ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵧⵏⴰⵜⵔⴰⵛⵀ ⴰⴷ ⴷ-ⵜⴻⵔⴹⴻⵍ ⵉⴷⵔⵉⵎⴻⵏ ⵙⴻⴳ ⵙⴷⴰⵅⴻⵍ ⵏ ⵜⵎⵓⵔⵜ ⵎⴰ ⵜⴻⵔⵔⴰ ⵜⵎⴰⵔⴰ (ⴰⵏⴻⵖⵍⴰⴼ)

ⵜⴰⴱⴰⵜⴻⵏⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ (ⵟⴰⵇⴰ), ⵙⴰⵍⴰⵀ ⴽⵀⴻⴱⵔⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴱⴰⵜⴻⵏⵜ, ⴷⴰⴽⴽⴻⵏ ⵙⵧⵏⴰⵜⵔⴰⵛⵀ « ⵓⵔ ⴷ-ⵜⴻⵔⴹⵉⵍ ⵉⴷⵔⵉⵎⴻⵏ ⵢⴻⵔⵏⵓ ⵜⴻⵙⵄⴰ ⴰⵟⴰⵙ ⵏ ⵢⴻⴷⵔⵉⵎⴻⵏ ⴰⴽⴽⴻⵏ ⴰⴷ ⵜⴻⵙⵙⵉⴷⵔⴻⵎ ⵉⵙⴻⵏⴼⴰⵔⴻⵏ-ⵏⵏⴻⵙ, ⵢⴻⵔⵏⵓ ⵎⴰ ⵜⴻⵔⵔⴰ-ⵜⵜ ⵜⵎⴰⵔⴰ, ⵜⴰⵕⵎⵉⵙⵜ-ⴰ (ⵛⴰⵔⵉⴽⴰ) ⴰⴷ ⴷ-ⵜⴻⵔⴹⴻⵍ ⵉⴷⵔⵉⵎⴻⵏ ⵙⴻⴳ ⵙⴷⴰⵅⴻⵍ ⵜⵎⵓⵔⵜ ».

« ⵙⵧⵏⴰⵜⵔⴰⵛⵀ ⴷ ⴰⵢⵍⴰ ⵏ ⵓⵡⴰⵏⴰⴽ (ⴷⴰⵡⵍⴰ) ⵢⴻⵔⵏⵓ ⵜⴻⵙⵄⴰ ⵜⵉⵣⴻⵎⵎⴰⵔ ⵜⵉⴷⵔⵉⵎⴰⵏⵉⵏ ⴷ ⵜⵉⵎⴻⵇⵔⴰⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⴻⵖⵔⴻⵎ ⵏ ⵎⵧⵓⵍⵉⵢⴰ, ⴷⴻⴳ ⵜⵖⵉⵡⴰⵏⵜ ⵏ ⵎⴰⴰⴼⴰ, ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ ⴰⵢ ⴷ-ⵢⴻⴱⴷⴰ ⴰⵙⵙ ⵏ ⵙⵙⴻⴱⵜ ⵖⴻⴼ ⵜⴱⴰⵜⴻⵏⵜ.

ⵢⴻⵏⴽⴻⵕ ⴷⴰⵖ ⵎⴰⵙⵙ ⴽⵀⴻⴱⵔⵉ ⴷⴷⵉⵄⴰⵢⴰⵜ-ⵏⵏⵉ ⵢⴻⵔⵣⴰⵏ ⴰⵙⵜⴻⵏⵢⵉ ⵏ 20 ⵏ ⵍⴻⵄⵇⵓⴷⴰⵜ ⵙ ⵡⴻⵎⵙⴻⴼⵀⴰⵎ ⵉ ⵓⵖⴻⵍⵍⴻⵜ ⵏ ⵢⵉⴳⵔⴰⵏ ⵏ ⵓⵒⵉⵜⵕⵓⵍ ⴷ ⵍⴳⴰⵣ ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵉⴳⵔⴰⵏ ⵏ ⵓⵒⵉⵜⵕⵓⵍ ⴷ ⵍⴳⴰⵣ ⴷ ⴰⵢⵍⴰ ⵏ ⵓⵡⴰⵏⴰⴽ ⵢⴻⵔⵏⵓ ⵜⴻⵙⵙⴻⴼⵔⴰⴽ-ⵉⵜⴻⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵇⴻⵢⵢⴻⵎ ⵏ ⵜⴻⵖⴱⵓⵍⴰ ⵏ ⵜⵎⴻⵔⵖⴰ, ⴷ ⵜⵉⵏ ⴰⵢ ⵢⴻⵙⵄⴰⵏ ⵜⵜⴻⵙⵔⵉⵃ ⴰⴷ ⴷ-ⵜⵖⴻⵔ ⵉ ⵜⴻⵕⵎⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵓⵖⴻⵍⵍⴻⵜ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵏⵇⴻⵙ ⵏ ⵢⵉⵅⴻⴷⴷⴰⵎⴻⵏ ⵉⴱⴻⵕⵕⴰⵏⵉⵢⴻⵏ ⴷⴻⴳ ⵍⵍⵓⵣⵉⵏ ⵏ ⵍⴳⴰⵣ ⵏ ⴽⵔⴻⵛⵀⴱⴰ ⴷ-ⵢⵓⵙⴰⵏ ⵙⴷⴰⵜ ⵍⴻⵎⵏⵉⵄⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵉⵙⵙⴻⵔⵙⵉⵢⵉⵏ (ⵎⵓⵏⵛⴰ’ⴰⵜ) ⵏ ⵓⵒⵉⵜⵕⵓⵍ ⴷ ⵍⴳⴰⵣ ⴷⴻⴳ ⵍⴷⵣⴰⵢⴻⵔ « ⵜⴻⵍⵍⴰ-ⴷ ⴼⴻⵍⵍ-ⴰⵙⴻⵏⵜ ⵜⵄⴻⵙⵙⴰⵙⵜ ⵙ ⵓⵅⴻⴷⴷⵉⵎ ⴰⵢ ⵢⴻⵜⵜⴻⴳ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵢⵉⴷⵓⴱⴰ ⵏ ⵜⵖⴻⵍⵍⵉⵙⵜ (ⴰⵎⵏ) ».

ⵎⴰ ⴷⴻⴳ ⵜⴻⵎⵙⴰⵍⵜ ⵏ ⵓⵙⵙⴻⴵⵀⴻⴷ ⵏ ⵓⴼⴰⵔⴻⵙ (ⵉⵏⵜⴰⴵ) ⴰⵖⴻⵍⵏⴰⵡ ⵏ ⵜⵔⵉⵙⵉⵜⵉ, ⵢⴻⵏⵏⴰ-ⴷ ⵎⴰⵙⵙ ⴽⵀⴻⴱⵔⵉ ⴷⴰⴽⴽⴻⵏ ⵜⵉⵖⵙⴰⵔ (ⵎⴰⵃⴰⵟⵟⴰⵜ) ⴰⵢ ⵢⴻⴱⵏⴰ ⵓⵡⴰⵏⴰⴽ, ⴰⵎ ⵜⵉⴷ ⵏ ⵄⵉⵏ ⴵⴰⵙⴻⵔ ⵜⵉⵙ 2 ⴷ ⵜⵉⵙ 3 ⴷⴻⴳ ⵜⴱⴰⵜⴻⵏⵜ, ⵜⵉⵏ ⵏ ⵜⴱⴻⵙⴽⴻⵔⵜ ⴷ ⵜⵉⵏ ⵏ ⵇⴰⵢⴻⵙ (ⴷⴻⴳ ⵜⵅⴻⵏⵛⴻⵍⵜ) « ⴰⴷ ⵙⵎⴻⵖⵔⴻⵏ ⵙ ⵡⴰⵟⴰⵙ ⵜⵉⵣⴻⵎⵎⴰⵔ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ».