ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵇⵓⵛⵛⵓ ⵏ ⵔⵔⴻⴱⵔⴰⴱ ⵢⴻⵃⵡⴰⴵ ⴰⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⴱⴻⴷⵧⵓⵉ)
ⵍⵇⴰⵀⵉⵔⴰ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⵇⴰⵀⵉⵔⴰ, ⴷⴰⴽⴽⴻⵏ ⴰⵇⵓⵛⵛⵓ ⵏ ⵔⵔⴻⴱⵔⴰⴱ ⵢⴻⵃⵡⴰⴵ « ⴰⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵢⴻⵣⴳⴰⵏ ⴷ ⵜⵎⵓⵔⴰ ⵜⵉⵏⴰⵔⴰⴳⵉⵏ ⴷ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵍⵉⵙⴰ ».
ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵡⴻⵎⵜⵉⵍ-ⵏⵏⴻⵙ ⴰⵎⴰⵚⵔⵉ ⵎⴰⴳⴷⵢ ⴰⴱⴷⴻⵍⴳⵀⴻⴼⴼⴰⵔ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⴷⴰⴽⴽⴻⵏ « ⴰⵇⵓⵛⵛⵉ ⵏ ⵔⵔⴻⴱⵔⴰⴱ ⵢⴻⵃⵡⴰⴵ ⴰⵙⵙⴻⵎⵢⵓⴷⴷⴻⵙ ⵢⴻⵣⴳⴰⵏ ⴷ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵎⵓⴵⴰⵡⵉⵔⴰ) ⴷ ⵡⴻⴹⵎⴰⵏ ⵏ ⵜⵖⴻⵍⵍⵉⵙⵜ ⵏ ⵜⵍⵉⵙⴰ ⴰⴽⴽⴻⵏ ⵓⵔ ⵜⴻⵏⵜ-ⵉⴷ-ⵜⵜⴰⴷⴼⴻⵏⵜ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵏⴻⵖ ⵜⵉⵏⴻⵊⵔⵉⵎⵉⵏ ».
« ⵉⵎⴻⵥⵍⴰ-ⵏⵏⴻⵖ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ ⵢⴻⵙⵙⴻⴼⴽ ⴰⴷ ⵄⴰⵙⵙⴻⵏⵜ ⵎⵍⵉⵃ ⵢⴻⵔⵏⵓ ⴰⴷ ⴷⴷⵎⴻⵏⵜ ⵉⵃⴻⵣⵣⵉⴱⴻⵏ ⵢⴻⵙⵙⴻⴼⴽⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵏⴻⵙⵙⴻⵎⵢⵓⴷⴷⴻⵙ ⵜⵉⵖⴰⵡⵙⵉⵡⵉⵏ ⴳⴰⵔ ⵜⵎⵓⵔⴰ-ⵏⵏⴻⵖ ⴰⴽⴽⴻⵏ ⴰⴷ ⵢⵉⵍⵉ ⵡⵓⴳⴰⵔ ⵏ ⵜⵎⴻⵍⵍⵉⵍⵜ (ⴼⴰⵄⵉⵍⵉⵢⵢⴰ) ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ ⵏ ⵢⴰⵍ ⵚⵚⴻⵏⴼ ».
ⵢⴻⵙⵎⴻⴽⵜⵉ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ « ⴰⵇⵓⵛⵛⵓ ⵏ ⵔⵔⴻⴱⵔⴰⴱ ⴷ ⵏⴻⵜⵜⴰ ⴰⵢ ⴷ ⴰⵛⵇⵉⵔⵔⴻⵡ ⴰⵎⴻⵣⵡⴰⵔⵓ ⴰⴽⴽ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⵇⴰⴱⴻⵍ, ⵍⴰⴷⵖⴰ ⵉⵎⵉ ⴽⵔⴰ ⵏ ⵜⵓⴷⴷⵙⵉⵡⵉⵏ ⵜⵉⵔⴻⴱⵔⴰⴱⵉⵏ ⴹⴹⴼⴻⵏⵜ ⵉⴽⴰⵍⴻⵏ ⵙ ⵍⴻⴽⵎⴰⵍ-ⵏⵙⴻⵏ ⵢⴻⵔⵏⵓ ⵙⵙⴻⵇⴷⴰⵛⴻⵏⵜ ⵉⴽⴰⵍⴻⵏ-ⴰ ⴰⴽⴽⴻⵏ ⴰⴷ ⵣⴻⵔⵄⴻⵏⵜ ⴰⵔⵡⴰⵢ ⴷ ⵜⵎⴻⵏⵖⵉⵡⵜ ⵙ ⵢⵉⵙⴻⵎ ⵏ ⵍⵉⵙⵍⴰⵎ ».
ⵍⴷⵣⴰⵢⴻⵔ ⵜⴳⴰ « ⴰⵙⵓⵔⵉⴼ ⴷ ⴰⵎⴻⵇⵔⴰⵏ » ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵜⵉⴹⴹⵓⵔⴼⴰ ⵜⵓⴽⵔⵉⴹⵜ, ⵍⴰⴷⵖⴰ ⵙ ⵡⴻⵔⴽⴰⵡⴰⵍ (ⵎⵉⵜⴰⵇ) ⵉ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⴰⵢ ⴷ-ⵢⴻⵍⵍⴰⵏ ⵙ ⵕⵕⴰⵢ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ 2005, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
