ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵏⵏⴰ-ⴷ ⵎⴰⵙⵙ ⵀⴰⴷⵊⴰⵔ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵡⴻⵎⵛⵉⵡⴻⵕ ⴷ ⵢⴻⵏⵎⵓⵍⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵡⴻⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵜⴰⵀⴰⵔ ⵀⴰⴷⵊⴰⵔ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⴰⵙⵙⴻⵊⵀⴻⴷ ⵏ ⵡⴰⵡⴰⵍ ⴷ ⵡⴻⵎⵛⵉⵡⴻⵕ ⴷ ⵢⴻⵏⵎⵓⵍⴰ (ⵏⴰⵇⴰⴱⴰⵜ) ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ ⵉ ⵓⴼⴻⵔⵔⵓ ⵏ ⵜⴻⵎⵙⴰⵍ ⵢⴻⵔⵣⴰⵏ ⴰⵃⵔⵉⵛ-ⴰ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵖⴻⵎⵙⴰ ⴷⴻⴼⴼⵉⵔ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⴻⵏⵎⵓⵍⴰ ⵏ ⵡⴻⵃⵔⵉⵛ-ⴰ, ⵢⴻⵏⵏⴰ-ⴷ ⵎⴰⵙⵙ ⵀⴰⴷⵊⴰⵔ ⴷⴰⴽⴽⴻⵏ ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ ⵜⵉⴷⴷⵉⵜ ⴰⵢ ⴷ-ⵢⴻⵡⵡⵉ ⵡⴻⵖⵍⵉⴼ-ⵏⵏⴻⵙ ⴰⴽⴽⴻⵏ « ⴰⴷ ⵢⴻⵙⵙⴻⵊⵀⴻⴷ ⴰⵡⴰⵍ ⴳⴰⵔ ⵙⵉⵏ-ⴰ ⵏ ⵢⴻⵃⵔⵉⵛⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵉⵅⴻⴱⴱⴻⵔ ⵉⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ ⵖⴻⴼ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵃⵔⵉⵛ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵡⴻⵀⵀⵉ ⴷ ⵓⵙⵙⵉⴳⴳⴻⵣ ⵏ ⵢⵉⵏⴻⵍⵎⴰⴷⴻⵏ ⴰⵢ ⴷ-ⵢⴻⵡⵡⵉⵏ ⵍⴱⴰⴽ » ⴷ ⵓⵙⵙⴻⵏⵇⴻⵙ ⵏ ⵢⵉⴼⵓⵔⴽⴰ ⴰⴷ ⵢⴻⴼⵔⴻⵏ ⵓⵏⴻⵍⵎⴰⴷ ⵙⴻⴳ 10 ⵖⴻⵔ 5 ⴷⴻⴳ ⵜⴻⵡⵔⵉⵇⵜ-ⵏⵏⵉ ⵏ ⵡⴻⴼⵔⴰⵏ ⵏ ⵡⴰⵢⴻⵏ ⴰⴷ ⵢⴻⵣⵔⴻⵡ ⴷⴻⴳ ⵜⴻⵙⴷⴰⵡⵉⵜ.
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⵢⴻⵙⵍⴰ ⵉ « ⵢⵉⵖⴻⴱⵍⴰⵏ » ⴰⵢ ⴷ-ⴱⴻⴷⵔⴻⵏ ⵢⴻⵏⵎⵓⵍⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵖⴻⴱⵍⴰⵏ-ⴰ ⴷ « ⵓⵚⵡⵉⴱⴻⵏ », ⵍⴰⴷⵖⴰ ⵡⵉⵏ ⵏ ⵡⴻⵏⵎⴰⵍⵓ ⴰⵖⴻⵍⵏⴰⵡ ⵏ ⵢⴻⵎⵏⴰⴷⵉⵢⴻⵏ ⵉⵎⴻⵖⵍⴰⵍⴻⵏ ⵢⴻⵇⵇⵏⴻⵏ ⵖⴻⵔ ⵓⵥⴰⵢⴻⵔ (ⵡⴰⴹⵄ).
ⵉⵅⴻⴱⴱⴻⵔ-ⴷ ⵎⴰⵙⵙ ⵀⴰⴷⵊⴰⵔ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⴰⴷ ⴷ-ⵢⴻⵙⵙⵉⴷⴻⴼ ⴰⵣⴰⵍ ⵏ 3.000 ⵏ ⵢⵉⵙⴻⵍⵎⴰⴷⴻⵏ ⵉ ⵓⵙⴻⴳⴳⴰⵙ ⴰⵙⴷⴰⵡⴰⵏ ⵏ 2016-2017.
ⵓⵇⴱⴻⵍ ⴰⵢⴰ, ⵢⴻⵎⵎⵓⴳⴻⵔ ⵎⴰⵙⵙ ⵀⴰⴷⵊⴰⵔ, ⵜⴰⵚⴻⴱⵃⵉⵜ ⵏ ⵡⴰⵙⵙ-ⵏⵏⵉ, ⴽⵔⴰ ⵏ ⵜⵓⴷⴷⵙⵉⵡⵉⵏ ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵓⴽⴰⵜⴰⵔ ⵏ ⵜⴻⵎⵍⵉⵍⵉⵢⵉⵏ ⴰⵢ ⵢⴻⵏⵏⵓⵎⵎⴻⵏ ⵜⵜⵉⵍⵉⵏⵜ-ⴷ ⴳⴰⵔ ⵡⴻⵖⵍⵉⴼ ⴷ ⵢⴻⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ.
