ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⵔⴻⵎ ⵏ ⵄⴻⴵⴵⴰⴵⴰ (ⵡⴰⵔⴻⴳⵍⴰ): ⴷ ⵜⴰⵄⴻⵇⵇⴰⵛⵜ ⴷⴻⴳ ⵡⴻⵣⵔⴰⵔ ⵏ ⵢⵉⵖⴻⵔⵎⴰⵏ ⵉⵇⴱⵓⵔⴻⵏ ⵏ ⵓⵏⴻⵥⵔⵓⴼ

ⵡⴰⵔⴻⴳⵍⴰ- ⵉⵖⵔⴻⵎ ⴰⵇⴱⵓⵔ ⵏ ⵄⴻⴵⴵⴰⴵⴰ ⴷ ⵢⵉⵡⴻⵏ ⵙⴻⴳ ⵡⴰⵛⵃⴰⵍ ⵏ ⵢⵉⵖⴻⵔⵎⴰⵏ ⵢⴻⵍⵍⴰⵏ ⴷⴻⴳ ⵓⵏⴻⵥⵔⵓⴼ (ⵚⴰⵃⵔⴰ’) ⵏ ⵜⴻⵎⵏⴰⴹⵜ ⵏ ⵡⴰⴷ ⵎⵢⴰ, ⵢⴻⵔⵏⵓ ⴷ ⴰⵏⴰⴳⵉ ⵏ ⵢⵉⵡⴻⵜ ⵏ ⵜⵖⴻⵔⵎⴰ ⵢⴻⵙⵄⴰⵏ ⵓⴳⴰⵔ ⵏ 10 ⵏ ⵍⴻⵇⵔⵓⵏ. ⵉⵖⵔⴻⵎ-ⴰ ⵢⴻⵍⵍⴰ-ⴷ ⴷ ⴰⵎⴽⴰⵏ ⵡⵉⵙ 6 ⵢⴻⵔⵏⵓ ⴷ ⵓⵇⴱⴻⵍ ⵓⵏⴻⴳⴳⴰⵔⵓ ⵙⴻⴳ ⵢⵉⵎⵓⴽⴰⵏ ⴰⵢ ⴷ-ⵜⵏⵓⴷⴰ ⵜⴻⵔⴽⴻⴼⵜ (ⵇⴰⴼⵉⵍⴰ) ⵏ « ⵉⵖⴻⵔⵎⴰⵏ ⵃⴻⴽⴽⵓⵏ-ⴷ » ⴰⵢ ⴷ-ⵢⴻⴱⴷⴰⵏ ⴷⴷⵓⵕⵜ ⴰⵢⴰ ⵢⴻⵔⵏⵓ ⵜⴻⵔⵣⴰ ⵖⴻⴼ ⵢⵉⵎⵓⴽⴰⵏ ⵉⵙⵏⴻⴷⵔⵉⵣⴰⵏⴻⵏ (ⴰⵜⴰⵔⵉⵢⵢⴰ) ⵢⴻⵎⴼⵓⵣⵔⴰⵄⴻⵏ ⴷⴻⴳ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ. ⵉⵖⵔⴻⵎ ⵏ ⵄⴻⴵⴵⴰⴵⴰ ⵢⵓⵙⴰ-ⴷ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⵍⴱⵉⴹⴰ ⵓⵔ ⵢⴻⴱⵄⵉⴷⴻⵏ ⴰⵟⴰⵙ ⵖⴻⴼ ⵜⴻⵎⴷⵉⵏⵜ ⵏ ⵡⴰⵔⴻⴳⵍⴰ. ⵙⴻⴳ 2009 ⴰⵢ ⵍⴰ ⵢⴻⵜⵜⵕⴰⵊⵓ ⵢⴻⵖⵔⴻⵎ-ⴰ ⴰⴷ ⵢⴻⵜⵜⵡⴰⵚⴻⵏⵏⴻⴼ ⴳⴰⵔ ⵢⵉⵎⵓⴽⴰⵏ ⵢⴻⵜⵜⵡⴰⵃⴻⵔⵣⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵎⴻⵀⵍⴰ ⵏ ⵢⴻⴷⵍⴻⵙ ⵏ ⵜⵡⵉⵍⴰⵢⵜ-ⴰ.

ⵢⵓⵙⴰ-ⴷ ⵢⴻⵖⵔⴻⵎ-ⴰ ⴷⴻⴳ ⵜⵍⴻⵎⵎⴰⵙⵜ ⵏ ⵡⵓⵔⵜⴰⵏ ⵏ ⵜⴻⵣⴷⴰⵢⵉⵏ ⵜⵉⵣⴻⴳⵣⴰⵡⵉⵏ, ⵢⴻⵔⵏⵓ ⴰⵜⴰⵏ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ. ⴷ ⵛⵛⵉⵅ ⵙⵉ ⵄⵟⴻⵍⵍⴰⵀ ⴰⵢ ⴷ-ⵢⵓⵙⴰⵏ ⵙⴻⴳ ⵎⴰⵔⵛⵧ, ⴰⵢ ⵜ-ⵉⴷ-ⵢⴻⵙⴱⴻⴷⴷⴻⵏ ⴰⵣⴰⵍ ⵏ 6 ⵏ ⵍⴻⵇⵔⵓⵏ ⴰⵢⴰ. ⴰⵙⵎⵉ ⴰⵢ ⵢⴻⵎⵎⵓⵜ ⵛⵛⵉⵅ-ⴰ, ⴱⵏⴰⵏ-ⴰⵙ ⵍⴻⵎⵇⴰⵎ ⴷⴻⴳ ⵜⵍⴻⵎⵎⴰⵙⵜ ⵏ ⵢⴻⵖⵔⴻⵎ ⵢⴻⵔⵏⵓ ⵎⴰⵣⴰⵍ ⵔⴻⵣⵣⵓⵏ ⴼⴻⵍⵍ-ⴰⵙ ⴰⵔ ⴰⵙⵙ-ⴰ. ⵉⵖⵔⴻⵎ ⵏ ⵄⴻⴵⴵⴰⴵⴰ ⵉⵛⵓⴱⴰ ⴰⵟⴰⵙ ⵉⵖⴻⵔⵎⴰⵏ ⵏ ⵡⴰⵔⴻⴳⵍⴰ ⴷ ⵏⴳⵓⵙⴰ. ⵉⵙⴻⵎ ⵏ ⵢⴻⵖⵔⴻⵎ-ⴰ ⵢⵓⵙⴰ-ⴷ ⵙⴻⴳ ⵡⴰⵡⴰⵍ ⵏ « ⵄⴻⴵⴵⴰⴵ » ⵢⴻⴱⵖⴰⵏ ⴰⴷ ⴷ-ⵢⵉⵏⵉ « ⴰⴹⵓ ⵏ ⵢⴻⵊⴷⵉ », ⵢⴻⵔⵏⵓ ⵉⵙⴻⵏⵏⴻⴷ ⵖⴻⵔ ⵢⵉⵡⴻⵜ ⵏ ⵜⵉⵖⵉⵍⵜ ⴰⵢ ⵜ-ⵉⵃⵓⴷⴷⴻⵏ ⵙⴻⴳ ⵡⴰⴹⵓ-ⴰ.

ⵉⵅⵅⴰⵎⴻⵏ-ⵏⵏⴻⵙ ⵜⵜⵡⴻⴱⵏⴰⵏ ⵙ ⵡⴻⵥⵔⵓ ⴷ ⵍⴵⵉⵔ, ⵢⴻⵣⵣⵉ-ⴷ ⴼⴻⵍⵍ-ⴰⵙ ⵡⴻⵖⵔⴰⴱ ⵖⴻⵣⵣⵉⴼⴻⵏ ⴰⵢⵖⴻⴼ ⴷ-ⵢⴻⵣⵣⵉ ⴷⴰⵖ ⵡⴻⵟⵔⴰⵏⵛⵉ ⵢⴻⵜⵜⴰⵛⴰⵕⴻⵏ ⴷ ⴰⵎⴰⵏ ⴰⴽⴽⴻⵏ ⵓⵔ ⵙⵙⴰⵡⴰⴹⴻⵏ ⵢⵉⵛⴻⵏⴳⴰ ⴰⴷ ⴷ-ⴰⴷⴼⴻⵏ ⵖⴻⵔ-ⵙ. ⵙⴷⴰⵅⴻⵍ ⵢⴻⵖⵔⴻⵎ, ⵜⴻⵍⵍⴰ ⴷⴰⵖ ⵜⵎⴻⵙⴳⵉⴷⴰ ⵏ ⵙⵉⴷⵉ ⵙⴰⵍⴻⵎ ⴷ ⵓⵖⴻⵔⴱⴰⵣ ⵏ ⵍⴻⵇⵔⴰⵏ ⵏ ⵙⵉⴷⵉ ⵄⵍⵉ ⵏⴰⴼⵜⵉ ⴰⵢ ⴷ-ⵢⵓⵙⴰⵏ ⴷⴻⴳ ⵡⴻⵎⵕⴰⵃ ⴰⵏⴷⴰ ⴰⵢ ⵉⵄⴻⵎⵎⴻⵕ ⵙⵙⵓⵇ ⵢⴻⵔⵏⵓ ⵜⵜⴳⴻⵏ ⵜⵉⵎⴻⵖⵔⵉⵡⵉⵏ. ⵓⵍⴰ ⵎⴰ ⵢⴻⵙⵄⴰ ⴰⵣⴰⵍ ⴰⵎⴻⵣⵔⵓⵢⴰⵏ ⴷ ⴰⵎⴻⵇⵔⴰⵏ, ⵉⵖⵔⴻⵎ-ⴰ ⵢⴻⵙⵡⴰⵖ-ⵉⵜ ⴰⵎⴰ ⴷ ⴰⵏⴻⵣⵡⵓ (ⵎⴰⵏⴰⵅ), ⴰⵎⴰ ⴷ ⴰⵎⴷⴰⵏ, ⵢⴻⵔⵏⵓ ⴰⵔ ⴰⵙⵙ-ⴰ ⵡⴻⵔⵄⴰⴷ ⴷ-ⵢⴻⵙⴼⴰⵢⴷⵉ ⵙⴻⴳ ⵍⴻⵛⵖⴰⵍ ⵏ ⵓⵚⴻⴳⴳⴻⵎ, ⴰⵎ ⵡⴰⴽⴽⴻⵏ ⴰⵢ ⵜ-ⵎⴰⵣⴰⵍ ⵢⴻⵜⵜⵕⴰⵊⵓ ⵙⴻⴳ 2009 ⵎⴻⵍⵎⵉ ⴰⴷ ⵢⴻⵜⵜⵡⴰⵚⴻⵏⵏⴻⴼ ⴷⴻⴳ ⵡⵓⵎⵓⵖ ⵏ ⵢⵉⴷⴻⴳⴳⴻⵏ ⵉⵙⵏⴻⴷⵔⵉⵣⴰⵏⴻⵏ ⵢⴻⵜⵜⵡⴰⵃⴻⵔⵣⴻⵏ.