ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵊⵎⵉⵍⵜ ⵉ ⵡⴻⴽⵏⴰⵏⴻⵔ ⵍⵧⵜⴼⵉ ⵉ ⵍⵎⴻⵏⴷ ⵏ ⵡⴻⵙⵎⴻⴽⵜⵉ ⵡⵉⵙ 56 ⵏ ⵜⵎⴻⵜⵜⴰⵏⵜ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵙⵙⴰⵡⵍⴻⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ, ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵓⵙⴰⵍⴰⵢ ⴰⵖⴻⵍⵏⴰⵡ ⵏ ⵢⴻⵎⵊⴰⵀⴷⴻⵏ (ⵍⴷⵣⴰⵢⴻⵔ ⵜⴰⵎⴰⵏⴻⵖⵜ), ⵖⴻⴼ ⵓⵎⴻⵛⵡⴰⵕ ⵏ ⵓⵎⴻⵖⵏⴰⵙ ⴷ ⵓⵎⴻⵖⵔⵓⵙ (ⵛⴰⵀⵉⴷ) ⴷⴳⵀⵉⵏ ⴱⴻⵏⴰⵍⵉ ⵢⴻⵍⵍⴰⵏ ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ ⵡⴻⴽⵏⴰⵏⴻⵔ ⵍⵧⵜⴼⵉ, ⴰⵎ ⵡⴰⴽⴽⴻⵏ ⴰⵢ ⴷ-ⴱⴻⴷⵔⴻⵏ ⴽⵔⴰ ⵙⴻⴳ ⵢⵉⴷⵉⵙⴰⵏ ⵏ ⵜⵓⴳⵏⴰ-ⵏⵏⴻⵙ (ⵛⴰⵅⵚⵉⵢⵢⴰ).

ⴷⴻⴳ ⵡⴻⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 56 ⵏ ⵜⵎⴻⵜⵜⴰⵏⵜ ⵏ ⵡⴻⴽⵏⴰⵏⴻⵔ (ⵄⴰⵇⵉⴷ) ⵍⵧⵜⴼⵉ, ⵜⴻⴱⴷⴻⵔ-ⴷ ⵜⴻⵎⵊⴰⵀⴷⴻⵜ ⴰⵏⵉⵙⵙⴰ ⴱⴰⵔⴽⴰⵜ ⴰⵎⴻⵛⵡⴰⵕ ⴰⵎⴻⵖⵏⴰⵙ ⴰⵢ ⵢⴻⵙⵙⴰⵡⴹⴻⵏ ⴰⵎⴻⵖⵔⵓⵙ-ⴰ ⴰⵔⵎⵉ ⴰⵢ ⵢⵓⵖⴰⵍ ⴷ ⵉⵖⴻⴼ ⵏ ⵜⵡⵉⵍⴰⵢⵜ ⵜⵉⵙ 5 (ⵜⴰⵎⵏⴰⴹⵜ ⵏ ⴱⴻⵛⵛⴰⵕ) ⴷⴻⴳ 1958.

ⵜⵡⴻⴽⴽⴻⴷ-ⴷ ⴷⴰⵖ ⴷⴰⴽⴽⴻⵏ ⴰⵙⴰⴹ-ⴰ (ⴱⴰⵟⴰⵍ) ⵢⴻⵍⵍⴰ ⵢⴻⵥⵡⴻⵔ ⴷⴻⴳ ⵡⴰⵟⴰⵙ ⵏ ⵜⵖⴰⵡⵙⵉⵡⵉⵏ, ⵍⴰⴷⵖⴰ ⴷⴻⴳ ⵜⵎⵓⵙⵙⵏⵉ-ⵏⵏⴻⵙ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⴷ ⵓⵡⴻⵀⵀⵉ, ⵓⵍⴰ ⵎⴰ ⵢⴻⵍⵍⴰ ⵎⴻⵥⵥⵉⵢ. ⵏⵏⵉⴳ ⵡⴰⵢⴰ, ⵢⴻⵍⵍⴰ ⵢⴻⵙⵄⴰ ⴰⵙⵡⵉⵔ ⴰⴳⴳⴰⴳⴰⵏ ⴷ ⵓⵏⵏⵉⴳ, ⴷⵖⴰ ⴷ ⴰⵢⴰ ⴰⵢ ⵜ-ⵢⴻⴵⴵⴰⵏ ⴰⴷ ⵢⴻⴹⴹⴻⴼ ⴰⵛⵃⴰⵍ ⵏ ⵜⵎⴰⵙⵉⵢⵉⵏ (ⵎⴰⵙ’ⵓⵍⵉⵢⵢⴰⵜ) ⵢⴻⵔⵏⵓ ⵢⵓⵖⴰⵍ ⴷ ⵉⵖⴻⴼ ⵏ ⵜⴳⴻⵣⵎⵉ ⵏ ⵢⴻⵎⵊⴰⵀⴷⴻⵏ ⵏ ⵜⵍⴻⵎⵙⴰⵏ ⴷⴻⴳ 1956.

ⵜⴻⵙⵙⴰⵡⴻⵍ-ⴷ ⴷⴰⵖ ⴱⴻⵔⴽⴰⵜ ⵖⴻⴼ ⵜⴻⴽⵜⵉⵡⵉⵏ ⴷ-ⵢⴻⴷⴷⴰⵏ ⴷⴻⴳ ⵡⴰⵢⴻⵏ ⴷ-ⵢⵓⵔⴰ ⵡⴻⴽⵏⴰⵏⴻⵔ ⵍⵧⵜⴼⵉ, ⴷ ⵜⵉⴽⵜⴰ ⴰⵢⴷⴻⴳ ⴷ-ⵢⴻⵙⵙⴰⵡⴻⵍ ⵖⴻⴼ ⵡⴰⵎⴻⴽ ⴰⵢ ⵢⴻⵍⵍⴰ ⵢⴻⵜⵜⵡⴰⵍⵉ ⵜⴰⴷⴰⵎⵙⴰ ⵜⴰⴷⵣⴰⵢⵔⵉⵜ ⴰⴷ ⵜⵉⵍⵉ ⴰⵙⵎⵉ ⴰⴷ ⵜⴰⵡⵉ ⵜⵎⵓⵔⵜ ⴰⵣⴰⵔⵓⴳ, ⵢⴻⵔⵏⵓ ⵉⵃⴻⵜⵜⴻⵜ-ⴷ ⵍⴰⴷⵖⴰ ⵖⴻⴼ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ ⴷ ⵡⴻⵙⴷⵓⵇⵇⴻⵙ ⵏ ⵜⴽⴻⵔⵔⴰⵣⵜ (ⴼⵉⵍⴰⵃⴰ) ⴰⴽⴽⴻⵏ ⴰⴷ ⵢⴻⵜⵜⵡⴰⴹⵎⴻⵏ ⵓⵣⴻⴽⴽⴰ ⵏ ⵜⵎⵓⵔⵜ.

ⵎⴰ ⴷ ⴰⵎⵊⴰⵀⴻⴷ ⵜⴰⵢⴻⴱ ⴻⵜⵀⴰⴰⵍⵉⴱⵉ, ⵢⴻⵔⵔⴰ ⵜⴰⵊⵎⵉⵍⵜ ⵉ ⵡⴰⴷⴷⵓⴷⴻⵏ ⵉⴱⵖⴰⵙⴻⵏ (ⵛⵓⴵⴰⵄⴰ) ⵏ ⵡⴻⴽⵏⴰⵏⴻⵔ ⵍⵧⵜⴼⵉ ⴷ ⵡⴻⵡⵊⴰⴷ-ⵏⵏⴻⵙ ⵉ ⵢⵉⵎⴻⵏⵖⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵜⵙⵓⵜⵡⵉⵏ ⴰⵢ ⴷ-ⵢⴻⵜⵜⴰⵍⵉⵏ ⴰⴽⴽⴻⵏ ⴰⴷ ⴹⴻⴼⵔⴻⵏⵜ ⴰⵎⴻⴷⵢⴰ ⵏ ⵡⴻⵔⴳⴰⵣ-ⴰ ⵢⴻⵔⵏⵓ ⴰⴷ ⵃⴻⵔⵣⴻⵏⵜ ⵉⵣⴻⵏ ⵏ ⵢⵉⵎⴻⵖⵔⵓⵙⴻⵏ ⵙ ⵓⴽⴻⵎⵎⴻⵍ ⵏ ⵓⵅⴻⴷⴷⵉⵎ ⵏ ⵍⴻⴱⵏⵉ ⵏ ⵜⵎⵓⵔⵜ.

ⴰⴽⵏⴰⵏⴻⵔ ⵍⵧⵜⴼⵉ ⵉⵍⵓⵍ ⴰⵙⵙ ⵏ 7 ⵎⴰⵢⵓ 1934 ⴷⴻⴳ ⵜⵍⴻⵎⵙⴰⵏ, ⵢⵓⴷⴻⴼ ⵖⴻⵔ ⵢⵉⵖⴰⵍⵍⴻⵏ ⵏ ⵜⴻⴳⵔⴰⵡⵍⴰ ⴷⴻⴳ 1955 ⵢⴻⵔⵏⵓ ⵢⴻⵖⵍⵉ ⵖⴻⴼ ⵜⵎⵓⵔⵜ-ⵏⵏⴻⵙ ⴷⴻⴳ ⵡⴰⵙⵙ ⵏ 27 ⵎⴻⵖⵔⴻⵙ 1960 ⴷⴻⴳ ⴱⴻⵛⵛⴰⵕ.