ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵥⴰⵎ ⵏ ⵡⴻⵃⵜⴰⵛ ⵖⴻⴼ ⵓⵙⵙⴻⴷⴷⵓ ⵏ ⵜⴻⵖⵍⴰⵎⵜ ⵏ ⵊⵙⵎ ⵜⵉⵀⴻⵔⵜ (ⴰⵡⴰⵍⵉ)

ⵜⵉⵀⴻⵔⵜ– ⵉⵡⴻⵚⵚⴰ ⵓⵡⴰⵍⵉ ⵏ ⵜⵉⵀⴻⵔⵜ, ⴰⴱⴷⴻⵙⵍⴰⵎ ⴱⴻⵏⵜⵧⵓⴰⵜⵉ, ⴰⵙⵙ ⵏ ⵍⵃⴻⴷⴷ, ⵖⴻⴼ ⵡⴻⵔⵥⴰⵎ ⵏ ⵡⴻⵃⵜⴰⵛ ⴷ ⵓⴷⴻⵇⵇⴻⵇ ⴷⴻⴳ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵜⴻⵖⵍⴰⵎⵜ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵜⵉⵀⴻⵔⵜ (ⵊⵙⵎⵜ) ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵢⵉⵃⴻⴼⴼⴰⴹⴻⵏ (ⵜⴰⴳⵔⴰⵡⵜ ⵜⵓⵜⵔⵉⵎⵜ) ⵏ ⵜⵛⵉⵔⵜ ⵏ ⵓⴹⴰⵔ.

ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢⴷⴻⴳ ⵢⴻⵜⵜⴻⴽⴽⴰ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ (ⵜⴰⵏⴼⵉⴷⵉ) ⵏ ⵜⵡⵉⵍⴰⵢⵜ, ⵉⵡⴻⵚⵚⴰ-ⴷ ⵓⵡⴰⵍⵉ ⴰⵏⴻⵎⵀⴰⵍ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴰⴽⴽⴻⵏ ⴰⴷ ⵢⴻⴱⴷⵓ ⴰⵃⵜⴰⵛ ⵖⴻⴼ ⵢⵉⵅⴻⴷⴷⵉⵎⴻⵏ ⵓⵔ ⵢⴻⵚⴼⵉⵏ ⴷ-ⵢⴻⵍⵍⴰⵏ ⴷⴻⴳ ⵜⴻⵖⵍⴰⵎⵜ-ⴰ ⵢⴻⵔⵏⵓ ⴰⴷ ⵢⴻⵙⵙⵉⵡⴻⴹ ⵜⴰⵎⵙⴰⵍⵜ ⵖⴻⵔ ⵛⵛⵕⴻⵄ.

ⵢⴻⵏⵏⴰ-ⴷ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⵡⵉⵍⴰⵢⵜ ⴷⴰⴽⴽⴻⵏ ⵜⴰⵖⵍⴰⵎⵜ-ⴰ ⵍⵍⴰⵏ-ⴷ ⴷⴻⴳ-ⵙ ⵢⵉⵅⴻⴷⴷⵉⵎⴻⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴷ ⵡⴻⵔⵡⴰⵢ ⴷⴻⴳ ⵓⵙⵙⴻⴼⵔⴻⴽ.

ⵉ ⵡⴻⵙⵎⴻⴽⵜⵉ, ⵜⴰⵖⵍⴰⵎⵜ ⵏ ⵊⵙⵎ ⵜⵉⵀⴻⵔⵜ ⵜⴻⵜⵜⵡⴰⵙⴻⵎⵎⴻⵃ-ⴰⵙ ⴹⴹⵍⴰⴱⴰ ⵏ 70 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉⵎⵉ ⴰⵟⴰⵙ ⵙⴻⴳ ⵡⵉⴷ ⴰⵢ ⴰⵙ-ⵢⴻⵜⵜⴰⵍⴰⵙⴻⵏ (ⴳⴰⵔ-ⴰⵙⴻⵏ ⵜⵉⵕⵎⵉⵙⵉⵏ ⴷ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ) ⵙⴻⵎⵎⵃⴻⵏ ⴷⴻⴳ ⵡⴰⵢⴻⵏ ⴰⵢ ⴷ-ⵙⵙⵓⵜⵔⴻⵏ (42 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ) ⵢⴻⵔⵏⵓ ⵜⴰⵖⵉⵡⴰⵏⵜ ⴷ ⵜⵡⵉⵍⴰⵢⵜ ⵅⴻⵍⵍⵚⴻⵏⵜ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴷ ⴹⴹⵍⴰⴱⴰ.

ⵜⴰⵖⵍⴰⵎⵜ ⵏ ⵊⵙⵎ ⵜⵉⵀⴻⵔⵜ ⵜⵓⵙⴰ-ⴷ, ⵉⵎⵉⵔ-ⴰ, ⴷⴻⴳ ⵡⴻⵎⴽⴰⵏ ⵡⵉⵙ 13 ⴷⴻⴳ ⵡⴰⵙⵙ ⵡⵉⵙ 23 ⵏ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵜⴰⵃⴻⴼⴼⴰⴹⵜ ⵏ ⵜⴻⵎⵏⴰⴹⵜ ⵜⵓⵜⵔⵉⵎⵜ (ⵖⴰⵔⴱⵉⵢⵢⴰ).