Asebter amenzawi

Tuzen Ccinwa agensa wis 22 n ussilel n Beidou

cičANG (Ccinwa)– Tuzen Ccinwa ass n laṛebɛa ɣef tis 4:11 (akud adigan) yiwen n ugensa (qamar ṣinaɛi) akken ad tesnerni aẓeḍḍa-nnes anmaḍal n ussilel d ussideg.

Agensa-a yettwazen deg wammas n wazzun n yisegsaten n Xichang, deg temnaḍt tacinwat n Sichuan (deg wenẓul-utrim). D timeẓdit n Tiddit Taɣezfant n 3A ay yessawḍen agensa-a yernu tessers-it deg weḥbu (madar).

D wa ay d agensa wis 22 ad tazen Ccinwa i unegraw n ussilel (ibḥar) s ugensa n Beidou yernu aya d aḥric seg uxeddim n Ccinwa akken ad tesɛu anegraw ixulfen win n GPS (anegraw anmaḍal n ussideg) ay sseddayen Yiwanaken Yeddukklen.

D wa daɣ ay d azzun wis 225 n tmeẓdit tacinwat n Tiddit Taɣezfant.

Agensa-a, mi ad yadef ɣer weḥbu-nnes yernu ad as-gen yiwen n ukayad deg tallunt, ad yebdu axeddim ɣer yidis n yigensaten niḍen yellan deg weḥbu yernu ad yesselhu arkad n unegraw-a, dɣa d aya ad d-yeswejden anegraw n Beidou akken ad yeḍmen taduli i umaḍal s lekmal-nnes.