ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵡⴻⵜ-ⴷ ⵍⴷⵣⴰⵢⴻⵔ ⵙ « ⵍⵊⴻⵀⴷ » ⴷⴻⴳ ⵜⵅⴰⵣⵣⴰⴱⵉⵜ-ⵏⵏⵉ ⵜⴰⵔⴻⴱⵔⴰⴱⵜ ⵉⵃⵓⵣⴰⵏ ⵍⴰⵀⵧⵔⴻ ⴷⴻⴳ ⵒⴰⴽⵉⵙⵜⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⵡⴻⵜ-ⴷ ⵍⴷⵣⴰⵢⴻⵔ ⵙ « ⵍⵊⴻⵀⴷ » ⴷⴻⴳ ⵜⵅⴰⵣⵣⴰⴱⵉⵜ-ⵏⵏⵉ ⵜⴰⵡⴻⵃⵛⵉⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵍⴰⵀⵧⵔⴻ, ⵜⴰⵎⴰⵏⴻⵖⵜ ⵏ ⵒⴻⵏⵊⴰⴱ (ⵒⴰⴽⵉⵙⵜⴰⵏ), ⴷ ⵜⵉⵏ ⵢⴻⴳⵍⴰⵏ ⵙ 72 ⵏ ⵜⵎⴻⴷⴷⵓⵔⵉⵏ ⵢⴻⵔⵏⵓ ⵜⴻⵊⵔⴻⵃ 340 ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).
« ⵜⴰⵅⴰⵣⵣⴰⴱⵉⵜ-ⴰ ⵜⵓⵛⵎⵉⵜⵜ ⵜⵃⵓⴽⴻⵕ ⵉⵎⴷⴰⵏⴻⵏ ⴷ ⵉⵍⴻⵎⵔⵉⵢⴻⵏ (ⴰⴱⵔⵉⵢⴰ’) ⵢⴻⵍⵍⴰⵏ ⵙⴼⵓⴳⵓⵍⴻⵏ ⵍⵄⵉⴷ ⴰⵙⵖⴰⵏⴰⵏ (ⴷⵉⵏⵉ), ⵢⴻⵔⵏⵓ ⴰⵢⴰ ⵢⴻⵙⵙⴽⴰⵏⴰⵢ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵙⵙⵓⴳⴳⴻⵜ ⵡⴻⵎⵖⵉⵡⴰⵏ ⴰⴳⵔⴰⵖⵍⴰⵏ ⵓⵙⵙⵉⵙⴻⵏ ⵢⴻⵔⵏⵓ ⴰⴷ ⵢⴻⵙⵎⴻⵏⵢⵉⴼ ⴰⵎⵄⴰⵡⴻⵏ ⵉ ⵍⵎⴻⵏⴷ ⵏ ⵢⵉⵎⴻⵏⵖⵉ ⵎⴳⴰⵍ ⵜⴻⴳⵔⴰⵡⵜ-ⴰ ⴰⵢ ⵉⵣⴻⵔⵄⴻⵏ ⵔⵔⴻⵔⴱⴰⴱ ⴷ ⵡⴻⵔⵡⴰⵢ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵙⵙⴻⵏⴼⴰⵍⴰⵢ-ⴷ ⵍⴷⵣⴰⵢⴻⵔ « ⵜⴰⵎⵙⴻⵜⵍⴻⵍⵜ-ⵏⵏⴻⵙ (ⵜⴰⴹⴰⵎⵓⵏ) ⵜⵓⵎⵎⵉⴷⵜ ⵖⴻⵔ ⵢⵉⴷⵉⵙ ⵏ ⵡⴻⵖⵔⴻⴼ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴰⵒⴰⴽⵉⵙⵜⴰⵏⵉ ⵢⴻⵔⵏⵓ ⵜⴻⵜⵜⵄⴻⵣⵣⵉ ⵙⴻⴳ ⵡⵓⵍ ⵜⵉⵡⴰⵛⵓⵍⵉⵏ ⵏ ⵢⵉⵎⴻⵕⵃⵓⵎⴻⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵙⴰⵔⴰⵎ ⵜⵓⵊⵊⵢⴰ ⵜⵓⵄⵊⵉⵍⵜ ⵉ ⵢⵉⵎⴻⵊⵔⴰⵃ ». ⵍⴷⵣⴰⵢⴻⵔ ⵜⴻⵜⵜⵄⴰⵡⴰⴷ ⴷⴰⵖ « ⵜⴻⵜⵜⵡⴻⴽⴽⵉⴷ-ⴷ ⴰⵙⵙ-ⴰ, ⵓⴳⴰⵔ ⵏ ⵣⵉⴽ » ⴰⴳⴳⴰⵎⵉ-ⵏⵏⴻⵙ ⵉ ⵔⵔⴻⴱⵔⴰⴱ ⴷ « ⵡⴻⵡⵊⴰⴷ-ⵏⵏⴻⵙ » ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴰⵎⵄⴰⵡⴻⵏ-ⵏⵏⴻⵙ ⴷ ⵜⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ ⵉ ⵡⴻⵃⴱⴰⵙ ⵏ ⵓⵅⴻⵚⵚⴰⵔ-ⴰ.
