ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⵛⵛⴰⵔ : ⵎⵎⵓⵜⴻⵏ 11 ⴰⴽⴽⴻⴷ 6 ⴷ ⵉⵎⴻⵊⵔⴰⵃ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵓⴱⵔⵉⴷ ⴳⴰⵔ ⵣⵓⵙⵏⴰⴼⴰ ⴰⴽⴽⴻⴷ ⵜⴰⵖⵉⵜ

ⴱⴻⵛⵛⴰⵔ – ⵎⵔⴰⵡ ⴷ ⵢⵉⵡⴻⵏ (11) ⵏ ⵢⵉⵎⴷⴰⵏⴻⵏ ⵉ ⵢⴻⵎⵎⵓⵜⴻⵏ ⴰⴽⴽⴻⵏ ⵙⴰ (6) ⵏⵏⵉⴹⴻⵏ ⴷ ⵉⵎⴻⵊⵔⴰⵃ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ 6ⴱ, ⴳⴰⵔ ⵜⴻⵎⵏⴰⴹⵜ ⵏ ⵜⴼⴻⵍⵍⴰⵃⵜ ⵣⵓⵙⵏⴰⴼⴰ ⴰⴽⴽⴻⴷ ⵜⵖⵉⵡⴰⵏⵜ ⵏ ⵜⴰⵖⵉⵜ (97 ⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⵏⵥⵓⵍ ⵏ ⴱⴻⵛⵛⴰⵔ), ⵉ ⴷ-ⵢⵓⵔⴰ ⴷⴻⴳ ⵢⵉⵡⴻⵏ ⵏ ⵡⵓⵎⵓⵖ ⵉ ⵜⵙⴻⴽⵍⴻⵙ ⵜⵏⵉⵍⴰ ⵜⴰⴷⵉⴳⴰⵏⵜ ⵏ ⵓⵎⴻⵙⵜⴻⵏ ⴰⵖⴰⵔⵉⵎ.

ⵢⴻⴹⵔⴰ-ⴷ ⵓⵙⴻⵀⵡⵓ ⴷⴻⴳ ⵓⵎⴹⵉⵇ ⵉ ⴷ-ⵢⴻⵣⴳⴰⵏ ⴷⴻⴳ ⵡⴰⵣⴰⵍ ⵏ 55 ⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ ⵏ ⵜⴰⵖⵉⵜ, ⵙⴻⴳ ⵜⴻⵡⵡⴻⵜ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⵉⴷⴻⴳ ⵜⴻⵍⵍⴰ ⵢⵉⵡⴻⵜ ⵏ ⵜⵡⴰⵛⵓⵍⵜ ⵉ ⵢⴻⵜⵜⵏⵉⵍⴻⵏ ⵖⴻⵔ ⵜⵡⵉⵍⴰⵢⵜ ⵏ ⵍⴱⴻⵢⵢⴻⴹ ⴰⴽⴽⴻⴷ ⵢⵉⵡⴻⵏ ⵏ ⵓⴽⴰⵎⵢⵓⵏ ⵉ ⴷ-ⵉⵄⴻⴱⴱⴰⵏ ⵍⵎⴰⵍ ⵉⵜⴻⴷⴷⵓ ⵖⴻⵔ ⵜⴰⵖⵉⵜ, ⵉ ⴷ-ⵙⵙⴻⴷⴷⵉⵏ.

ⵉⴼⴻⵔⴷⵉⵙⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ ⵏ ⵜⴰⵖⵉⵜ ⵔⵓⵃⴻⵏ ⴷⵉⵏⴷⵉⵏ ⵙ ⴰⴷⴻⴳ-ⵏⵏⵉ ⴰⴽⴽⴻⵏ ⴰⴷ ⴰⵡⵉⵏ ⵍⵎⴻⴳⵜⵉⵏ ⴰⴽⴽⴻⴷ ⵢⵉⵎⴻⵊⵔⴰⵃ ⵙ ⴰⵍⴻⵎⵎⴰⵙ ⵏ ⵜⴷⴰⵡⵙⴰ ⵏ ⵜⴰⵖⵉⵜ.

ⵜⴻⵍⴷⵉ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵢⵉⵡⴻⵜ ⵏ ⵜⵙⴻⵙⵜⴰⵏⵜ ⴰⴽⴽⴻⵏ ⴰⴷ ⵥⵔⴻⵏ ⵙⵙⴻⴱⴱⴰ ⵏ ⵓⵙⴻⵀⵡⵓ-ⴰ.