Asebter amenzawi

Arẓam n weḥtac ɣef usseddu n teɣlamt n JSM Tihert (awali)

TIHERT– Iweṣṣa uwali n Tihert, Abdeslam Bentouati, ass n lḥedd, ɣef werẓam n weḥtac d udeqqeq deg ussefrek (tasyir) n teɣlamt n Yilemẓiyen Inaddalen n Tihert (JSMT) ay la yetturaren deg telɣuɣa taɣelnawt n yiḥeffaḍen (tagrawt tutrimt) n tcirt n uḍar.

Deg yiwet n temlilit aydeg yettekka useqqamu aslekman (tanfidi) n twilayt, iweṣṣa-d uwali anemhal n yilemẓiyen d waddal akken ad yebdu aḥtac ɣef yixeddimen ur yeṣfin d-yellan deg teɣlamt-a yernu ad yessiweḍ tamsalt ɣer ccṛeɛ.

Yenna-d umasay (mas’ul) n useqqamu aslekman n twilayt dakken taɣlamt-a llan-d deg-s yixeddimen yeffɣen i lqanun d werway deg ussefrek.

I wesmekti, taɣlamt n JSM Tihert tettwasemmeḥ-as ḍḍlaba n 70 n yimelyunen n yidinaṛen imi aṭas seg wid ay as-yettalasen (gar-asen tiṛmisin d yergazen n yiweẓla) semmḥen deg wayen ay d-ssutren (42 n yimelyunen n yidinaṛen) yernu taɣiwant d twilayt xellṣent ayen ay d-yeqqimen d ḍḍlaba.

Taɣlamt n JSM Tihert tusa-d, imir-a, deg wemkan wis 13 deg wass wis 23 n telɣuɣa taɣelnawt taḥeffaḍt n temnaḍt tutrimt (ɣarbiyya).