Asebter amenzawi

17 n twilayin ay iḥedṛen deg wecqirrew amnaḍan n waddalen n uḥuddu aɣarim deg Wad Suf

WAD SUF– Azal n 600 n yimeggiyen n uḥuddu aɣarim, seg 17 n twilayin n wegmuḍ (ccerq) n tmurt, ay yettekkan ass n ttlata deg Wad Suf deg wecqirrew amnaḍan n waddalen d-yemyezgen, yernu wid ad d-yefrurin ad ɛeddin ɣer Wecqirrew Aɣelnaw.

Imttekkiyen llan gar-asen ama d irgazen, ama d tisednan yernu seg tfesniwin yemgerraden. Amsizwer-a-nsen ad yeqqim sin n wussan (29 d 30 n Meɣres) yernu ad ilin deg-s 10 n waddalen d-yemyezgen d yixeddimen n uḥuddu aɣarim, gar-asen timsizzelt s yesgaten n yibibbi, amecwaṛ n useɣsay (raǧul al-iṭfa’), assukkes, tanheṛt deg yinurar iweɛṛanen, aɛumu d tazzla deg yigidan n yejdi.

Tafugla n beddu n Wecqirrew-a yella-d deg-s wesskan n tmussniwin n yimeggiyen n uḥuddu aɣarim deg ussukkes n medden seg yisehwa (ḥawadit) n wexxam neɣ seg yixeṣṣaren n ugama.

Tadyant-a tanaddalt tessuddes-itt tmehla tamatut n uḥuddu aɣarim.