ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⵉⵍⴰⵢⵜ ⵏ ⵍⴷⵣⴰⵢⴻⵔ: 200 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ ⵉ ⵓⵙⵙⴻⴳⵎⵉ ⴷⴻⴳ 2015-2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵡⴻⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⵎⵧⵀⴰⵎⴻⴷ ⵜⴰⵀⴰⵔ ⴷⵉⵍⵎⵉ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ ⴰⴳⵔⴰⵡ ⵏ ⵜⵡⵉⵍⴰⵢⵜ ⵉⵃⴰⵣ-ⴷ 200 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ ⵉ ⵡⴻⵃⵔⵉⵛ ⵏ ⵓⵙⵙⴻⴳⵎⵉ ⵉ ⵓⵙⴻⴳⴳⴰⵙ ⵏ 2015-2016, ⵢⴻⵔⵏⵓ ⴰⵃⵔⵉⵛ ⴰⵎⴻⵇⵔⴰⵏ ⵙⴻⴳ ⵢⴻⴷⵔⵉⵎⴻⵏ-ⴰ ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⴷⴻⴳ ⵓⵄⴰⵡⴻⴷ ⵉ 400 ⵏ ⵢⵉⵖⴻⵔⴱⴰⵣⴻⵏ ⵏ ⵜⵎⴰⵏⴻⵖⵜ, ⵎⴻⵏⵖⵉⵔ ⵉⵎⴰⵔⵓⴷⴻⵏ (ⵎⵉⵣⴰⵏⵉⵢⵢⴰⵜ) ⵏ ⵜⵖⵉⵡⴰⵏⵉⵏ.

ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵏ ⵓⵇⴻⵢⵢⴻⵎ ⴰⵢ ⴷ-ⵢⴻⵍⵍⴰⵏ ⴳⴰⵔ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⴽⴰⵔⵉⵎ ⴱⴻⵏⵏⵧⵓⵔ, ⴷ ⵢⵉⵏⴻⵎⵀⴰⵍⴻⵏ ⵏ ⵓⵙⵙⴻⴳⵎⵉ, ⵏ ⵓⵙⵙⵉⵍⴻⵖ ⴷ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵢⵉⵡⴰⵍⵉⵢⴻⵏ ⵉⵏⴻⵙⵎⵓⴳⴰⵍ ⵖⴻⴼ ⵢⵉⵎⴰⵔⵓⴷⴻⵏ ⴰⴷ ⵢⴻⵜⵜⵓⵏⴻⴼⴽⴻⵏ ⵉ ⵢⴻⵃⵔⵉⵛⴻⵏ-ⴰ, ⵢⴻⵏⵏⴰ-ⴷ ⵎⴰⵙⵙ ⴷⵉⵍⵎⵉ ⴷⴰⴽⴽⴻⵏ ⴰⵃⵔⵉⵛ ⵏ ⵓⵙⵙⴻⴳⵎⵉ ⴰⴷ ⴷ-ⵢⴻⵙⴼⴰⵢⴷⵉ ⵙⴻⴳ 200 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ ⵎⴻⵏⵖⵉⵔ ⴰⵎⴰⵔⵓⴷ ⵏ ⵜⵖⵉⵡⴰⵏⵉⵏ, ⵢⴻⵔⵏⵓ ⴰⵃⵔⵉⵛ ⴰⵎⴻⵇⵔⴰⵏ ⵙⴻⴳ ⵓⵎⴰⵔⵓⴷ-ⴰ ⴰⴷ ⵢⴻⵜⵜⵡⴰⵚⴻⵔⵔⴻⴼ ⵖⴻⴼ ⵓⵚⴻⴳⴳⴻⵎ ⵏ ⵢⵉⵖⴻⵔⴱⴰⵣⴻⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ⴷ ⵜⵉⵖⵉⵏ ⵏ ⵜⵜⴰⵡⵉⵍ ⴰⵎⴰⵢⵏⵓ ⴰⵢ ⵃⵡⴰⴵⴻⵏ ⵉ ⵓⵙⴻⴳⴳⴰⵙ ⴰⵖⵓⵔⴱⵉⵣ ⴰⵎⴰⵢⵏⵓ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵢⴻⵎⴽⴻⵍⵍⴻⴼ ⵙ ⵓⵎⴰⵔⵓⴷ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⴽⵀⴰⵍⴻⴷ ⴱⴻⵍⵍⴰⵍ, ⴷⴰⴽⴽⴻⵏ ⴰⵃⵔⵉⵛ ⵏ ⵓⵙⵙⴻⴳⵎⵉ ⵏ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ⵢⴻⵙⴼⴰⵢⴷⵉ-ⴷ ⵙⴻⴳ ⵓⵎⴰⵔⵓⴷ ⵏ 400 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ ⵙⴻⴳ 2010 ⵖⴻⵔ 2016 ⵉ ⵓⵚⴻⴳⴳⴻⵎ ⴷ ⵓⵜⴻⵡⵡⴻⵍ ⵏ ⵡⴰⴽⴽ ⵉⵖⴻⵔⴱⴰⵣⴻⵏ ⴷ ⵍⴱⴻⵏⵢⴰⵏⴰⵜ ⵏⵉⴹⴻⵏ ⵢⴻⵇⵇⵏⴻⵏ ⵖⴻⵔ ⵡⴻⵃⵔⵉⵛ-ⴰ ⴰⵎ ⵜⵏⴻⵞⵞⵉⵢⵉⵏ ⴷ ⵜⵜⴰⵡⵉⵍ ⵏ ⵓⵎⴻⵙⵏⵉ (ⵏⴰⵇⵍ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⴻⴳⴳⴻⵎ ⵏ ⵢⵉⵖⴻⵔⴱⴰⵣⴻⵏ ⵏ ⵜⵡⵉⵍⴰⵢⵜ ⵉ ⵓⵙⴻⴳⴳⴰⵙ ⵏ 2016-2017, ⵢⴻⵏⵏⴰ-ⴷ ⵢⴻⵎⴽⴻⵍⵍⴻⴼ ⵙ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⴷⴻⴳ ⵜⵡⵉⵍⴰⵢⵜ, ⴰⴱⴷⴻⵍⵎⴰⵍⴻⴽ ⵣⴻⵉⴷⵉ, ⴷⴰⴽⴽⴻⵏ « 1500 ⵏ ⵜⴻⵎⵣⴰⵍ (ⵄⴰⵎⴰⵍⵉⵢⵢⴰⵜ) ⵏ ⵓⵚⴻⴳⴳⴻⵎ ⴰⵢ ⴷ-ⵢⴻⵍⵍⴰⵏ ⴷⴻⴳ 697 ⵏ ⵢⵉⵖⴻⵔⴱⴰⵣⴻⵏ ⵉⵎⴻⵏⵣⴰ ⴷ 226 ⵏ ⵢⵉⵖⴻⵔⴱⴰⵣⴻⵏ ⵉⵍⴻⵎⵎⴰⵙⴻⵏ ⴷ ⵜⴻⵙⵏⴰⵡⵉⵢⵉⵏ ⴷⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ».