Asebter amenzawi

Tisemsilt: ajerred n wakal ay izemren ad yettwebnu

TISEMSILT– Yenna-d uwali n Tsemsilt, ass n ttlata, dakken la d-yettili ussan-a ujered n wakal ay izemren ad yettwebnu deg twilayt-a.

Yebda-d ccɣel-a deg tmaneɣt n twilayt yernu iswi-nnes d tamussni n wakk ikalen aydeg zemren ad gen isenfaren n lebni n tnezduɣt d lbenyanat niḍen ay yeḥwaǧ uwanak (dawla), ɣef wakken ay d-yenna Abdelhamid Ghazi deg tedwilt tamagnut (ǧalsa ɛadiyya) n Wegraw Aɣerfan n Twilayt.

Taɣiwant n Buqayed ixuṣṣ deg-s aṭas wakal n lebni, ɣef wakken ay d-ixebber, dɣa iḥetted-d ad d-yili unadi deg temdinin timeẓyanin n tɣiwant-a i lmend n lebni n yisenfaren n tnezduɣt.

Seg yidis niḍen, yenna-d uwali dakken la d-yettili uxemmem i lmend n uḥazi n yimukan n ussenzi i yenḍen (ḥirafiyyin) deg leswaq, am wakken ay d-yerna dakken tamzelt-a (ɛamaliyya) ad d-tili deg ssuq yedlen yellan deg tgennariyin tiqburin n temdint n Tsemsilt.

Seg yidis niḍen, yenna-d uwali dakken axxam n ccṛeɛ n Tsemsilt ad ifak s lebni deg wayyur n Tubeṛ neɣ, ma iɛeḍḍel, deg Nwembeṛ.

Deg wayen yerzan tanezduɣt n ussenzi s lekra n AADL, yenna-d dakken tettwafren-d yiwet n teṛmist (carika) akken ad tebnu 800 n tnezduɣin deg Tsemsilt yernu ur tettɛeḍḍil ad tebdu lebni, am wakken ay d-yerna dakken asenfar n lebni n 200 n tnezduɣin niḍen deg Tneyyet Lḥedd la d-yettili fell-as wezraw (dirasa).

Iger-d daɣ tamawt uwali dakken ulac, taswiɛt-a, aṭas n wakal akken ad tettwebnu tnezduɣt i wakk wid ay d-yessutren tanezduɣt n AADL deg twilayt-a.