ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴰⵎⴰⵏ: ⵎⵎⵓⵜⴻⵏ ⵎⴰ ⵓⵍⴰⵛ 60 ⵏ ⵢⴻⵎⴷⴰⵏⴻⵏ ⴷⴻⴳ ⵢⵉⵎⴻⵏⵖⵉ
ⵚⴻⵏⵄⴰ– ⵎⵎⵓⵜⴻⵏ ⵎⴰ ⵓⵍⴰⵛ 45 ⵏ ⵢⵉⵎⴻⵏⵖⴰⵏ (ⵎⵓⵇⴰⵜⵉⵍⵉⵏ) ⵏ ⵢⵉⵖⴰⵍⵍⴻⵏ ⵉⴱⴻⴷⴷⴻⵏ ⴷ ⵓⵏⴰⴱⴰⴹ ⴰⵢⴰⵎⴰⵏⵉ ⴷ 15 ⵏ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴰⵔ ⴰⵙⵙ-ⴰ ⴷⴻⴳ ⵢⵉⵎⴻⵏⵖⵉⵢⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵓⴳⴰⴼⴰ-ⵓⵜⵔⵉⵎ ⵏ ⵢⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ, ⴰⵙⵙ ⵏ ⵍⴻⵅⵎⵉⵙ, ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵉⴷⵣⴰⵢⵔⵉⵢⴻⵏ. ⵢⴻⴱⴷⴰ-ⴷ ⵢⵉⵎⴻⵏⵖⵉ ⵎⵉ ⴷⴷⴰⵏ ⵢⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ ⵙⴻⴳ ⵓⵙⴰⴳⴻⵏ (ⵎⵉⵏⴰ’) ⵏ ⵎⵉⴷⵉ ⴷ-ⵢⵓⵙⴰⵏ ⵖⴻⴼ ⵢⵉⵍⴻⵍ ⴰⵣⴻⵡⵡⴰⵖ ⵖⴻⵔ ⵜⴻⵎⴷⵉⵏⵜ ⵏ ⵎⵉⴷⵉ ⴰⵢ ⴷ-ⵉⵇⴻⵔⴱⴻⵏ ⵖⴻⵔ-ⵙ. ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⵉⵃⵓⵜⵉⵢⴻⵏ ⵏ ⵡⴻⴳⵎⵓⴹ ⴷ ⵡⴻⵏⵥⵓⵍ ⵏ ⵜⴻⵎⴷⵉⵏⵜ-ⴰ ⴰⴷ ⴷ-ⵔⵔⴻⵏ ⵜⵉⵢⵉⵜⴰ, ⵢⴻⵔⵏⵓ ⵏⵖⴰⵏ 45 ⵏ ⵢⵉⵙⴻⵔⴷⴰⵙⴻⵏ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵓⵙⴻⵍⵡⴰⵢ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ, ⴳⴰⵔ-ⴰⵙⴻⵏ 20 ⵏ ⵢⵉⵙⴻⵔⴷⴰⵙⴻⵏ ⵢⴻⵜⵜⵡⴻⵏⵖⴻⵏ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵙⴰⵢⴻⵏ ⵉⵙⴻⵔⴷⴰⵙⴰⵏⴻⵏ. « ⴷ ⵜⴰ ⴰⵢ ⴷ ⵜⴰⵏⴻⴳⵣⴰⵔⵜ (ⵎⴰⴵⵣⴰⵔⴰ) ⵜⴰⵎⴻⵇⵔⴰⵏⵜ ⴰⴽⴽ ⴰⵢ ⴷ-ⵢⴻⵍⵍⴰⵏ » ⵎⴳⴰⵍ ⵢⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⵀⴰⴷⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵎⴰⵙⴰⵢ ⴰⵙⴻⵔⴷⴰⵙⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵖⴻⵡⵡⴰⵖⴻⵏ ⴷ ⵢⴻⵎⵙⵉⵙⴰⵏ-ⵏⵙⴻⵏ (ⵃⵓⵍⴰⴼⴰ’) ⵙⵙⴻⵎⵃⴰⵍⵍⵇⴻⵏ-ⴷ ⵉ ⵢⵉⵖⴰⵍⵍⴻⵏ ⵏ ⵀⴰⴷⵉ ⴷⴻⴳ ⵢⵉⵡⴻⵜ ⵏ ⵜⴻⵎⵣⴻⵍⵜ ⴰⵢ ⴷ-ⵢⵓⵙⴰⵏ ⵡⴰⵔ ⵎⴰ ⴱⵏⴰⵏ ⴼⴻⵍⵍ-ⴰⵙ. ⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⵀⴰⴷⵉ ⵓⵔ ⵜⴻⵏ-ⵉⴷ-ⵄⴰⵡⵏⴻⵏ ⵢⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⵜⴰⵄⵕⴰⴱⵜ ⵍⴰ ⵢⴻⵜⵜⵏⴰⵖⴻⵏ ⵎⴳⴰⵍ ⵢⵉⵖⴰⵍⵍⴻⵏ ⵉⵃⵓⵜⵉⵢⴻⵏ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⵏ ⵀⴰⴷⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ ⵓⵎⴰⵙⴰⵢ-ⴰ ⴰⵙⴻⵔⴷⴰⵙⴰⵏ ⴰⵢⴰⵎⴰⵏⵉ. ⵉⵖⴻⵡⵡⴰⵖⴻⵏ ⵙⵕⵓⵃⴻⵏ, ⵎⴰ ⵓⵍⴰⵛ, 15 ⵏ ⵢⵉⵎⴻⵏⵖⴰⵏ, ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⴰ. ⴰⵎⴳⴰⵔⵓ (ⵃⴰⵔⴱ) ⴰⵢ ⵉⵏⴻⴽⵔⴻⵏ ⴰⵙⴻⴳⴳⴰⵙ ⴰⵢⴰ, ⵢⴻⴳⵍⴰ ⵙ 6.200 ⵏ ⵜⵎⴻⴷⴷⵓⵔⵉⵏ ⴰⵎ ⵡⴰⴽⴽⴻⵏ ⴰⵢ ⴷ-ⵍⵍⴰⵏ 30.000 ⴷ ⵉⵎⴻⵊⵔⴰⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵜⴰⵏⵎⴰⴹⴰⵍⵜ ⵏ ⵜⴷⴰⵡⵙⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ 21 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) (82% ⵏ ⵢⵉⵎⴻⵣⴷⴰⵖⴻⵏ ⵏ ⵜⵎⵓⵔⵜ) ⴰⵢ ⵢⴻⵃⵡⴰⴵⴻⵏ ⵍⴻⵎⵄⴰⵡⵏⴰ, ⴳⴰⵔ-ⴰⵙⴻⵏ ⴰⵣⴰⵍ ⵏ 2,5 ⵏ ⵢⵉⵎⴻⵍⵢⵓⵏⴻⵏ ⵙⴻⴳ ⵡⵉⴷ ⵉⵔⴻⵡⵍⴻⵏ ⵙⴻⴳ ⵢⴻⵅⵅⴰⵎⴻⵏ-ⵏⵙⴻⵏ.