰⵢⴷⴰ ⵜⴰⵎⴰⵜⵓⵜ ⵏ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ.
ⵉⵃⴻⵜⵜⴻⵜ-ⴷ ⴷⴰⵖ ⵖⴻⴼ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵓⵄⵊⵉⵍⵉⵏ ⴷ ⵓⵙⵙⵉⵣⴷⴻⴳ ⵏ ⵢⴻⵙⴱⵉⵟⴰⵔⴻⵏ, ⴷ ⵓⵙⵙⴻⴵⵀⴻⴷ ⵏ ⵜⴷⴰⵡⵙⴰ ⵜⵓⵇⵔⵉⴱ ⴷ ⵓⴷⴰⵉⵡ ⴷⴻⴳ ⵡⴻⵅⵅⴰⵎ ⵙ ⵓⵙⵙⴻⴱⴷⴻⴷ ⵏ ⵜⵉⴳⴳⵜⵉⵏ (ⵡⴰⵃⴰⴷⴰⵜ) ⴰⵢⴷⴻⴳ ⴰⴷ ⵢⵉⵍⵉ ⵢⴻⵎⵙⵓⵊⵊⵉ ⴷ ⵡⴻⴼⵔⴻⵎⵍⵉ ⴰⴷ ⵉⴱⴻⴷⴷⴻⵏ ⵉ ⵢⵉⵎⵓⴹⵉⵏⴻⵏ ⵓⵔ ⵢⴻⵣⵎⵉⵔⴻⵏ ⴰⴷ ⴷⴷⵓⵏ ⵖⴻⵔ ⵡⴻⵎⴽⴰⵏ ⵏ ⵓⴷⴰⵡⵉ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴻⵏⴼⴰⵔⴻⵏ ⵏ ⵜⴷⴰⵡⵙⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵢⴻⴼⴽⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵡⴻⵃⵔⵉⵛ-ⴰ ⵙ ⵓⵙⵙⴻⴵⵀⴻⴷ ⵏ ⵢⵉⵙⴻⵏⴼⴰⵔⴻⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⵢⴰⴳⵉ ⴷ ⴱⴻⴷⴷⵓ ⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵜⴻⵃⵡⴰⴵ ⵜⵎⵓⵔⵜ. ⵙ ⵡⴰⵢⴰ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵓⵍⴰⵛ ⵛⵛⴻⵃⵃⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⴰⵡⵙⴰ ⵏ ⵓⵖⴻⵔⵎⴰⵏ ⴰⴷⵣⴰⵢⵔⵉ.
