ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

17 ⵏ ⵜⵡⵉⵍⴰⵢⵉⵏ ⴰⵢ ⵉⵃⴻⴷⵕⴻⵏ ⴷⴻⴳ ⵡⴻⵛⵇⵉⵔⵔⴻⵡ ⴰⵎⵏⴰⴹⴰⵏ ⵏ ⵡⴰⴷⴷⴰⵍⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴷⴻⴳ ⵡⴰⴷ ⵙⵓⴼ

ⵡⴰⴷ ⵙⵓⴼ– ⴰⵣⴰⵍ ⵏ 600 ⵏ ⵢⵉⵎⴻⴳⴳⵉⵢⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ, ⵙⴻⴳ 17 ⵏ ⵜⵡⵉⵍⴰⵢⵉⵏ ⵏ ⵡⴻⴳⵎⵓⴹ (ⵛⵛⴻⵔⵇ) ⵏ ⵜⵎⵓⵔⵜ, ⴰⵢ ⵢⴻⵜⵜⴻⴽⴽⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴰⴷ ⵙⵓⴼ ⴷⴻⴳ ⵡⴻⵛⵇⵉⵔⵔⴻⵡ ⴰⵎⵏⴰⴹⴰⵏ ⵏ ⵡⴰⴷⴷⴰⵍⴻⵏ ⴷ-ⵢⴻⵎⵢⴻⵣⴳⴻⵏ, ⵢⴻⵔⵏⵓ ⵡⵉⴷ ⴰⴷ ⴷ-ⵢⴻⴼⵔⵓⵔⵉⵏ ⴰⴷ ⵄⴻⴷⴷⵉⵏ ⵖⴻⵔ ⵡⴻⵛⵇⵉⵔⵔⴻⵡ ⴰⵖⴻⵍⵏⴰⵡ.

ⵉⵎⵜⵜⴻⴽⴽⵉⵢⴻⵏ ⵍⵍⴰⵏ ⴳⴰⵔ-ⴰⵙⴻⵏ ⴰⵎⴰ ⴷ ⵉⵔⴳⴰⵣⴻⵏ, ⴰⵎⴰ ⴷ ⵜⵉⵙⴻⴷⵏⴰⵏ ⵢⴻⵔⵏⵓ ⵙⴻⴳ ⵜⴼⴻⵙⵏⵉⵡⵉⵏ ⵢⴻⵎⴳⴻⵔⵔⴰⴷⴻⵏ. ⴰⵎⵙⵉⵣⵡⴻⵔ-ⴰ-ⵏⵙⴻⵏ ⴰⴷ ⵢⴻⵇⵇⵉⵎ ⵙⵉⵏ ⵏ ⵡⵓⵙⵙⴰⵏ (29 ⴷ 30 ⵏ ⵎⴻⵖⵔⴻⵙ) ⵢⴻⵔⵏⵓ ⴰⴷ ⵉⵍⵉⵏ ⴷⴻⴳ-ⵙ 10 ⵏ ⵡⴰⴷⴷⴰⵍⴻⵏ ⴷ-ⵢⴻⵎⵢⴻⵣⴳⴻⵏ ⴷ ⵢⵉⵅⴻⴷⴷⵉⵎⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ, ⴳⴰⵔ-ⴰⵙⴻⵏ ⵜⵉⵎⵙⵉⵣⵣⴻⵍⵜ ⵙ ⵢⴻⵙⴳⴰⵜⴻⵏ ⵏ ⵢⵉⴱⵉⴱⴱⵉ, ⴰⵎⴻⵛⵡⴰⵕ ⵏ ⵓⵙⴻⵖⵙⴰⵢ (ⵔⴰⴵⵓⵍ ⴰⵍ-ⵉⵟⴼⴰ’), ⴰⵙⵙⵓⴽⴽⴻⵙ, ⵜⴰⵏⵀⴻⵕⵜ ⴷⴻⴳ ⵢⵉⵏⵓⵔⴰⵔ ⵉⵡⴻⵄⵕⴰⵏⴻⵏ, ⴰⵄⵓⵎⵓ ⴷ ⵜⴰⵣⵣⵍⴰ ⴷⴻⴳ ⵢⵉⴳⵉⴷⴰⵏ ⵏ ⵢⴻⵊⴷⵉ.

ⵜⴰⴼⵓⴳⵍⴰ ⵏ ⴱⴻⴷⴷⵓ ⵏ ⵡⴻⵛⵇⵉⵔⵔⴻⵡ-ⴰ ⵢⴻⵍⵍⴰ-ⴷ ⴷⴻⴳ-ⵙ ⵡⴻⵙⵙⴽⴰⵏ ⵏ ⵜⵎⵓⵙⵙⵏⵉⵡⵉⵏ ⵏ ⵢⵉⵎⴻⴳⴳⵉⵢⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴷⴻⴳ ⵓⵙⵙⵓⴽⴽⴻⵙ ⵏ ⵎⴻⴷⴷⴻⵏ ⵙⴻⴳ ⵢⵉⵙⴻⵀⵡⴰ (ⵃⴰⵡⴰⴷⵉⵜ) ⵏ ⵡⴻⵅⵅⴰⵎ ⵏⴻⵖ ⵙⴻⴳ ⵢⵉⵅⴻⵚⵚⴰⵔⴻⵏ ⵏ ⵓⴳⴰⵎⴰ.

ⵜⴰⴷⵢⴰⵏⵜ-ⴰ ⵜⴰⵏⴰⴷⴷⴰⵍⵜ ⵜⴻⵙⵙⵓⴷⴷⴻⵙ-ⵉⵜⵜ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵃⵓⴷⴷⵓ ⴰⵖⴰⵔⵉⵎ.