ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵖⴰⵏ ⵙⵉⵏ ⵉⵔⴻⵎⵎⴰⵖⴻⵏ ⴷⴻⴳ ⵜⵉⵣⵉ ⵡⴻⵣⵣⵓ ⴰⴽⴽⴻⴷ ⵍⵡⴰⴷ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ – ⵜⴻⵏⵖⴰ ⵢⵉⵡⴻⵏ ⵏ ⵓⵔⴻⵎⵎⴰⵖ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵖⵉⵡⴰⵏⵜ ⵏ ⵜⴻⴷⵎⴰⵢⵜ ⴷⴻⴳ ⵜⵉⵣⵉ ⵡⴻⵣⵣⵓ, ⵜⴻⵔⵏⴰ ⵡⴰⵢⴻⴹ, ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵜⵡⵉⵍⴰⵢⵜ ⵏ ⵍⵡⴰⴷ, ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

’ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵖⴰ ⵙⴻⴳ ⴷ-ⵜⴻⴹⵔⴰ ⵜⴻⵎⵣⴻⵍⵜ ⵏ ⵓⵏⴰⴷⵉ ⵉ ⵅⴻⴷⵎⴻⵏ ⵢⵉⵖⴰⵍⵍⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⴷⴻⴳ ⵜⴻⵥⴳⵉ ⵏ ⵙⵉⴷⴻⵄⵍⵉ ⴱⵓⵏⴰⴱ, ⵙ ⵉⴷⵉⵙ ⵏ ⵜⵖⵉⵡⴰⵏⵜ ⵏ ⵜⴻⴷⵎⴰⵢⵜ, ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ), ⵉ ⴷ-ⵢⴻⴳⵍⴰⵏ ⵙ ⵜⵎⴻⵜⵜⴰⵏⵜ ⵏ ⴽⵔⴰⴹ (03) ⵉⵔⴻⵎⵎⴰⵖⴻⵏ ⴰⴽⴽⴻⴷ ⵓⵙⴻⴳⵔⴻⵡ ⵏ ⵢⵉⵡⴻⵜ ⵏ ⵜⵎⴻⴽⵃⴻⵍⵜ ⴰⴽⴽⴻⴷ ⵢⵉⴽⴰⵔⵟⵓⵛⴻⵏ, ⵔⵏⵓ ⵜⴰⵎⴻⵜⵜⴰⵏⵜ ⵏ ⵢⵉⵡⴻⵏ ⵏ ⵓⵔⴻⵎⵎⴰⵖ ⵏⵏⵉⴹⴻⵏ, ⵜⴰⵙⴻⴱⵃⵉⵜ ⵏ ⵡⴰⵙⵙ ⵏ 28 ⵎⴻⵖⵔⴻⵙ 2016, ⵉ ⵓⵖⵓⵔ ⵓⴼⴰⵏ ⵢⵉⵡⴻⵜ ⵏ ⵜⵎⴻⴽⵃⴻⵍⵜ ⵙⴻⴳ ⵓⵣⵓⵏ ⵏ ⴽⴰⵍⴰⵛⵀⵏⵉⴽⵧⵠ ⴰⴽⴽⴻⴷ ⴷⴷⴻⵇⵙ ⵏ ⵢⵉⴽⴰⵔⵟⵓⵛⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵜⴻⵎⵣⴻⵍⵜ ⵉ ⵜⴻⵅⴷⴻⵎ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⴷⴻⴳ ⵜⵡⵉⵍⴰⵜ ⵏ ⵍⵡⴰⴷ, ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4, ⵜⴻⴳⵍⴰ-ⴷ ⵙ ⵜⵎⴻⵜⵜⴰⵏⵜ ⵏ ⵙⴹⵉⵙ (06) ⵉⵔⴻⵎⵎⴰⵖⴻⵏ (ⵉⵔⵀⴰⴱⵉ) ⴰⴽⴽⴻⴷ ⵓⵙⴻⴳⵔⴻⵡ ⵏ ⵢⵉⵡⴻⵜ ⵏ ⵜⴰⴼⴼⴰ ⵏ ⵢⵉⵎⵔⵉⴳⴻⵏ (ⵍⴻⵙⵍⴰⵃ) ⴰⴽⴽⴻⴷ ⵢⵉⴽⴻⵔⵟⵓⵛⴻⵏ, ⵙⴻⴳ ⵉⵜⴻⵏ-ⵉⴷ-ⵡⵡⴹⴻⵏⵜ ⵜⴻⵍⵖⵓⵜⵉⵏ (ⵍⴻⵅⴱⴰⵔⴰⵜ), ⴰⵔⴻⵎⵎⴰⵖ ⵡⵉⵙ ⵙⴰ (07) ⵏ ⵜⴻⴳⵔⴰⵡⵜ-ⵏⵏⵉ ⵏ ⵢⵉⵔⴻⵎⵎⴰⵖⴻⵏ ⵏ ⵖⴰⵏⵜ, ⵉⴹⴻⵍⵍⵉ ⵜⴰⵎⴻⴷⴷⵉⵜ ⵏ 27 ⵎⴻⵖⵔⴻⵙ 2016 ⵖⴻⴼ 21ⵀ, ⴷⴻⴳ ⵍⵡⴰⴷ, ⵉ ⵜⴻⵔⵏⴰ ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⵏⵏⵉ.