ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵃⴽⴰⵎ ⵙ ⵜⵎⴻⵜⵜⴰⵏⵜ ⵖⴻⴼ ⵡⵉⵏ ⴰⵢ ⵢⴻⵏⵖⴰⵏ ⴳⵎⴰ-ⵙ ⵉⴽⴻⵏ ⴷⴻⴳ ⴳⴰⵍⵎⴰ
ⴳⴰⵍⵎⴰ- ⵢⴻⵃⴽⴻⵎ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⴳⴰⵍⵎⴰ ⴰⵙⵙ ⵏ ⵍⴻⵜⵏⵉⵢⴻⵏ ⵙ ⵜⵎⴻⵜⵜⴰⵏⵜ ⵖⴻⴼ ⵙ.ⴰ. ⵢⴻⵙⵄⴰⵏ 57 ⵏ ⵢⵉⵙⴻⴳⴳⴰⵙⴻⵏ ⵉⵎⵉ ⴰⵢ ⵢⴻⵏⵖⴰ ⴳⵎⴰ-ⵙ ⵉⴽⴻⵏ ⴷⴻⴳ ⵢⵉⵡⴻⵏ ⵏ ⵢⵉⵖⴻⵔⵎⴰⵏ ⵏ ⴱⵓⵛⴻⴳⴳⵓⴼ.
ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ ⵏ ⵓⵡⴻⵅⵅⴻⵔ ⴷ ⵜⵎⴻⵙⵍⵉⵡⵜ ⵏ ⵛⵛⵕⴻⵄ ⴰⵢ ⵢⴻⵇⵇⵉⵎⴻⵏ 3 ⵏ ⵜⵙⴰⵄⵜⵉⵏ, ⵜⴰⵎⵙⴰⵍⵜ-ⴰ ⵜⴻⴹⵔⴰ ⴷⴻⴳ ⵛⵜⴻⵎⴱⴻⵕ ⵏ 2015, ⵎⵉ ⵢⴻⵏⵖⴰ ⵓⵎⴻⵜⵜⵀⵓⵎ ⴳⵎⴰ-ⵙ ⴷⴻⴳ ⵢⴻⵖⵔⴻⵎ ⵏ ⴷⵊⴻⴱⴰⵔ ⵜⴰⵢⴻⴱ ⵖⴻⴼ ⵍⴵⴰⵍ ⵏ ⵢⵉⵡⴻⵏ ⵏ ⵡⵓⴳⵓⵔ ⴰⵢ ⵙⵄⴰⵏ ⴷⴻⴳ ⵜⵡⴰⵛⵓⵍⵜ ⵙⴻⴳ 1989.
ⵎⵉ ⵢⴻⵜⵜⵡⴰⵙⵙⴻⵍⴽⴻⵎ (ⵏⵓⴼⴼⵉⴷⴰ) ⵢⵉⵡⴻⵏ ⵏ ⵕⵕⴰⵢ ⵏ ⵓⵙⵙⵓⴼⴼⴻⵖ ⵙⴻⴳ ⵡⴻⵅⵅⴰⵎ ⴰⵢ ⵢⴻⵍⵍⴰ ⵢⴻⵣⴷⴻⵖ-ⵉⵜ ⵓⵎⴻⵜⵜⵀⵓⵎ-ⵏⵏⵉ, ⴰⵏⴻⴳⴳⴰⵔⵓ-ⴰ ⵢⴻⴼⴼⴻⵔ ⴷⴻⴼⴼⵉⵔ ⵢⵉⵡⴻⵏ ⵏ ⵓⵙⴻⴽⵍⵓ ⵢⴻⵔⵏⵓ ⵢⴻⵏⵖⴰ ⴳⵎⴰ-ⵙ ⵙ ⵓⴱⴻⵛⴽⵉⴹ ⴰⵢ ⵢⴻⵙⵄⴰ ⵖⴻⵔ-ⵙ ⵉⵎⵉ ⴰⵢ ⵢⴻⵍⵍⴰ ⵉⵅⴻⴷⴷⴻⵎ ⴷⴻⴳ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵓⵃⵓⴷⴷⵓ ⵏ ⵢⵉⵎⴰⵏ. ⴰⵙⵙⵓⴼⴼⴻⵖ-ⵏⵏⵉ ⵙⴻⴳ ⵡⴻⵅⵅⴰⵎ ⵢⴻⵍⵍⴰ-ⴷ ⵙ ⵡⴻⵃⴷⴰⵕ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ), ⵜⴰⵎⵙⴻⵜⵍⴰ (ⴷⴰⵔⴰⴽ) ⴷ ⵓⵍⵓⵙⵉ.
ⴰⵎⴻⵜⵜⵀⵓⵎ ⵉⵇⴻⵔⵔⴻⵙ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵖⴻⴼ ⴳⵎⴰ-ⵙ ⵢⴻⵔⵏⵓ ⵉⵃⵓⵣⴰ-ⵜ ⴷⴻⴳ ⵓⴹⴰⵔ, ⵙⴰⴽⴽⵉⵏ ⵢⴻⵔⵏⴰ ⵉⵇⴻⵔⵔⴻⵙ ⴼⴻⵍⵍ-ⴰⵙ ⵙⵏⴰⵜ ⵏ ⵜⵉⴽⴽⴰⵍ ⵖⴻⵔ ⵜⵄⴻⴱⴱⵓⴹⵜ ⵙⴷⴰⵜ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ ⴰⵢ ⵉⵃⴻⴷⵕⴻⵏ ⵢⴻⵔⵏⵓ ⴷⵉⵏⴷⵉⵏ ⵢⴻⵜⵜⵡⴰⴹⴹⴻⴼ.
ⴰⵎⴻⵜⵜⵀⵓⵎ ⵢⴻⵙⵜⴻⵄⵕⴻⴼ ⵙ ⵡⴰⵢⴻⵏ ⴰⵢ ⵉⴳⴰ, ⵎⴰ ⴷ ⵉⵎⵡⴻⴽⴽⴻⵍ ⵏ ⵛⵛⵕⴻⵄ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⵉ ⵜⵉⵎⴻⵏⵖⵉⵡⵜ-ⴰ ⴷ ⵜⴰⵎⴰⴳⵍⴰⵢⵜ, ⵢⴻⵡⵡⵉ-ⴷ ⵍⵃⴰⵍ ⴰⴷ ⴷ-ⵢⵉⵍⵉ ⵍⴻⵃⴽⴻⵎ ⵙ ⵜⵎⴻⵜⵜⴰⵏⵜ.
