Asebter amenzawi
Yeɣli-d yiwen n ukubṭir n yiɣallen igenwanen deg Adrar, mmuten 12 n yiserdasen
LEZZAYER TAMANEɣT– Yeɣli-d yiwen n ukubṭir n umesni n yiserdasen ass n lḥedd tameddit sdat Reggan (Adrar) ɣef lǧal n wugur atwilan (tiqni), yernu mmuten 12 n yiserdasen am wakken jerḥen 2 niḍen ɣef wakken d-yebder yiwen n welɣu (bayan) n weɣlif n temḥaddit taɣelnawt.
« Deg yiwet n tuɣdaḍt (muhimma) d-yettwassahlen deg temnaḍt n Reggan deg weḥric amezlan (ɛamaliyyati) n Adrar, deg Temnaḍt Taserdasant tis 3 yernu ɣef lǧal n yiwen n wugur atwilan, yeɣli-d yiwen n ukubṭir n umesni n yiserdasen n ṣṣenf n Mi-171 n yiɣallen igenwanen idzayriyen ass-a, lḥedd 27 Meɣres 2016 ɣef s6:00 n tmeddit », ɣef wakken ay d-yenna welɣu-nni.
Ixebber-d weɣlif n temḥaddit taɣelnawt dakken « 12 n yiserdasen ay yemmuten », ma d sin niḍen jerḥen.
« Dindin kan deffir usehwu-a (ḥadit) yesseḥzanen, yedda Wenzaḍ n Temnaḍt Taserdasant tis 3 ɣer wemkan akken ad iẓer temɣer n uxeṣṣar-a yernu ad yeddem iḥezziben yessefken i tegnatin am ti », ɣef wakken ay d-yenna welɣu-a.
Seg yidis-nnes, « dindin kan yumeṛ Ujiniṛal n Tfekka n Yigen, Anmazul n Uneɣlaf n Temḥaddit Taɣelnawt, iɣef n yiɣallen imsellḥen n Yigen Aɣelnaw Aɣerfan, s ussebded n tseqqamut n weḥtac akken ad tettwassen tegnit yessawḍen ɣer usehwu-a », ɣef wakken ay tt-id-yextem welɣu-nni.
