Asebter amenzawi

Awwaḍ ɣer Ldzayer n uneɣlaf afṛensis n tɣawsiwin n wezɣar

LezZAYER TAMANEɣT– Yewweḍ-d uneɣlaf afṛensis n tɣawsiwin n wezɣar, Jean-Marc Ayrault, ass n ttlata ɣer Ldzayer Tamaneɣt, akken ad yeg tirzi n sin n wussan ɣef tmurt.

Aneɣlaf afṛensis n tɣawsiwin n wezɣar yemmuger-it wemtil-nnes adzayri, Ramtane Lamamra, deg unafag agraɣlan n Houari-Boumediene.

Tirzi-a tella-d s uneɛruḍ n Mass Lamamra yernu ad d-tili deg ukatar n wemtawa (ittifaq) ucrik i ussebded n Useqqamu Agernabaḍ n Weswir Unnig gar Ldzayer d Fṛansa ayɣef msefhament snat-a n tmura deg 2013 i lmend n wemciweṛ asertan alugan (iɛtiyadi) gar yineɣlafen imenza, ineɣlafen n tɣawsiwin n wezɣar d yimura imuta idzayriyen d yefṛensisen, ɣef wakken ay d-yenna welɣu n weɣlif n tɣawsiwin n wezɣar.

Deg terzi-nnes, ad yessiwel Mass Ayrault d Mass Lamamra yernu ad d-ssukken tiṭ ɣef umur ameqran seg temsal tucrikin, am wakken ad nadin amek ad ssalqyen amciweṛ asertan yernu ad sǧehden assaɣen gar Ldzayer d Fṛansa.

Ad mbaddalen daɣ yineɣlafen-a timuɣliwin ɣef temsal n temnaḍt d umaḍal yesɛan nnfeɛ ucrik, ladɣa timsal yeqqnen ɣer talwit d tɣellist (amn).