Asebter amenzawi

Yessawel Bedoui deg Lqahira d wemtil-nnes amaṣri

LQAHIRA– Yessawel uneɣlaf adzayri n tɣawsiwin n daxel, Noureddine Bedoui, ass n ttlata deg Lqahira d wemtil-nnes amaṣri, Magdy Abdelgheffar, ɣef ttawilat n ussejhed n wemɛawen ucrik.

Yella-d udiwenni-a s weḥdaṛ n unemhal amatu n tɣellist (amn) taɣelnawt, ajiniṛal-amajuṛ Abdelghani Hamel, yernu yella-d deg-s westenyi n yiwet n tesmektayt n wemsefham ɣef wemɛawen aɣellisan gar snat-a n tmura.

I lmend n waya, yenna-d Mass Bedoui dakken « yessefk ad yettwassejhed wemɛawen ucrik i weḍman n tɣellist d werkad deg snat-a n tmura s ussefɛel n yiwehhiyen n yemḍebbren-nsent ».

Uqbel aya, yerza uneɣlaf d unemhal amatu n tɣellist taɣelnawt ɣef Tkadimit n Temsulta n Lqahira anda ay asen-d-qeddmen aneskin (ɛarḍ) ɣef tkadimit-nni d tmezzugin (ixtiṣaṣat) d wamek ay d-ssiliɣen imsulta din.

Dɣa, deg terzi-nni, iger-d Mass Bedoui tiɣri i « ussejhed n wemɛawen aɣellisan ladɣa deg wenrar n temsulta (curṭa) ».

Aneɣlaf adzayri n tɣawsiwin n daxel yebda-d, ass n letniyen, tirzi tunṣibt ɣef Maṣer i lmend n ussejhed d wesmal (tarqiya) n wassaɣen n wemɛawen gar snat-a n tmura.