ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵔⵔⴰ ⵜⴻⵙⴷⴰⵡⵉⵜ ⵏ ⵍⴰ ⵙⵧⵔⴱⵧⵏⵏⴻ ⵜⴰⵊⵎⵉⵍⵜ ⵉ ⵓⵏⴻⵍⵎⴰⴷ-ⵏⵏⴻⵙ ⴰⴷⵣⴰⵢⵔⵉ ⵢⴻⵎⵎⵓⵜⴻⵏ ⴷⴻⴳ ⵜⵅⴰⵣⵣⴰⴱⵉⵜ ⵏ ⵒⴰⵔⵉⵙ
ⵒⴰⵔⵉⵙ– ⵢⴻⵔⵔⴰ ⵜⴻⵙⴷⴰⵡⵉⵜ ⵏ ⵒⴰⵔⵉⵙ-ⵙⵧⵔⴱⵧⵏⵏⴻ ⵜⴰⵊⵎⵉⵍⵜ ⵎⴻⵖⵖⵔⴻⵏ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, ⵉ ⵓⵏⴻⵍⵎⴰⴷ-ⵏⵏⴻⵙ ⴰⴷⵣⴰⵢⵔⵉ, ⴽⵀⴻⵉⵔⴻⴷⴷⵉⵏⴻ ⵙⴰⵀⴱⵉ, ⵢⴻⵎⵎⵓⵜⴻⵏ ⴷⴻⴳ ⵜⵅⴰⵣⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵏ ⵒⴰⵔⵉⵙ ⴰⵙⵙ ⵏ 13 ⵏⵡⴻⵎⴱⴻⵕ ⵢⴻⵣⵔⵉⵏ.
ⴷⴻⴳ ⵜⴻⵊⵎⵉⵍⵜ-ⴰ, ⴳⴰⵏ-ⴷ ⴰⴱⴰⵔⴰⵣ ⵏ ⵓⵥⴰⵡⴰⵏ ⴰⵏⴷⴰⵍⵓⵙⵉ ⵙⴷⴰⵅⴻⵍ ⵜⴻⵙⴷⴰⵡⵉⵜ-ⵏⵏⵉ, ⴷ ⵡⵉⵏ ⴷ-ⵢⴻⵍⵍⴰⵏ ⵙ ⵕⵕⴰⵢ ⵏ ⵍⵢⵏⴷⴰ-ⵏⴰⵡⴻⵍ ⵜⴻⴱⴱⴰⵏⵉ, ⴷ ⵜⴰⵏⴻⵍⵎⴰⴷⵜ ⵏ ⵓⴷⵓⴽⵜⵓⵕⴰ ⴷⴻⴳ ⵜⵙⴻⴽⵍⴰ ⴷ ⵔⴻⴷⵀⴰ ⴱⴻⵏⴰⴱⴷⴰⵍⵍⴰⵀ, ⴷ ⴰⴷⵓⴽⵜⵓⵔ ⴷⴻⴳ ⵜⵙⴻⵏⵥⴰⵡⴰⵏⵜ, ⵢⴻⵔⵏⵓ ⵢⴻⵍⵍⴰ-ⴷ ⴰⵙⵎⴻⴽⵜⵉ ⵉ ⵓⵏⴻⵍⵎⴰⴷ-ⴰ ⵢⴻⵍⵍⴰⵏ ⵢⴻⵜⵜⵀⴻⵢⵢⵉ-ⴷ ⴰⵎⴰⵙⵜⵉⵔ ⴷⴻⴳ ⵜⵙⴻⵏⵥⴰⵡⴰⵏⵜ.
ⵜⴰⵊⵎⵉⵍⵜ-ⴰ ⵜⴻⵙⵙⴻⵡⵍⴰⵡⴻⵍ ⵓⵍⴰⵡⴻⵏ ⵏ ⵡⵉⴷ ⵉⵃⴻⴷⵕⴻⵏ ⴷⴻⴳ-ⵙ ⴷⴻⴳ ⵜⵣⴻⵇⵇⴰ ⵏ ⵔⵉⵛⵀⴻⵍⵉⴻⵓ, ⵢⴻⵔⵏⵓ ⴳⴰⵔ ⵡⵉⴷ ⵉⵃⴻⴷⵕⴻⵏ, ⵜⴻⵍⵍⴰ ⵜⵡⴰⵛⵓⵍⵜ ⵏ ⵓⵎⴻⵕⵃⵓⵎ ⵖⴻⵔ ⵢⵉⴷⵉⵙ ⵏ ⵢⵉⵎⴻⴷⴷⵓⴽⴰⵍ-ⵏⵏⴻⵙ, ⵉⵎⴰⵙⵍⴰⴹⴻⵏ ⵏ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵍⴷⵣⴰⵢⴻⵔ ⴷⴻⴳ ⴼⵕⴰⵏⵙⴰ, ⵢⵉⵡⴻⵏ ⵏ ⵓⵏⴻⵚⵚⴰⵃ ⵏ ⵜⵙⴻⵍⵡⵉⵜ ⵜⴰⴼⵕⴻⵏⵙⵉⵜ ⴷ ⵡⴰⵟⴰⵙ ⵏ ⵍⵖⴰⵛⵉ ⴰⵢⴷⴻⴳ ⵍⵍⴰⵏ ⴰⵎⴰ ⴷ ⵉⴷⵣⴰⵢⵔⵉⵢⴻⵏ ⵏⴻⵖ ⴷ ⵉⴼⵕⴻⵏⵙⵉⵙⴻⵏ.
ⴰⵎⴽⴰⵏ-ⴰ ⴰⵢⴷⴻⴳ ⴷ-ⵜⴻⵍⵍⴰ ⵜⴻⵊⵎⵉⵍⵜ ⴷ « ⴰⵣⴰⵎⵓⵍ ⵏ ⵜⵎⵓⵙⵙⵏⵉ, ⵏ ⵜⴻⵣⵔⴰⵡⵉⵏ ⴷ ⵢⵉⵎⴻⵏⵖⵉ ⵎⴳⴰⵍ ⵍⵇⴻⵍⵍⴰ ⵏ ⵜⵎⵓⵙⵙⵏⵉ ⴷ ⵜⴻⵥⵔⴰⵍⵍⴻⵙⵜ ⴱⴻⵕⵕⴰ ⵉ ⵢⴻⵎⴳⴻⵔⵔⴰⴷⴻⵏ ⵏ ⴷⴷⵉⵏ ⴷ ⵢⴻⴷⵍⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵙⵓⴷⴷⵙⴻⵏ.
ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵓⴱⴰⵔⴰⵣ-ⵏⵏⵉ, ⴳⴰⵏ ⵡⵉⴷ ⵉⵃⴻⴷⵕⴻⵏ 3 ⵏ ⵜⴻⴷⵇⵉⵇⵉⵏ ⵏ ⵜⵙⵓⵙⵎⵉ ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵢ ⴷ-ⵙⵄⴻⴷⴷⴰⵏ ⵜⵉⵡⵍⴰⴼⵉⵏ ⵏ ⵓⵎⴻⵕⵃⵓⵎ ⴽⵀⴻⵉⵔⴻⴷⴷⵉⵏⴻ ⴷ ⵛⵡⵉⵟ ⵙⴻⴳ ⵓⵥⴰⵡⴰⵏ ⴰⵢ ⴷ-ⵉⵡⴻⵜ ⵙⴻⴳ ⵢⵉⵡⴻⵜ ⵏ ⵏⵏⵓⴱⴰ ⵏ ⵓⵥⴰⵡⴰⵏ ⴰⵏⴷⴰⵍⵓⵙⵉ ⴰⵢⵖⴻⴼ ⵢⴻⵍⵍⴰ ⵢⴻⵜⵜⴻⴳ ⴰⵏⴰⴷⵉ ⴷⴻⴳ ⵜⴻⵙⴷⴰⵡⵉⵜ ⵏ ⵙⵧⵔⴱⵧⵏⵏⴻ, ⴷ ⵏⵏⵓⴱⴰ ⴰⵢ ⵢⴻⵍⵍⴰ ⵉⵃⴻⵎⵎⴻⵍ-ⵉⵜⵜ ⴰⵟⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵡⵉⴷ ⴰⵢ ⴰⵙ-ⵢⴻⵜⵜⵉⵍⵉⵏ.
ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⵡⴻⵣⵣⵉⵍⴻⵏ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⵙⴷⴰⵡⵉⵜ, ⴱⴰⵔⵜⵀⴻⵍⴻⵎⵢ ⵊⵧⴱⴻⵔⵜ, ⴷⴰⴽⴽⴻⵏ ⵜⴰⵊⵎⵉⵍⵜ-ⴰ « ⵜⵓⵙⴰ-ⴷ ⵙⴻⴳ ⵡⵓⵍ » ⵙ ⵡⴻⴱⵔⵉⴷ ⵏ ⵓⵥⴰⵡⴰⵏ ⴰⵏⴷⴰⵍⵓⵙⵉ ⵢⴻⵍⵍⴰⵏ ⴷ ⵜⵉⴳⴻⵎⵎⵉ ⵜⵓⵛⵔⵉⴽⵜ ⵏ ⵙⵉⵏ ⵏ ⵢⵉⴳⴻⵎⵎⴰⴹⴻⵏ ⵏ ⵢⵉⵍⴻⵍ ⴰⴳⵔⴰⴽⴰⵍ. « ⴰⵎⵖⵉⵡⴰⵏ ⵏ ⵜⴻⵙⴷⴰⵡⵉⵜ ⵏ ⵍⴰ ⵙⵧⵔⴱⵧⵏⵏⴻ ⵜⵃⵓⵣⴰ-ⵜ ⵜⵎⴻⵜⵜⴰⵏⵜ ⵏ ⵢⵉⵏⴻⵍⵎⴰⴷⴻⵏ-ⵏⵏⴻⵙ » ⵢⴻⵔⵏⵓ ⵛⵛⴼⴰⵡⴰⵜ-ⵏⵙⴻⵏ « ⴰⴷ ⴷ-ⵜⴻⵇⵇⵉⵎ ⴷⴻⴳ ⵡⵓⵍ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
