Asebter amenzawi

Aneɣlaf amenzu deg Washington akken ad yettekki deg tqacuct tis 4 n tɣellist timiɣest

WAciNTN– Yewweḍ uneɣlaf amenzu, Mass Abdelmalek Sellal, ass n laṛebɛa tameddit ɣer Washington akken ad yettekki deg tqacuct tis 4 ɣef tɣellist timiɣest (amn nawawi) ad yebdun seg wass n lexmis d asawen deg tmaneɣt tamarikanit.

Mass Sellal ad yettekki s yisem n uselway n tegduda, Mass Abdelaziz Bouteflika, deg tqacuct-a yerzan taɣellist timiɣest.

Yers-d usafag n uneɣlaf amenzu deg uzadur agenwan (qaɛida ǧawwiyya) n Andrews deg Maryland, sdat Washington ɣef tis 2:00 n tmeddit (akud n Washington).

Aneɣlaf amenzu yedda yid-s uneɣlaf n teẓwert (ṭaqa), Mass Salah Khebri, nnig waya, seg wass n laṛebɛa tameddit ay yebda uneɣlaf amenzu lemcawṛat d yiselwayen-inemhalen imuta n 5 n teṛmisin (carikat) timarikaniyin timeqranin.

3 seg teṛmisin-a xeddment deg teẓwert yernu ti d Anadarko, General Electric d Halliburton. Taṛmist n Varian txeddem ttawil asnajyan (ṭibbi), ma d taṛmist n Blumberg Grain d tamezwarut deg umaḍal deg weḥric n tɣellist n tuččit.