Asebter amenzawi

Ramtane Lamamra yemcawar akked umtil-is afransi

LEZZAYER – Aneɣlaf n Uwanek, aneɣlaf n Tɣawsiwin n berra akked Umedhel agraɣlan, Ramtane Lamamra, yemcawar ass ttlata deg Lezzayer akked uneɣlaf afransi n Tɣawsiwin n berra akked usnefli agraɣlan, Jean-Marc Ayrault. Amciwer, yeḍra-d deg uxxam n uɣlif, saherwen-t sakin i yiɛeggalen n snat tmagliwin. Send ad yili umciwer, Mass Ayrault yeẓẓa yiwen n useklu deg uxxam n uɣlif, d azamul n tegmat tazzayrit-tafransit. Tirzi n uɣella n tdiblumasit tafransit deg Lezzayer ters deg ukatar n umtawa ucrik i d-yesɣewnen Aseqqamu agrinabaḍen n uswir unnig azzayri-afransi (CIHN), i yettwastenyan gar sin yeḥricen deg wayyur n duǧember 2013. Amtawa ucrik iheyya-d tilin n yiwen udiwenni asertan imezgi gar snat tmura yerza aswir n yineɣlafen Imezwura, n yineɣlafen n Tɣawsiwin n berra akked yimarayen imatuyen.