ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴰⵡⴻⵍ ⴱⴻⴷⵧⵓⵉ ⴷⴻⴳ ⵍⵇⴰⵀⵉⵔⴰ ⴷ ⵡⴻⵎⵜⵉⵍ-ⵏⵏⴻⵙ ⴰⵎⴰⵚⵔⵉ
ⵍⵇⴰⵀⵉⵔⴰ– ⵢⴻⵙⵙⴰⵡⴻⵍ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⵇⴰⵀⵉⵔⴰ ⴷ ⵡⴻⵎⵜⵉⵍ-ⵏⵏⴻⵙ ⴰⵎⴰⵚⵔⵉ, ⵎⴰⴳⴷⵢ ⴰⴱⴷⴻⵍⴳⵀⴻⴼⴼⴰⵔ, ⵖⴻⴼ ⵜⵜⴰⵡⵉⵍⴰⵜ ⵏ ⵓⵙⵙⴻⵊⵀⴻⴷ ⵏ ⵡⴻⵎⵄⴰⵡⴻⵏ ⵓⵛⵔⵉⴽ.
ⵢⴻⵍⵍⴰ-ⴷ ⵓⴷⵉⵡⴻⵏⵏⵉ-ⴰ ⵙ ⵡⴻⵃⴷⴰⵕ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵢⴻⵔⵏⵓ ⵢⴻⵍⵍⴰ-ⴷ ⴷⴻⴳ-ⵙ ⵡⴻⵙⵜⴻⵏⵢⵉ ⵏ ⵢⵉⵡⴻⵜ ⵏ ⵜⴻⵙⵎⴻⴽⵜⴰⵢⵜ ⵏ ⵡⴻⵎⵙⴻⴼⵀⴰⵎ ⵖⴻⴼ ⵡⴻⵎⵄⴰⵡⴻⵏ ⴰⵖⴻⵍⵍⵉⵙⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵡⴻⵎⵄⴰⵡⴻⵏ ⵓⵛⵔⵉⴽ ⵉ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ ⴷ ⵡⴻⵔⴽⴰⴷ ⴷⴻⴳ ⵙⵏⴰⵜ-ⴰ ⵏ ⵜⵎⵓⵔⴰ ⵙ ⵓⵙⵙⴻⴼⵄⴻⵍ ⵏ ⵢⵉⵡⴻⵀⵀⵉⵢⴻⵏ ⵏ ⵢⴻⵎⴹⴻⴱⴱⵔⴻⵏ-ⵏⵙⴻⵏⵜ ».
ⵓⵇⴱⴻⵍ ⴰⵢⴰ, ⵢⴻⵔⵣⴰ ⵓⵏⴻⵖⵍⴰⴼ ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵖⴻⴼ ⵜⴽⴰⴷⵉⵎⵉⵜ ⵏ ⵜⴻⵎⵙⵓⵍⵜⴰ ⵏ ⵍⵇⴰⵀⵉⵔⴰ ⴰⵏⴷⴰ ⴰⵢ ⴰⵙⴻⵏ-ⴷ-ⵇⴻⴷⴷⵎⴻⵏ ⴰⵏⴻⵙⴽⵉⵏ (ⵄⴰⵔⴹ) ⵖⴻⴼ ⵜⴽⴰⴷⵉⵎⵉⵜ-ⵏⵏⵉ ⴷ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⴷ ⵡⴰⵎⴻⴽ ⴰⵢ ⴷ-ⵙⵙⵉⵍⵉⵖⴻⵏ ⵉⵎⵙⵓⵍⵜⴰ ⴷⵉⵏ.
ⴷⵖⴰ, ⴷⴻⴳ ⵜⴻⵔⵣⵉ-ⵏⵏⵉ, ⵉⴳⴻⵔ-ⴷ ⵎⴰⵙⵙ ⴱⴻⴷⵧⵓⵉ ⵜⵉⵖⵔⵉ ⵉ « ⵓⵙⵙⴻⵊⵀⴻⴷ ⵏ ⵡⴻⵎⵄⴰⵡⴻⵏ ⴰⵖⴻⵍⵍⵉⵙⴰⵏ ⵍⴰⴷⵖⴰ ⴷⴻⴳ ⵡⴻⵏⵔⴰⵔ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ».
ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵢⴻⴱⴷⴰ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ, ⵜⵉⵔⵣⵉ ⵜⵓⵏⵚⵉⴱⵜ ⵖⴻⴼ ⵎⴰⵚⴻⵔ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⴷ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵡⴰⵙⵙⴰⵖⴻⵏ ⵏ ⵡⴻⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
