ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ « ⵛⵀⴰⵔⴻⴼ ⴱⵧⵓⴰⵣⵣⴰ »: ⴷ ⵉⵏⴰⴷⴷⴰⵍⴻⵏ ⵏ ⵡⴻⵎⵙⴻⴳⵔⴰⵡ ⴰⴷⴷⴰⵍⴰⵏ ⵏ ⵢⵉⵒⵉⵜⵕⵓⵍⵉⵢⴻⵏ ⴰⵢ ⴷ-ⵢⴻⴼⵔⵓⵔⵉⵏ

ⵙⵉⴷⵉ ⴱⴻⵍⵄⴻⴱⴱⴰⵙ – ⴷ ⵉⵏⴰⴷⴷⴰⵍⴻⵏ ⵏ ⵡⴻⵎⵙⴻⴳⵔⴰⵡ ⴰⴷⴷⴰⵍⴰⵏ ⵏ ⵢⵉⵒⵉⵜⵕⵓⵍⵉⵢⴻⵏ (ⵉⵎⴻⵇⵔⴰⵏⴻⵏ) ⴷ ⵢⵉⵍⴻⵎⵥⵉⵢⴻⵏ ⵏ « ⵎⴰⵊⴷ ⴱⵍⵉⴷⴰ » ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 4 ⵏ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵡⴻⵙⵏⴰⵙⵖⴻⵍ ⵏ ⵓⵎⴻⵖⵔⵓⵙ « ⵛⵀⴰⵔⴻⴼ ⴱⵧⵓⴰⵣⵣⴰ » ⴰⵢ ⵉⴼⵓⴽⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵚⴼⵉⵚⴻⴼ (ⵙⵉⴷⵉ ⴱⴻⵍⵄⴻⴱⴱⴰⵙ).

ⵜⴻⴱⴹⴰ ⵜⴻⵍⵖⵓⵖⴰ-ⴰ ⵖⴻⴼ 3 ⵏ ⵢⴻⵃⵔⵉⵛⴻⵏ. ⴰⵎⴻⵣⵡⴰⵔⵓ ⵢⴻⴱⴷⴰ ⵙⴻⴳ ⵜⴻⵎⴷⵉⵏⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⵢⴻⵔⵏⵓ ⵉⵄⴻⴷⴷⴰ ⵖⴻⴼ ⵜⴻⵎⴷⵉⵏⵉⵏ ⵏ ⵙⵉⴷⵉ ⵍⴻⵃⵙⴻⴱ, ⵍⴰⵎⵜⴰⵔ, ⵙⵉⴷⵉ ⵄⵍⵉ ⴱⵓⵙⵉⴷⵉ, ⵙⵉⴷⵉ ⴷⴻⵃⵃⵓ, ⵜⴻⵙⵙⴰⵍⴰ, ⵄⵉⵏ ⵜⵜⵔⵉⴷ ⵓⵇⴱⴻⵍ ⵎⴰ ⵢⵓⵖⴰⵍ-ⴷ ⵖⴻⵔ ⵜⴻⵎⴷⵉⵏⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ (ⴷ ⴰⵎⴻⵛⵛⴰⵇ ⵏ 84 ⵏ ⵢⵉⴽⵉⵍⵓⵎⵉⵜⵔⴻⵏ). ⵜⵉⵎⵙⵉⵣⵣⴻⵍⵜ ⴷⴻⴳ ⵓⵎⴻⵛⵡⴰⵕ-ⴰ ⵜⴻⵍⵍⴰ-ⴷ ⵜⴰⵡⴻⵄⵕⴰⵏⵜ ⵢⴻⵔⵏⵓ ⵢⴻⵍⵍⴰ-ⴷ ⴷⴻⴳ-ⵙ ⵡⴻⵙⵡⵉⵔ ⴷ ⵓⵏⵏⵉⴳ. ⴷ ⴱⵧⵓⵣⵉⴷⵉ ⵏ ⵜⴻⵖⵍⴰⵎⵜⵏ ⵙⵧⵠⴰⵛ ⴰⵢ ⵜⵜ-ⵉⵔⴻⴱⵃⴻⵏ ⵖⴻⵔ ⵢⵉⵎⴻⵇⵔⴰⵏⴻⵏ. ⵎⴰ ⵖⴻⵔ ⵢⵉⵎⴻⵥⵢⴰⵏⴻⵏ, ⴷ ⵧⵓⵉⵜⵉⵙ ⵎⵧⵀⴰⵎⴻⴷ ⵣⴰⴽⴰⵔⵉⴰ ⵏ ⵎⴰⵊⴷ ⴱⵍⵉⴷⴰ ⴰⵢ ⵜⵜ-ⵉⵔⴻⴱⵃⴻⵏ.

ⴰⵎⴻⵛⵡⴰⵕ ⵡⵉⵙ ⵙⵉⵏ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵏ ⵏ ⵡⴻⵎⵏⴻⵏⵏⵉⴹ ⵉⵎⴻⴷⵍⴻⵏ ⵏ 2 ⵏ ⵢⵉⴽⵉⵍⵓⵎⵉⵜⵔⴻⵏ ⵙⴷⴰⵅⴻⵍ ⵡⵓⵔⵜⵉ ⵏ ⵎⴻⴽⵜⴰ. ⵉⵏⴰⴷⴷⴰⵍⴻⵏ ⵉⵍⴻⵎⵥⵉⵢⴻⵏ ⵣⵣⵉⵏ-ⴷ ⴼⴻⵍⵍ-ⴰⵙ 20 ⵏ ⵜⵉⴽⴽⴰⵍ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴻⵇⵔⴰⵏⴻⵏ ⵣⵣⵉⵏ-ⴷ ⴼⴻⵍⵍ-ⴰⵙ 25 ⵏ ⵜⵉⴽⴽⴰⵍ. ⴰⵟⴰⵙ ⵏ ⵍⵖⴰⵛⵉ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵎⵙⵉⵣⵣⴻⵍⵜ-ⴰ ⴰⵢⴷⴻⴳ ⴷ ⴱⴻⵏⵢⵧⵓⵛⴻⴼ ⴰⴱⴷⴰⵍⵍⴰⵀ ⵏ ⵡⴻⵎⵙⴻⴳⵔⴰⵡ ⴰⴷⴷⴰⵍⴻⵏ ⵏ ⵢⵉⵒⵉⵜⵕⵓⵍⵉⵢⴻⵏ ⴰⵢ ⵉⵔⴻⴱⵃⴻⵏ ⴷⴻⴳ ⵢⵉⵎⴻⵇⵔⴰⵏⴻⵏ, ⵎⴰ ⴰⵙⵙⴰⵍ ⵎⵧⵀⴰⵎⴻⴷ ⵏⴰⴷⵊⵉⴱ ⵏ ⵎⴰⵊⴷ ⴱⵍⵉⴷⴰ ⵢⴻⵔⴱⴻⵃ ⴷⴻⴳ ⵢⵉⵍⴻⵎⵥⵉⵢⴻⵏ.

ⴰⵃⵔⵉⵛ ⵡⵉⵙ 3 ⵏ ⵜⴻⵍⵖⵓⵖⴰ-ⴰ ⵖⴻⵣⵣⵉⴼ 100 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⴱⴷⴰ ⵙⴻⴳ ⵚⴼⵉⵚⴻⴼ, ⵢⴻⴽⴽⴰ ⵖⴻⴼ ⵎⵧⵙⵜⴻⴼⴰ ⴱⴻⵏⴱⵔⴰⵀⵉⵎ, ⵥⴻⵔⵡⴰⵍⴰ, ⵡⴰⴷ ⵎⴻⴱⵟⵓⵃ, ⴱⵧⵓⴷⵊⴻⴱⴰⴰ, ⵍⴱⵓⵕⴵ, ⴰⵉⵏ ⴰⴷⴷⴻⵏ ⵓⵇⴱⴻⵍ ⵎⴰ ⵢⵓⵖⴰⵍ-ⴷ ⵖⴻⵔ ⵚⴼⵉⵚⴻⴼ. ⴷ ⵀⴰⵏⵏⴰⵛⵀⵉ ⴰⴱⴷⴻⵍⴱⴰⵙⵙⴻⵜ ⵏ ⵡⴻⵎⵙⴻⴳⵔⴰⵡ ⴰⴷⴷⴰⵍⴰⵏ ⵏ ⵢⵉⵒⵉⵜⵕⵓⵍⵉⵢⴻⵏ ⴰⵢ ⵜ-ⵉⵔⴻⴱⵃⴻⵏ ⴷⴻⴳ ⵢⵉⵎⴻⵇⵔⴰⵏⴻⵏ, ⵎⴰ ⴷ ⴷⴻⴳ ⵢⵉⵎⴻⵥⵢⴰⵏⴻⵏ, ⴷ ⵛⵀⴻⴱⵍⴰⵧⵓⵉ ⵧⵓⵙⵙⴰⵎⴰ ⵏ ⵎⴰⵊⴷ ⴱⵍⵉⴷⴰ ⴰⵢ ⵜⵜ-ⵢⴻⵡⵡⵉⵏ.

ⴷ ⵜⴰⵎⵖⵓⵏⵜ (ⵔⴰⴱⵉⵟⴰ) ⵏ ⵜⵡⵉⵍⴰⵢⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⴰⵢ ⵢⴻⵙⵙⵓⴷⴷⵙⴻⵏ ⵜⴰⵍⵖⵓⵖⴰ-ⴰ ⵜⵉⵙ 4 ⵏ ⵡⴻⵙⵏⴰⵙⵖⴻⵍ ⵙ ⵡⴻⵎⵄⴰⵡⴻⵏ ⴷ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴻⵙⵏⴰⵙⵖⴻⵍ, ⵜⴰⵎⴻⵀⵍⴰ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⵜⴰⵖⵉⵡⴰⵏⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⴷ ⵜⵉⴷⴷⵓⴽⵍⴰ ⵏ « ⵎⴻⵛⵀⴰⴰⵍ ⵛⵀⴰⵀⵉⴷ » ⵏ ⵚⴼⵉⵚⴻⴼ. ⵜⵜⴻⴽⴽⴰⵏ ⴷⴻⴳ-ⵙ 100 ⵏ ⵢⵉⵎⴻⵙⵏⴰⵙⵖⴰⵍⴻⵏ (ⴷⴰⵔⵔⴰⴵⵉⵏ) ⵙⴻⴳ 20 ⵏ ⵜⴻⵖⵍⴰⵎⵉⵏ ⴷ 14 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.