ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵖⵍⵉ-ⴷ ⵢⵉⵡⴻⵏ ⵏ ⵓⴽⵓⴱⵟⵉⵔ ⵏ ⵢⵉⵖⴰⵍⵍⴻⵏ ⵉⴳⴻⵏⵡⴰⵏⴻⵏ ⴷⴻⴳ ⴰⴷⵔⴰⵔ, ⵎⵎⵓⵜⴻⵏ 12 ⵏ ⵢⵉⵙⴻⵔⴷⴰⵙⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵖⵍⵉ-ⴷ ⵢⵉⵡⴻⵏ ⵏ ⵓⴽⵓⴱⵟⵉⵔ ⵏ ⵓⵎⴻⵙⵏⵉ ⵏ ⵢⵉⵙⴻⵔⴷⴰⵙⴻⵏ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⵙⴷⴰⵜ ⵔⴻⴳⴳⴰⵏ (ⴰⴷⵔⴰⵔ) ⵖⴻⴼ ⵍⴵⴰⵍ ⵏ ⵡⵓⴳⵓⵔ ⴰⵜⵡⵉⵍⴰⵏ (ⵜⵉⵇⵏⵉ), ⵢⴻⵔⵏⵓ ⵎⵎⵓⵜⴻⵏ 12 ⵏ ⵢⵉⵙⴻⵔⴷⴰⵙⴻⵏ ⴰⵎ ⵡⴰⴽⴽⴻⵏ ⵊⴻⵔⵃⴻⵏ 2 ⵏⵉⴹⴻⵏ ⵖⴻⴼ ⵡⴰⴽⴽⴻⵏ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

« ⴷⴻⴳ ⵢⵉⵡⴻⵜ ⵏ ⵜⵓⵖⴷⴰⴹⵜ (ⵎⵓⵀⵉⵎⵎⴰ) ⴷ-ⵢⴻⵜⵜⵡⴰⵙⵙⴰⵀⵍⴻⵏ ⴷⴻⴳ ⵜⴻⵎⵏⴰⴹⵜ ⵏ ⵔⴻⴳⴳⴰⵏ ⴷⴻⴳ ⵡⴻⵃⵔⵉⵛ ⴰⵎⴻⵣⵍⴰⵏ (ⵄⴰⵎⴰⵍⵉⵢⵢⴰⵜⵉ) ⵏ ⴰⴷⵔⴰⵔ, ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3 ⵢⴻⵔⵏⵓ ⵖⴻⴼ ⵍⴵⴰⵍ ⵏ ⵢⵉⵡⴻⵏ ⵏ ⵡⵓⴳⵓⵔ ⴰⵜⵡⵉⵍⴰⵏ, ⵢⴻⵖⵍⵉ-ⴷ ⵢⵉⵡⴻⵏ ⵏ ⵓⴽⵓⴱⵟⵉⵔ ⵏ ⵓⵎⴻⵙⵏⵉ ⵏ ⵢⵉⵙⴻⵔⴷⴰⵙⴻⵏ ⵏ ⵚⵚⴻⵏⴼ ⵏ ⵎⵉ-171 ⵏ ⵢⵉⵖⴰⵍⵍⴻⵏ ⵉⴳⴻⵏⵡⴰⵏⴻⵏ ⵉⴷⵣⴰⵢⵔⵉⵢⴻⵏ ⴰⵙⵙ-ⴰ, ⵍⵃⴻⴷⴷ 27 ⵎⴻⵖⵔⴻⵙ 2016 ⵖⴻⴼ ⵙ6:00 ⵏ ⵜⵎⴻⴷⴷⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ.

ⵉⵅⴻⴱⴱⴻⵔ-ⴷ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴷⴰⴽⴽⴻⵏ « 12 ⵏ ⵢⵉⵙⴻⵔⴷⴰⵙⴻⵏ ⴰⵢ ⵢⴻⵎⵎⵓⵜⴻⵏ », ⵎⴰ ⴷ ⵙⵉⵏ ⵏⵉⴹⴻⵏ ⵊⴻⵔⵃⴻⵏ.

« ⴷⵉⵏⴷⵉⵏ ⴽⴰⵏ ⴷⴻⴼⴼⵉⵔ ⵓⵙⴻⵀⵡⵓ-ⴰ (ⵃⴰⴷⵉⵜ) ⵢⴻⵙⵙⴻⵃⵣⴰⵏⴻⵏ, ⵢⴻⴷⴷⴰ ⵡⴻⵏⵣⴰⴹ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3 ⵖⴻⵔ ⵡⴻⵎⴽⴰⵏ ⴰⴽⴽⴻⵏ ⴰⴷ ⵉⵥⴻⵔ ⵜⴻⵎⵖⴻⵔ ⵏ ⵓⵅⴻⵚⵚⴰⵔ-ⴰ ⵢⴻⵔⵏⵓ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ ⵉ ⵜⴻⴳⵏⴰⵜⵉⵏ ⴰⵎ ⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⵙⴻⴳ ⵢⵉⴷⵉⵙ-ⵏⵏⴻⵙ, « ⴷⵉⵏⴷⵉⵏ ⴽⴰⵏ ⵢⵓⵎⴻⵕ ⵓⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⵙ ⵓⵙⵙⴻⴱⴷⴻⴷ ⵏ ⵜⵙⴻⵇⵇⴰⵎⵓⵜ ⵏ ⵡⴻⵃⵜⴰⵛ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵏ ⵜⴻⴳⵏⵉⵜ ⵢⴻⵙⵙⴰⵡⴹⴻⵏ ⵖⴻⵔ ⵓⵙⴻⵀⵡⵓ-ⴰ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵡⴻⵍⵖⵓ-ⵏⵏⵉ.