ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵡⵡⴰⴹ ⵖⴻⵔ ⵍⴷⵣⴰⵢⴻⵔ ⵏ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵡⵡⴻⴹ-ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵊⴻⴰⵏ-ⵎⴰⵔⵛ ⴰⵢⵔⴰⵓⵍⵜ, ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⴽⴽⴻⵏ ⴰⴷ ⵢⴻⴳ ⵜⵉⵔⵣⵉ ⵏ ⵙⵉⵏ ⵏ ⵡⵓⵙⵙⴰⵏ ⵖⴻⴼ ⵜⵎⵓⵔⵜ.
ⴰⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵢⴻⵎⵎⵓⴳⴻⵔ-ⵉⵜ ⵡⴻⵎⵜⵉⵍ-ⵏⵏⴻⵙ ⴰⴷⵣⴰⵢⵔⵉ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷⴻⴳ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵀⵧⵓⴰⵔⵉ-ⴱⵧⵓⵎⴻⴷⵉⴻⵏⴻ.
ⵜⵉⵔⵣⵉ-ⴰ ⵜⴻⵍⵍⴰ-ⴷ ⵙ ⵓⵏⴻⵄⵔⵓⴹ ⵏ ⵎⴰⵙⵙ ⵍⴰⵎⴰⵎⵔⴰ ⵢⴻⵔⵏⵓ ⴰⴷ ⴷ-ⵜⵉⵍⵉ ⴷⴻⴳ ⵓⴽⴰⵜⴰⵔ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵓⵛⵔⵉⴽ ⵉ ⵓⵙⵙⴻⴱⴷⴻⴷ ⵏ ⵓⵙⴻⵇⵇⴰⵎⵓ ⴰⴳⴻⵔⵏⴰⴱⴰⴹ ⵏ ⵡⴻⵙⵡⵉⵔ ⵓⵏⵏⵉⴳ ⴳⴰⵔ ⵍⴷⵣⴰⵢⴻⵔ ⴷ ⴼⵕⴰⵏⵙⴰ ⴰⵢⵖⴻⴼ ⵎⵙⴻⴼⵀⴰⵎⴻⵏⵜ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ 2013 ⵉ ⵍⵎⴻⵏⴷ ⵏ ⵡⴻⵎⵛⵉⵡⴻⵕ ⴰⵙⴻⵔⵜⴰⵏ ⴰⵍⵓⴳⴰⵏ (ⵉⵄⵜⵉⵢⴰⴷⵉ) ⴳⴰⵔ ⵢⵉⵏⴻⵖⵍⴰⴼⴻⵏ ⵉⵎⴻⵏⵣⴰ, ⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷ ⵢⵉⵎⵓⵔⴰ ⵉⵎⵓⵜⴰ ⵉⴷⵣⴰⵢⵔⵉⵢⴻⵏ ⴷ ⵢⴻⴼⵕⴻⵏⵙⵉⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ.
ⴷⴻⴳ ⵜⴻⵔⵣⵉ-ⵏⵏⴻⵙ, ⴰⴷ ⵢⴻⵙⵙⵉⵡⴻⵍ ⵎⴰⵙⵙ ⴰⵢⵔⴰⵓⵍⵜ ⴷ ⵎⴰⵙⵙ ⵍⴰⵎⴰⵎⵔⴰ ⵢⴻⵔⵏⵓ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴻⵎⵙⴰⵍ ⵜⵓⵛⵔⵉⴽⵉⵏ, ⴰⵎ ⵡⴰⴽⴽⴻⵏ ⴰⴷ ⵏⴰⴷⵉⵏ ⴰⵎⴻⴽ ⴰⴷ ⵙⵙⴰⵍⵇⵢⴻⵏ ⴰⵎⵛⵉⵡⴻⵕ ⴰⵙⴻⵔⵜⴰⵏ ⵢⴻⵔⵏⵓ ⴰⴷ ⵙⴵⴻⵀⴷⴻⵏ ⴰⵙⵙⴰⵖⴻⵏ ⴳⴰⵔ ⵍⴷⵣⴰⵢⴻⵔ ⴷ ⴼⵕⴰⵏⵙⴰ.
ⴰⴷ ⵎⴱⴰⴷⴷⴰⵍⴻⵏ ⴷⴰⵖ ⵢⵉⵏⴻⵖⵍⴰⴼⴻⵏ-ⴰ ⵜⵉⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵏ ⵜⴻⵎⵏⴰⴹⵜ ⴷ ⵓⵎⴰⴹⴰⵍ ⵢⴻⵙⵄⴰⵏ ⵏⵏⴼⴻⵄ ⵓⵛⵔⵉⴽ, ⵍⴰⴷⵖⴰ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ).
