ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵣⴻⵏ ⵛⵛⵉⵏⵡⴰ ⴰⴳⴻⵏⵙⴰ ⵡⵉⵙ 22 ⵏ ⵓⵙⵙⵉⵍⴻⵍ ⵏ ⴱⴻⵉⴷⵧⵓ

ⵛⵉⵞⴰⵏⴳ (ⵛⵛⵉⵏⵡⴰ)– ⵜⵓⵣⴻⵏ ⵛⵛⵉⵏⵡⴰ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵜⵉⵙ 4:11 (ⴰⴽⵓⴷ ⴰⴷⵉⴳⴰⵏ) ⵢⵉⵡⴻⵏ ⵏ ⵓⴳⴻⵏⵙⴰ (ⵇⴰⵎⴰⵔ ⵚⵉⵏⴰⵄⵉ) ⴰⴽⴽⴻⵏ ⴰⴷ ⵜⴻⵙⵏⴻⵔⵏⵉ ⴰⵥⴻⴹⴹⴰ-ⵏⵏⴻⵙ ⴰⵏⵎⴰⴹⴰⵍ ⵏ ⵓⵙⵙⵉⵍⴻⵍ ⴷ ⵓⵙⵙⵉⴷⴻⴳ.

ⴰⴳⴻⵏⵙⴰ-ⴰ ⵢⴻⵜⵜⵡⴰⵣⴻⵏ ⴷⴻⴳ ⵡⴰⵎⵎⴰⵙ ⵏ ⵡⴰⵣⵣⵓⵏ ⵏ ⵢⵉⵙⴻⴳⵙⴰⵜⴻⵏ ⵏ ⵅⵉⵛⵀⴰⵏⴳ, ⴷⴻⴳ ⵜⴻⵎⵏⴰⴹⵜ ⵜⴰⵛⵉⵏⵡⴰⵜ ⵏ ⵙⵉⵛⵀⵓⴰⵏ (ⴷⴻⴳ ⵡⴻⵏⵥⵓⵍ-ⵓⵜⵔⵉⵎ). ⴷ ⵜⵉⵎⴻⵥⴷⵉⵜ ⵏ ⵜⵉⴷⴷⵉⵜ ⵜⴰⵖⴻⵣⴼⴰⵏⵜ ⵏ 3ⴰ ⴰⵢ ⵢⴻⵙⵙⴰⵡⴹⴻⵏ ⴰⴳⴻⵏⵙⴰ-ⴰ ⵢⴻⵔⵏⵓ ⵜⴻⵙⵙⴻⵔⵙ-ⵉⵜ ⴷⴻⴳ ⵡⴻⵃⴱⵓ (ⵎⴰⴷⴰⵔ).

ⴷ ⵡⴰ ⴰⵢ ⴷ ⴰⴳⴻⵏⵙⴰ ⵡⵉⵙ 22 ⴰⴷ ⵜⴰⵣⴻⵏ ⵛⵛⵉⵏⵡⴰ ⵉ ⵓⵏⴻⴳⵔⴰⵡ ⵏ ⵓⵙⵙⵉⵍⴻⵍ (ⵉⴱⵃⴰⵔ) ⵙ ⵓⴳⴻⵏⵙⴰ ⵏ ⴱⴻⵉⴷⵧⵓ ⵢⴻⵔⵏⵓ ⴰⵢⴰ ⴷ ⴰⵃⵔⵉⵛ ⵙⴻⴳ ⵓⵅⴻⴷⴷⵉⵎ ⵏ ⵛⵛⵉⵏⵡⴰ ⴰⴽⴽⴻⵏ ⴰⴷ ⵜⴻⵙⵄⵓ ⴰⵏⴻⴳⵔⴰⵡ ⵉⵅⵓⵍⴼⴻⵏ ⵡⵉⵏ ⵏ ⴳⵒⵙ (ⴰⵏⴻⴳⵔⴰⵡ ⴰⵏⵎⴰⴹⴰⵍ ⵏ ⵓⵙⵙⵉⴷⴻⴳ) ⴰⵢ ⵙⵙⴻⴷⴷⴰⵢⴻⵏ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ.

ⴷ ⵡⴰ ⴷⴰⵖ ⴰⵢ ⴷ ⴰⵣⵣⵓⵏ ⵡⵉⵙ 225 ⵏ ⵜⵎⴻⵥⴷⵉⵜ ⵜⴰⵛⵉⵏⵡⴰⵜ ⵏ ⵜⵉⴷⴷⵉⵜ ⵜⴰⵖⴻⵣⴼⴰⵏⵜ.

ⴰⴳⴻⵏⵙⴰ-ⴰ, ⵎⵉ ⴰⴷ ⵢⴰⴷⴻⴼ ⵖⴻⵔ ⵡⴻⵃⴱⵓ-ⵏⵏⴻⵙ ⵢⴻⵔⵏⵓ ⴰⴷ ⴰⵙ-ⴳⴻⵏ ⵢⵉⵡⴻⵏ ⵏ ⵓⴽⴰⵢⴰⴷ ⴷⴻⴳ ⵜⴰⵍⵍⵓⵏⵜ, ⴰⴷ ⵢⴻⴱⴷⵓ ⴰⵅⴻⴷⴷⵉⵎ ⵖⴻⵔ ⵢⵉⴷⵉⵙ ⵏ ⵢⵉⴳⴻⵏⵙⴰⵜⴻⵏ ⵏⵉⴹⴻⵏ ⵢⴻⵍⵍⴰⵏ ⴷⴻⴳ ⵡⴻⵃⴱⵓ ⵢⴻⵔⵏⵓ ⴰⴷ ⵢⴻⵙⵙⴻⵍⵀⵓ ⴰⵔⴽⴰⴷ ⵏ ⵓⵏⴻⴳⵔⴰⵡ-ⴰ, ⴷⵖⴰ ⴷ ⴰⵢⴰ ⴰⴷ ⴷ-ⵢⴻⵙⵡⴻⵊⴷⴻⵏ ⴰⵏⴻⴳⵔⴰⵡ ⵏ ⴱⴻⵉⴷⵧⵓ ⴰⴽⴽⴻⵏ ⴰⴷ ⵢⴻⴹⵎⴻⵏ ⵜⴰⴷⵓⵍⵉ ⵉ ⵓⵎⴰⴹⴰⵍ ⵙ ⵍⴻⴽⵎⴰⵍ-ⵏⵏⴻⵙ.