ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵄⴻⵢⵢⴻⵏ-ⴷ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵖⴻⴼ ⵢⵉⵖⴰⵡⴰⵙⴻⵏ ⵏ « ⵓⵛⴻⵡⵡⴻⵍ ⴷ ⵓⴱⴻⴹⴹⵓ ⵏ ⵓⵎⴰⴹⴰⵍ ⴰⵄⵕⴰⴱ »

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵉⵄⴻⵢⵢⴻⵏ-ⴷ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ, ⵖⴻⴼ « ⵢⵉⵖⴰⵡⴰⵙⴻⵏ (ⵎⵓⵅⴰⵟⵟⴰⵟⴰⵜ) ⵏ ⵓⵛⴻⵡⵡⴻⵍ ⴷ ⵓⴱⴻⴹⴹⵓ ⵏ ⵓⵎⴰⴹⴰⵍ ⴰⵄⵕⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.

ⵎⵉ ⵢⴻⵎⵎⵓⴳⴻⵔ ⴰⵏⴻⵖⵍⴰⴼ ⴰⵙⵓⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵡⴰⵍⵉⴷ ⴰⵍ-ⵎⵧⵓⴰⵍⵍⴻⵎ, ⵉⵄⴻⵢⵢⴻⵏ-ⴷ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵖⴻⴼ « ⵢⵉⵖⴰⵡⴰⵙⴻⵏ ⵏ ⵓⵛⴻⵡⵡⴻⵍ ⴷ ⵓⴱⴻⴹⴹⵓ ⵏ ⵓⵎⴰⴹⴰⵍ ⴰⵄⵕⴰⴱ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵔⵔⴻⴱⵔⴰⴱ « ⵢⴻⵍⴼⴰ-ⴷ ⴷ ⵏⴻⵜⵜⴰ ⴰⵢ ⴷ ⴰⵛⴻⵏⴳⵓ ⵓⵛⵔⵉⴽ ⵏ ⵡⴰⴽⴽ ⵉⵖⴻⵔⴼⴰⵏ ».

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴱⴷⴻⵔ-ⴷ ⵜⵜⴻⵊⵕⵉⴱⴰ ⵏ ⵍⴷⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴰⵢ ⵢⴻⵇⵇⵉⵎⴻⵏ 10 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⵓ ⴷ ⵜⴰⵍⵍⵉⵜ ⴰⵢⴷⴻⴳ ⵍⴷⵣⴰⵢⴻⵔ ⵜⵅⴻⵍⵍⴻⵚ-ⵉⵜⵜ ⵖⵍⴰⵢⴻⵜ ⵙ ⵜⵎⴻⴷⴷⵓⵔⵉⵏ ⵏ ⵎⴻⴷⴷⴻⵏ ⴷ ⵜⵜⴰⵡⵉⵍⴰⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ « ⴰⴽⴽⴻⵏ ⴰⴷ ⵢⴻⵜⵜⵡⴻⵔⵏⵓ ⵔⵔⴻⴱⵔⴰⴱ, ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵡⴻⵖⵔⴻⴼ, ⵙⴻⴳ ⵢⵉⴷⵉⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴽⴽⴰⵡⴻⵏⵜ ⵜⴻⵖⴱⵓⵍⴰ ⴰⵢⵙⴻⴳ ⴷ-ⵢⴻⵜⵜⴰⴳⴻⵎ ⵔⵔⴻⴱⵔⴰⴱ ⵜⴰⵣⵎⴻⵔⵜ, ⵙⴻⴳ ⵢⵉⴷⵉⵙ ⵏⵉⴹⴻⵏ ».

ⵙⴻⴳ ⵜⴰⵎⴰ ⵏⵉⴹⴻⵏ, ⵉⵇⴻⴷⴷⴻⵎ-ⴷ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵢⵉⵡⴻⵏ ⵏ ⵓⵏⴻⵙⴽⵉⵏ ⵉ ⵢⵉⵏⴻⴱⴳⵉ-ⵏⵏⴻⵙ ⵖⴻⴼ « ⵡⴰⵢⴻⵏ ⴰⵢ ⴷ-ⵜⴻⵔⴱⴻⵃ ⵍⴷⵣⴰⵢⴻⵔ ⵙ ⵜⵙⴻⵔⵜⵉⵜ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⴰⵢ ⵢⵓⵖⴰⵍⴻⵏ ⴷ ⵜⴰⵡⴻⵍⵀⴰ (ⵎⴰⵔⴵⴰⵄ) ⵉ ⵜⵎⵓⵔⴰ ⵏⵉⴹⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴻⵔ ⴷⴰⵖ « ⵜⵉⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⴰⵢ ⴷ-ⵢⴻⴱⴷⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵍⴰⴷⵖⴰ ⴷⴻⴳ ⵓⴳⴻⵏⵙⴻⵙ ⵏ ⵜⵎⴻⵟⵟⵓⵜ ⴷⴻⴳ ⵢⴻⴳⵔⴰⵡⴻⵏ ⵢⴻⵜⵜⵡⴰⴼⴻⵔⵏⴻⵏ ⴷ ⵓⵛⴻⴳⴳⴻⵔ ⴰⵏⴻⴳⴳⴰⵔⵓ ⵏ ⵜⵎⴻⵏⴹⴰⵡⵜ ».

ⵢⴻⵙⵎⴻⴽⵜⵉ-ⴷ ⴷⴰⵖ ⴷⴰⴽⴽⴻⵏ ⵉⵖⴻⵔⴼⴰⵏ ⴰⴷⵣⴰⵢⵔⵉ ⴷ ⵓⵙⵓⵔⵉ « ⴽⵉⴼⴽⵉⴼ-ⵉⵜⴻⵏ ⵡⴰⵣⴰⵍⴻⵏ ⴰⵢ ⵜⴻⵏ-ⵉⵛⴻⵔⴽⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵙⵓⵔⴻⴼ (ⵜⴰⵙⴰⵎⵓⵃ) ⴷ ⵜⵎⴻⴷⴷⵓⵔⵜ ⵙ ⵡⴻⵎⵙⴻⴼⵀⴰⵎ, ⴰⵎ ⵡⴰⴽⴽⴻⵏ ⴰⵢ ⵜⴻⵏ-ⵇⵇⵏⴻⵏ ⵡⴰⵙⵙⴰⵖⴻⵏ ⵉⵏⵎⴻⵣⵔⵓⵢⴻⵏ ». ⴷⵖⴰ ⵙ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴻⵛⵖⴻⴱ-ⴰⵖ ⴰⵟⴰⵙ ⵜⴻⵎⵙⴰⵍⵜ ⴷⴻⴳ ⵙⵓⵔⵢⴰ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵙⵓⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴷⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵙ ⵜⵖⴰⵔⴰ ⵏ ⵡⴰⵙⵙⴰⵖⴻⵏ ⵉⵏⵎⴻⵣⵔⵓⵢⴻⵏ ⵢⴻⵇⵇⵏⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵢⵉⵖⴻⵔⴼⴰⵏ-ⵏⵙⴻⵏⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵙ ⵡⵓⵙⵙⵉⵙ (ⵎⴰⴵⵀⵓⴷ) ⵏ ⵜⵎⵓⵔⵜ-ⵏⵏⴻⵙ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ.

ⵉⴼⵓⵕⴻⵙ ⴷⴰⵖ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⵢⴻⵔⵔ ⵜⴰⵊⵎⵉⵍⵜ ⵉ ⵍⴷⵣⴰⵢⴻⵔ ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ ⵏ ⵡⴻⵖⵔⴻⴼ ⴰⵙⵓⵔⵉ, ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ⴷ ⵜⴰⴳⴰⵢⵜ ⵏ ⵜⴳⴻⵔⵎⴰⵏⵜ ⵜⴰⴱⴻⵕⵕⴰⵏⵉⵜ ⴷⴻⴳ ⵜⵖⴰⵡⵙⵉⵡⵉⵏ ⵜⵉⴳⴻⵏⵙⵉⵢⵉⵏ ⵏ ⵜⵎⵓⵔⴰ.

ⵉⵡⴻⴽⴽⴻⴷ-ⴷ ⴷⴰⵖ ⵎⴰⵙⵙ ⴰⵍ-ⵎⵧⵓⴰⵍⵍⴻⵎ ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ « ⴰⴷ ⵜⴻⵣⴱⵓ (ⵜⵓⵇⴰⵡⵉⵎ) ⵓⵍⴰ ⵎⴰ ⴰⵟⴰⵙ ⴰⵢ ⵜⴻⴼⴽⴰ ⴷ ⴰⵙⴼⴻⵍ, ⴰⵎⴰ ⴷ ⵜⵉⵎⴻⴷⴷⵓⵔⵉⵏ, ⴰⵎⴰ ⴷ ⵜⵜⴰⵡⵉⵍⴰⵜ ⵏⴻⵖ ⴷ ⵉⴷⴻⴳⴳⴻⵏ ⵉⵙⵏⴻⴷⵔⵉⵣⴰⵏⴻⵏ ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ » ⵏ ⵛⵛⵡⴰⵍ.