ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵙⴻⵎⵙⵉⵍⵜ: ⴰⵊⴻⵔⵔⴻⴷ ⵏ ⵡⴰⴽⴰⵍ ⴰⵢ ⵉⵣⴻⵎⵔⴻⵏ ⴰⴷ ⵢⴻⵜⵜⵡⴻⴱⵏⵓ
ⵜⵉⵙⴻⵎⵙⵉⵍⵜ– ⵢⴻⵏⵏⴰ-ⴷ ⵓⵡⴰⵍⵉ ⵏ ⵜⵙⴻⵎⵙⵉⵍⵜ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⵍⴰ ⴷ-ⵢⴻⵜⵜⵉⵍⵉ ⵓⵙⵙⴰⵏ-ⴰ ⵓⵊⴻⵔⴻⴷ ⵏ ⵡⴰⴽⴰⵍ ⴰⵢ ⵉⵣⴻⵎⵔⴻⵏ ⴰⴷ ⵢⴻⵜⵜⵡⴻⴱⵏⵓ ⴷⴻⴳ ⵜⵡⵉⵍⴰⵢⵜ-ⴰ.
ⵢⴻⴱⴷⴰ-ⴷ ⵛⵛⵖⴻⵍ-ⴰ ⴷⴻⴳ ⵜⵎⴰⵏⴻⵖⵜ ⵏ ⵜⵡⵉⵍⴰⵢⵜ ⵢⴻⵔⵏⵓ ⵉⵙⵡⵉ-ⵏⵏⴻⵙ ⴷ ⵜⴰⵎⵓⵙⵙⵏⵉ ⵏ ⵡⴰⴽⴽ ⵉⴽⴰⵍⴻⵏ ⴰⵢⴷⴻⴳ ⵣⴻⵎⵔⴻⵏ ⴰⴷ ⴳⴻⵏ ⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ ⴷ ⵍⴱⴻⵏⵢⴰⵏⴰⵜ ⵏⵉⴹⴻⵏ ⴰⵢ ⵢⴻⵃⵡⴰⴵ ⵓⵡⴰⵏⴰⴽ (ⴷⴰⵡⵍⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⴷⴻⵍⵀⴰⵎⵉⴷ ⴳⵀⴰⵣⵉ ⴷⴻⴳ ⵜⴻⴷⵡⵉⵍⵜ ⵜⴰⵎⴰⴳⵏⵓⵜ (ⴵⴰⵍⵙⴰ ⵄⴰⴷⵉⵢⵢⴰ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ.
ⵜⴰⵖⵉⵡⴰⵏⵜ ⵏ ⴱⵓⵇⴰⵢⴻⴷ ⵉⵅⵓⵚⵚ ⴷⴻⴳ-ⵙ ⴰⵟⴰⵙ ⵡⴰⴽⴰⵍ ⵏ ⵍⴻⴱⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ, ⴷⵖⴰ ⵉⵃⴻⵜⵜⴻⴷ-ⴷ ⴰⴷ ⴷ-ⵢⵉⵍⵉ ⵓⵏⴰⴷⵉ ⴷⴻⴳ ⵜⴻⵎⴷⵉⵏⵉⵏ ⵜⵉⵎⴻⵥⵢⴰⵏⵉⵏ ⵏ ⵜⵖⵉⵡⴰⵏⵜ-ⴰ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⵣⴷⵓⵖⵜ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵡⴰⵍⵉ ⴷⴰⴽⴽⴻⵏ ⵍⴰ ⴷ-ⵢⴻⵜⵜⵉⵍⵉ ⵓⵅⴻⵎⵎⴻⵎ ⵉ ⵍⵎⴻⵏⴷ ⵏ ⵓⵃⴰⵣⵉ ⵏ ⵢⵉⵎⵓⴽⴰⵏ ⵏ ⵓⵙⵙⴻⵏⵣⵉ ⵉ ⵢⴻⵏⴹⴻⵏ (ⵃⵉⵔⴰⴼⵉⵢⵢⵉⵏ) ⴷⴻⴳ ⵍⴻⵙⵡⴰⵇ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⵎⵣⴻⵍⵜ-ⴰ (ⵄⴰⵎⴰⵍⵉⵢⵢⴰ) ⴰⴷ ⴷ-ⵜⵉⵍⵉ ⴷⴻⴳ ⵙⵙⵓⵇ ⵢⴻⴷⵍⴻⵏ ⵢⴻⵍⵍⴰⵏ ⴷⴻⴳ ⵜⴳⴻⵏⵏⴰⵔⵉⵢⵉⵏ ⵜⵉⵇⴱⵓⵔⵉⵏ ⵏ ⵜⴻⵎⴷⵉⵏⵜ ⵏ ⵜⵙⴻⵎⵙⵉⵍⵜ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵡⴰⵍⵉ ⴷⴰⴽⴽⴻⵏ ⴰⵅⵅⴰⵎ ⵏ ⵛⵛⵕⴻⵄ ⵏ ⵜⵙⴻⵎⵙⵉⵍⵜ ⴰⴷ ⵉⴼⴰⴽ ⵙ ⵍⴻⴱⵏⵉ ⴷⴻⴳ ⵡⴰⵢⵢⵓⵔ ⵏ ⵜⵓⴱⴻⵕ ⵏⴻⵖ, ⵎⴰ ⵉⵄⴻⴹⴹⴻⵍ, ⴷⴻⴳ ⵏⵡⴻⵎⴱⴻⵕ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⴻⵣⴷⵓⵖⵜ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ ⵏ ⴰⴰⴷⵍ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴻⵜⵜⵡⴰⴼⵔⴻⵏ-ⴷ ⵢⵉⵡⴻⵜ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⴰⴽⴽⴻⵏ ⴰⴷ ⵜⴻⴱⵏⵓ 800 ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⵙⴻⵎⵙⵉⵍⵜ ⵢⴻⵔⵏⵓ ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⵜⴻⴱⴷⵓ ⵍⴻⴱⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ 200 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ ⴷⴻⴳ ⵜⵏⴻⵢⵢⴻⵜ ⵍⵃⴻⴷⴷ ⵍⴰ ⴷ-ⵢⴻⵜⵜⵉⵍⵉ ⴼⴻⵍⵍ-ⴰⵙ ⵡⴻⵣⵔⴰⵡ (ⴷⵉⵔⴰⵙⴰ).
ⵉⴳⴻⵔ-ⴷ ⴷⴰⵖ ⵜⴰⵎⴰⵡⵜ ⵓⵡⴰⵍⵉ ⴷⴰⴽⴽⴻⵏ ⵓⵍⴰⵛ, ⵜⴰⵙⵡⵉⵄⵜ-ⴰ, ⴰⵟⴰⵙ ⵏ ⵡⴰⴽⴰⵍ ⴰⴽⴽⴻⵏ ⴰⴷ ⵜⴻⵜⵜⵡⴻⴱⵏⵓ ⵜⵏⴻⵣⴷⵓⵖⵜ ⵉ ⵡⴰⴽⴽ ⵡⵉⴷ ⴰⵢ ⴷ-ⵢⴻⵙⵙⵓⵜⵔⴻⵏ ⵜⴰⵏⴻⵣⴷⵓⵖⵜ ⵏ ⴰⴰⴷⵍ ⴷⴻⴳ ⵜⵡⵉⵍⴰⵢⵜ-ⴰ.
