ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵛⴻⴳⴳⴻⵔ ⵏ ⵍⴷⵣⴰⵢⴻⵔ ⴷⴻⴳ ⵓⵇⴰⴷⴻⵔ ⵏ ⵜⵎⴻⵟⵟⵓⵜ ⴰⴷ ⴷ-ⵢⵉⵍⵉ ⵙ ⵓⵇⴰⴷⴻⵔ ⵏ ⵜⴻⵛⵔⵉⵄⵜ (ⵜⴰⵏⴻⵖⵍⴰⴼⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ), ⵏ ⵜⵡⴰⵛⵓⵍⵜ ⴷ ⵜⴻⴳⵏⵉⵜ ⵏ ⵜⵎⴻⵟⵟⵓⵜ, ⵎⵧⵓⵏⵉⴰ ⵎⴻⵙⵍⴻⵎ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ « ⴰⵛⴻⴳⴳⴻⵔ (ⵎⵓⵔⴰⴵⴰⵄⴰ) ⵏ ⵜⴽⵓⴽⵔⴰ ⵏ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴽⵔⴰ ⵙⴻⴳ ⵢⵉⵎⴰⴳⵔⴰⴷⴻⵏ ⵏ ⵡⴻⵎⵜⴰⵡⴰ ⴰⴳⵔⴰⵖⵍⴰⵏ ⵏ ⵢⵉⵎⴻⵏⵖⵉ ⵎⴳⴰⵍ ⴰⴽⴽ ⵍⴻⵚⵏⴰⴼ ⵏ ⵎⴻⵃⵢⴰⴼ ⵎⴳⴰⵍ ⵜⵙⴻⴷⵏⴰⵏ (ⵛⴻⴷⴰⵡ) ⴰⴷ ⴷ-ⵢⵉⵍⵉ ⵙ ⵓⵇⴰⴷⴻⵔ ⵏ ⵜⴻⵛⵔⵉⵄⵜ », ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴽⴰⴼⴰⵍⴰ ⵏ ⵡⴻⴳⵔⵓⴷ ⴷ ⵍⵡⴰⵍⵉ ⴰⴷ ⵢⴻⵙⵏⴻⴼⴽⴻⵏ ⵜⴰⵎⴻⵟⵟⵓⵜ ⴷⴻⴳ ⵣⵣⵡⴰⴵ.

ⴰⵛⴻⴳⴳⴻⵔ ⵏ ⵜⴽⵓⴽⵔⴰ (ⵜⴰⵃⴰⴼⴼⵓⴹⴰⵜ) ⵏ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴽⵔⴰ ⵙⴻⴳ ⵢⵉⵎⴰⴳⵔⴰⴷⴻⵏ ⵏ ⵡⴻⵎⵜⴰⵡⴰ-ⴰ ⵉⴳⴻⵔ-ⴷ ⴼⴻⵍⵍ-ⴰⵙⴻⵏ ⵜⵉⵖⵔⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵏⵏⴻⵙ (ⵔⵉⵙⴰⵍⴰ) ⵉ ⵍⵎⴻⵏⴷ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵜⵎⴻⵟⵟⵓⵜ, ⵢⴻⵔⵏⵓ « ⴰⴷ ⴷ-ⵢⵉⵍⵉ ⵙ ⵓⵇⴰⴷⴻⵔ ⵓⵃⵕⵉⵙ ⵏ ⵜⴻⵛⵔⵉⵄⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵎⴻⵙⵍⴻⵎ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⵉⴳⴻⵔ-ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵜⵉⵖⵔⵉ ⵉ ⵜⵙⵓⴷⴰ (ⵀⴰⵢ’ⴰⵜ) ⵢⴻⵙⵄⴰⵏ ⵜⵜⴻⵙⵔⵉⵃ ⵢⴻⵔⵏⵓ ⵢⴻⵏⵛⴻⴷ-ⵉⵜⴻⵏⵜ-ⵉⴷ ⴰⴽⴽⴻⵏ ⴰⴷ ⵄⴰⵡⴷⴻⵏⵜ ⵜⴰⵎⵓⵖⵍⵉ ⴷⴻⴳ ⵜⴽⵓⴽⵔⴰ ⵏ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵜⴰⵡⴰ-ⴰ ⵙ ⵡⴰⵢⴻⵏ « ⴰⴷ ⵢⴻⴷⴷⵓⵏ ⴷ ⵢⴻⴽⵙⴰⴱⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵎⴰⵍ (ⵜⴰⵇⵔⵉⵢⴰ) ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵜⵎⴻⵟⵟⵓⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵜⵉⴽⵓⴽⵔⴰ-ⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ-ⵙⴻⵏⵜ ⵙ ⵓⵇⴰⴷⴻⵔ ⵏ ⵜⴻⵛⵔⵉⵄⵜ ».

ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ « ⵡⴻⵔⴵⵉⵏ » ⴰⴷ ⵜⴻⴽⴽⴻⵙ ⵜⵉⴽⵓⴽⵔⴰ ⴰⵢ « ⵉⵅⵓⵍⴼⴻⵏ ⵜⴰⵛⵔⵉⵄⵜ » ⴰⵎ ⵡⴰⵢⴻⵏ ⵢⴻⵔⵣⴰⵏ ⵛⵛⴻⵔⴹ ⵏ ⵜⵉⵍⵍⵉⵏ ⵏ ⵍⵡⴰⵍⵉ ⴰⴷ ⵢⴻⵙⵏⴻⴼⴽⴻⵏ ⵜⴰⵎⴻⵟⵟⵓⵜ ⴷ ⵍⴽⴰⴼⴰⵍⴰ ⵏ ⵡⴻⴳⵔⵓⴷ.

ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⵓⴽⴽⵙⴰ ⵏ ⵜⴽⵓⴽⵔⴰ ⵓⵔ ⵜⵔⴻⵣⵣⵓ ⵜⴰⵚⴻⴷⴷⴰⵔⵜ ⴼ ⵏ ⵓⵎⴰⴳⵔⴰⴷ (ⴱⵓⵏⴷ) ⵡⵉⵙ 2 ⵏ ⵡⴻⵎⵜⴰⵡⴰ ⵏ ⵛⴻⴷⴰⵡ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⵜⵡⴻⴵⴵⴻⵏⵜ ⵍⴻⵄⵡⴰⵢⴻⴷ » ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ ⵜⴰⴽⵓⴽⵔⵓⵜ ⵢⴻⵔⵣⴰⵏ ⵜⴰⵚⴻⴷⴷⴰⵔⵜ ⴰ ⵏ ⵓⵎⴰⴳⵔⴰⴷ 16 ⵉ ⵜⵓⴽⴽⵙⴰ ⵏ ⵍⵡⴰⵍⵉ ⴰⴷ ⵢⴻⵙⵏⴻⴼⴽⴻⵏ ⵜⴰⵎⴻⵟⵟⵓⵜ ⵓⵔ ⵜⴻⵜⵜⵡⴰⴽⴽⴰⵙ, ⴰⵛⴽⵓ ⵜⵉⵍⵍⵉⵏ ⵏ ⵍⵡⴰⵍⵉ ⴷ ⵛⵛⴻⵔⴹ ⵏ ⵍⵍⵙⴰⵙ ⴷⴻⴳ ⵍⵇⴰⵏⵓⵏ ⵏ ⵜⵡⴰⵛⵓⵍⵜ.