Asebter amenzawi

BECCAR : mmuten 11 akked 6 d imejraḥ deg yiwen n usehwu n ubrid gar Zusnafa akked Taɣit

BECCAR – Mraw d yiwen (11) n yimdanen i yemmuten akken sa (6) nniḍen d imejraḥ deg yiwen n usehwu n ubrid i d-yeḍran ass n ssebt deg ubrid aɣelnaw 6B, gar temnaḍt n tfellaḥt Zusnafa akked tɣiwant n Taɣit (97 ikilumitren deg unẓul n Beccar), i d-yura deg yiwen n wumuɣ i tsekles tnila tadigant n umesten aɣarim.

Yeḍra-d usehwu deg umḍiq i d-yezgan deg wazal n 55 ikilumitren deg ugafa n Taɣit, seg tewwet yiwet n tkerrust ideg tella yiwet n twacult i yettnilen ɣer twilayt n Lbeyyeḍ akked yiwen n ukamyun i d-iɛebban lmal iteddu ɣer Taɣit, i d-sseddin.

Iferdisen n umesten aɣarim n Taɣit ruḥen dindin s adeg-nni akken ad awin lmegtin akked yimejraḥ s alemmas n tdawsa n Taɣit.

Teldi temsetla taɣelnawt yiwet n tsestant akken ad ẓren ssebba n usehwu-a.