ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ: ⵜⵉⵎⵓⵔⴰ ⵏ ⵙⵙⴰⵃⴻⵍ ⵍⴰ ⵜⵜⴻⴷⴷⵓⵏⵜ ⴰⴷ ⵙⵙⴻⵎⵇⴰⵔⴰⴱⴻⵏⵜ ⵍⴻⵇⵡⴰⵏⵉⵏ-ⵏⵙⴻⵏⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⵉⵎⵓⵔⴰ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⵍⴰ ⵜⵜⴻⴷⴷⵓⵏⵜ ⴰⴽⴽⴻⵏ ⴰⴷ ⵙⵙⴻⵎⵇⴰⵔⴰⴱⴻⵏⵜ ⵍⴻⵇⵡⴰⵏⵉⵏ-ⵏⵙⴻⵏⵜ ⵉⵖⴻⵍⵏⴰⵡⴻⵏ ⴰⴽⴽⴻⵏ ⴰⴷ ⵙⵙⴻⵍⵀⵓⵏⵜ ⴰⵎⵄⴰⵡⴻⵏ ⴰⴳⵔⴰⵖⵍⴰⵏ ⴷⴻⴳ ⵡⴻⵏⵔⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ, ⵓⵏⴻⵎⵀⴰⵍ (ⵎⵓⴷⵉⵔ) ⵓⵄⴹⵉⵍ ⵏ ⵡⴰⵎⵎⴰⵙ ⴰⴼⵔⵉⵇⵉ ⵏ ⵜⴻⵣⵔⴰⵡⵉⵏ ⴷ ⵓⵏⴰⴷⵉ ⵖⴻⴼ ⵔⵔⴻⴱⵔⴰⴱ (ⵛⴰⴻⵔⵜ), ⵉⴷⵔⵉⵙⵙ ⵎⵧⵓⵏⵉⵔ ⵍⴰⵍⵍⴰⵍⵉ.
« ⵜⵉⵎⵓⵔⴰ ⵏ ⵙⵙⴰⵃⴻⵍ ⵓⴽⵉⵏⵜ ⵙ ⵓⵎⵉⵀⵉ (ⵅⴰⵟⴰⵔ) ⵏ ⵔⵔⴻⴱⵔⴰⴱ ⵢⴻⵔⵏⵓ ⴰⵜⴻⵏⵜⵉ ⵍⴰ ⵙⵙⴻⵎⵇⴰⵔⴰⴱⴻⵏⵜ ⵍⴻⵇⵡⴰⵏⵉⵏ-ⵏⵙⴻⵏⵜ ⵉⵖⴻⵍⵏⴰⵡⴻⵏ ⴰⴽⴽⴻⵏ ⴰⴷ ⵙⵙⴻⵍⵀⵓⵏⵜ ⴰⵎⵄⴰⵡⴻⵏ ⴰⴳⵔⴰⵖⵍⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵎⴰⵙⵙ ⵍⴰⵍⵍⴰⵍⵉ ⴷⴻⴳ ⵢⵉⵊⵉⴼⴻⵕ ⵏ ⵜⴻⵎⵍⵉⵍⵉⵜ ⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵏ ⵢⵉⵎⴰⵣⵣⴰⵢⴻⵏ ⵖⴻⴼ « ⴷⴷⵓⵕ ⵏ ⵛⵛⵕⴻⵄ ⵏ ⵓⵄⴰⵇⴻⴱ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷⴻⴳ ⵙⵙⴰⵃⴻⵍ » ⴰⵢ ⴷ-ⴳⴰⵏⵜ ⵜⴻⴳⵔⴰⵡⵉⵏ ⵏ ⵓⵅⴻⴷⴷⵉⵎ ⵉ ⵓⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ.
ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵓⵙⵙⴻⵎⵇⴰⵔⴻⴱ ⵏ ⵍⴻⵇⵡⴰⵏⴻⵏ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ-ⵙ, ⵍⴰⴷⵖⴰ ⵜⵉⴷ ⵏ ⵙⵙⴰⵃⴻⵍ, ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ, ⵢⴻⵏⵏⴰ-ⴷ ⵎⴰⵙⵙ ⵍⴰⵍⵍⴰⵍⵉ ⴷⴰⴽⴽⴻⵏ « ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵍⴰ ⵜⴻⵜⵜⴽⴻⵎⵎⵉⵍ ⴰⵅⴻⴷⴷⵉⵎ ⴷ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⴷ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⴻⵏ » ⵉ ⵓⵃⴰⵕⴻⴱ ⵏ ⵔⵔⴻⴱⵔⴰⴱ ⴷⴻⴳ ⵍⵇⴰⵏⵓⵏ ⵙⴻⴳ ⵙⵉⵏ ⵏ ⵢⵉⴷⵉⵙⴰⵏ.
ⴰⵃⴰⵕⴻⴱ-ⴰ ⵙ ⵍⵇⴰⵏⵓⵏ ⵙⴻⴳ ⵙⵉⵏ ⵏ ⵢⵉⴷⵉⵙⴰⵏ ⴷ ⵡⵉⵏ ⴰⵢⴷⴻⴳ ⵡⵉⵏ ⵉⴳⴰⵏ ⵛⵛⵖⴻⵍ ⴰⵔⴻⴱⵔⴰⴱ ⴰⴷ ⵢⴻⴱⴱⴰⵙⵉ ⴷⴻⴳ ⵛⵛⵕⴻⵄ ⴰⵎⴰ ⴷⴻⴳ ⵜⵎⵓⵔⵜ-ⵏⵏⵉ ⴰⵢⴷⴻⴳ ⵉⴳⴰ ⵛⵛⵖⴻⵍ-ⵏⵏⵉ, ⴰⵎⴰ ⴷⴻⴳ ⵜⵎⵓⵔⵜ-ⵏⵏⴻⵙ ⵜⴰⵏⴻⵚⵍⵉⵜ.
ⵙ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵛⴰⴻⵔⵜ ⴷⴰⴽⴽⴻⵏ ⵢⴻⵜⵜⵡⴰⵍⵉ ⵍⴻⵛⵖⴰⵍ ⵏ ⵡⴻⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵏ ⵙⵙⴰⵃⴻⵍ ⴷ ⴰⵢⴻⵏ ⵢⴻⵙⵙⵓⵎⴰⵔⴻⵏ (ⵢⴻⵙⵙⴻⴼⵕⴰⵃⴻⵏ) ⵙⴻⴳ-ⴰ ⵖⴻⵔ ⵙⴷⴰⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴻⵎⵄⴰⵡⴻⵏ ⵢⴻⵍⵀⴰⵏ ⴳⴰⵔ-ⴰⵙⴻⵏⵜ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ.
