ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴷⵣⴰⵢⴻⵔ: ⴷ ⴰⴷⵣⴰⵢⵔⵉ ⵏⴰⵙⵙⵉⵎ ⵙⴰⵉⴷⵉ ⴰⵢ ⵉⵔⴻⴱⵃⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴷ ⴰⵎⴰⵣⵣⴰⵍ ⴰⴷⵣⴰⵢⵔⵉ ⵏⴰⵙⵙⵉⵎ ⵙⴰⵉⴷⵉ ⵏ ⵜⴻⵖⵍⴰⵎⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵢ ⵉⵔⴻⴱⵃⴻⵏ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⴹ, ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴷⵣⴰⵢⴻⵔ ⵏ ⵡⴻⵙⵏⴰⵙⵖⴻⵍ ⵏ 2016.

ⵢⵓⴷⴻⴼ-ⴷ ⵙⴰⵉⴷⵉ ⵖⴻⵔ ⵢⵉⵣⵉⵔⵉⴳ ⵏ ⵡⴰⵡⵡⴰⴹ ⴷⴻⴳ ⵡⴰⴽⵓⴷ ⵏ ⵜⵙⴰⵄⴻⵜ, 32 ⵏ ⵜⴻⴷⵇⵉⵇⵉⵏ ⴷ 53 ⵏ ⵜⵙⵉⵏⵉⵏ ⵢⴻⵔⵏⵓ ⵢⴻⵣⵡⴰⵔ ⴰⵙⵒⴻⵏⵢⵓⵍⵉ ⵔⵓⴱⵉⵧ ⵊⴻⵙⵓⵙ ⵏ ⵜⴻⵖⵍⴰⵎⵜ ⵏ ⵏⴰⵙⵔ-ⴷⵓⴱⴰⵉ ⴷ ⵢⵉⵔⵉⵜⵔⵉ ⴷⴻⴱⵔⴻⵜⵙⵉⵧⵏ ⴰⵔⵧⵏ (1ⵙ33:16).

ⴷ ⵜⴰ ⴰⵢ ⴷ ⵜⵉⴽⴽⴻⵍⵜ ⵜⴰⵡⵃⵉⴷⵜ ⴰⵢⴷⴻⴳ ⴰⴷ ⵜⴻⵔⴱⴻⵃ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⴷⴻⴳ ⵓⵎⴻⵛⵡⴰⵕ ⴰⵏⴻⴳⴳⴰⵔⵓ ⵏ ⵜⵓⵣⵣⵢⴰ-ⴰ ⵖⴻⵣⵣⵉⴼⴻⵏ 64 ⵏ ⵢⵉⴽⵉⵍⵓⵎⵉⵜⵔⴻⵏ (40 ⵏ ⵜⵓⵣⵣⵢⵉⵡⵉⵏ ⵏ 1,6 ⴷ ⴰⴽⵉⵍⵓⵎⵉⵜⵔ ⵖⴻⴼ ⵡⴻⵅⵅⴰⵎ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⴰⵖⴻⵔⴼⴰⵏ).

58 ⵏ ⵢⵉⵏⴰⴷⴷⴰⵍⴻⵏ ⴰⵢ ⵢⴻⵜⵜⴻⴽⴽⴰⵏ ⵙⴻⴳ 11 ⵏ ⵜⴻⵖⵍⴰⵎⵉⵏ, ⴳⴰⵔ-ⴰⵙⴻⵏⵜ 5 ⵏ ⵜⴻⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ. ⵉⵏⴰⴷⴷⴰⵍⴻⵏ-ⴰ ⵣⵣⵉⵏ-ⴷ 40 ⵏ ⵜⵉⴽⴽⴰⵍ ⵙⴷⴰⵜ ⵢⴻⵎⴼⴻⵕⵕⴵⴻⵏ ⴰⵢ ⴷ-ⵢⴻⴼⴼⵖⴻⵏ ⴰⴷ ⵙⴱⴻⵖⵙⴻⵏ (ⵢⵓⵛⴰⴵⴵⵉⵄⵓⵏ) ⵜⵉⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ ⴷⴻⴳ ⵓⵎⴻⵛⵡⴰⵕ-ⴰ ⴰⵏⴻⴳⴳⴰⵔⵓ ⵏ ⵜⵓⵣⵣⵢⴰ ⵜⴰⵎⴻⵇⵔⴰⵏⵜ ⵏ ⵍⴷⵣⴰⵢⴻⵔ ⵏ 2016.

ⴰⴷⵣⴰⵢⵔⵉ ⵏⴰⵙⵙⵉⵎ ⵙⴰⵉⴷⵉ ⴷ ⵡⴻⵙⵒⴻⵏⵢⵓⵍⵉ ⵔⵓⴱⵉⵧ ⵊⴻⵙⵓⵙ ⵡⵡⴹⴻⵏ ⵖⴻⵔ ⵢⵉⵖⴻⴼ ⵏ ⵜⴻⵎⵙⵉⵣⵣⴻⵍⵜ ⴷⴻⴳ 5 ⵏ ⵜⵓⵣⵣⵢⵉⵡⵉⵏ ⵜⵉⵏⴻⴳⴳⵓⵔⴰ, ⵙⴰⴽⴽⵉⵏ ⴷ ⵙⴰⵉⴷⵉ ⴰⵢ ⵢⴻⵙⵙⴰⵡⴹⴻⵏ ⴰⴷ ⵢⴻⵣⵡⵉⵔ ⴰⵅⵚⵉⵎ-ⵏⵏⴻⵙ ⵏ ⵏⴰⵙⵔ ⴷⵓⴱⴰⵉ.

ⵍⴰⵎⴻⵕ ⵏ ⴱⴻⴷⴷⵓ ⵏ ⵓⵎⴻⵛⵡⴰⵕ-ⴰ ⴰⵏⴻⴳⴳⴰⵔⵓ ⵏ ⵜⴻⵎⵙⵉⵣⵣⴻⵍⵜ ⴼⴽⴰⵏ-ⵜ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ ⴷ ⵓⵡⴰⵍⵉ ⵏ ⵍⴷⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ.