ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Seg Tasanayt s tmaziɣt imunen
Neggez ar: ẓer isebtar, anadi

ⵉⵃⴻⵣⵣⵉⴱⴻⵏ ⵉ ⵡⴻⴱⴷⴰⴷ ⵉ ⵢⵉⵎⴻⵄⴷⴰⵕ ⵉⵎⵙⵉⵎⴰⵏⴻⵏ ⵢⴻⵜⵜⵕⴰⵊⵓⵏ ⵍⴻⵎⵄⴰⵡⵏⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵡⴻⴱⴷⴰⴷ ⵉ ⵢⴻⵎⵙⵉⵎⴰⵏⴻⵏ ⴰⵢ ⵍⴰ ⵢⴻⵜⵜⵕⴰⵊⵓⵏ ⵍⴻⵎⵄⴰⵡⵏⴰ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵜⴳⴰ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷⴻⴳ ⵍⴻⵇⵚⴻⵔ ⵏ ⵢⴻⴷⵍⴻⵙ ⵏ « ⵎⵧⵓⴼⴷⵉ ⵣⴰⴽⴰⵔⵉⴰ » ⵉ ⵍⵎⴻⵏⴷ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵜⴻⵎⵙⵉⵎⴰⵏⵜ, ⵜⴻⵏⵏⴰ-ⴷ ⵎⴰⵙⵙⴰ ⵎⴻⵙⵍⴻⵎ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵢⴻⵃⵙⴻⴱ-ⴷ, ⴷⴻⴳ 2015, « ⴰⵎⴹⴰⵏ ⴷ ⴰⵎⴻⵇⵔⴰⵏ » ⵏ ⵢⴻⵎⵙⵉⵎⴰⵏⴻⵏ ⴰⵢ ⵍⴰ ⵢⴻⵜⵜⵕⴰⵊⵓⵏ ⵍⴻⵎⵄⴰⵡⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵡⴻⴱⴷⴰⴷ ⵉ ⵢⴻⵎⴷⴰⵏⴻⵏ-ⴰ.

ⵏⵏⵉⴳ ⵡⴰⵢⴰ, ⵜⵜⵡⴰⵔⴻⵥⵎⴻⵏⵜ ⵜⴻⵎⵔⵓⵣⵉⵏ (ⵎⵓⵍⵃⴰⵇⴰⵜ) ⵏ ⵡⴰⵎⵎⴰⵙⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵙⵙⴻⵍⵎⴻⴷ ⵏ ⵢⵉⵎⴻⵄⴷⴰⵕ ⵏ ⵍⴻⵄⵇⴻⵍ ⴰⴽⴽⴻⵏ ⴰⴷ ⴱⴻⴷⴷⴻⵏⵜ ⵉ ⵡⴻⵎⴹⴰⵏ ⴰⵎⴻⵇⵔⴰⵏ ⴰⴽⴽ ⵏ ⵢⵉⴳⴻⵔⴷⴰⵏ ⵉⵎⵙⵉⵎⴰⵏⴻⵏ ⴷ ⵓⵙⵙⵉⴼⵙⴻⵙ ⵏ ⵓⵏⵏⵓⵎⵎⴻⴷ-ⵏⵙⴻⵏ ⴷⴻⴳ ⵜⵎⴻⵜⵜⵉ.

ⵜⵡⴻⴽⴽⴻⴷ-ⴷ ⵎⴰⵙⵙⴰ ⵎⴻⵙⵍⴻⵎ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⴰⴷ ⵢⴻⵅⴷⴻⵎ ⵙ ⵡⴻⵎⵄⴰⵡⴻⵏ ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⵉ ⵡⴻⵔⵥⴰⵎ ⵏ ⵜⵏⴻⵖⵔⵉⵢⵉⵏ (ⴰⵇⵙⴰⵎ) ⵢⴻⵏⵏⵓⵎⵎⴷⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ ⵏ ⵎⴻⵏⵡⴰⵍⴰ ⴰⴽⴽⴻⵏ ⴰⴷ ⴹⴻⵎⵏⴻⵏ ⵉ ⵢⴻⵎⵙⵉⵎⴰⵏⴻⵏ ⴰⵍⵎⵓⴷ ⴰⵖⵓⵔⴱⵉⵣ, ⴰⵎ ⵡⴰⴽⴽⴻⵏ ⴰⴷ ⵢⵉⵍⵉⵏ ⵢⵉⵅⴻⴷⴷⴰⵎⴻⵏ ⴰⴷ ⴰⵙⴻⵏ-ⵉⴱⴻⴷⴷⴻⵏ ⵉ ⵍⵎⴻⵏⴷⴰⴷ ⵙⴻⴳ ⵢⵉⴷⵉⵙ ⵏ ⵜⵏⴻⴼⵙⵉⵜ ⴷ ⵜⵓⵕⵜⵓⴼⵓⵏⵉⵜ.


ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⵍⴰ ⴷ-ⵜⵜⵀⴻⵢⵢⵉⵏ ⴰⵟⴰⵙ ⵏ ⵡⴰⵀⵉⵍⴻⵏ ⵙ ⵡⴻⵎⵄⴰⵡⴻⵏ ⴷ ⵢⴻⵖⵍⵉⴼⴻⵏ ⵏⵉⴹⴻⵏ ⵉ ⵡⴻⴱⴷⴰⴷ ⵉ ⵢⵉⴳⴻⵔⴷⴰⵏ-ⴰ, ⴳⴰⵔ-ⴰⵙⴻⵏ ⴰⴽⴰⵟⴰⵍⵓⴳ ⵏ ⵓⵚⴻⵏⵏⴻⴼ ⵏ ⵍⴻⵚⵏⴰⴼ ⵢⴻⵎⴳⴻⵔⵔⴰⴷⴻⵏ ⵏ ⵢⵉⵎⴻⵄⴷⴰⵕ ⵖⴻⴼ ⵍⴻⵃⵙⴰⴱ ⵏ ⵜⴻⴳⵏⵓⵜⵉⵏ (ⵎⴰⵄⴰⵢⵉⵔ) ⵜⵉⴳⵔⴰⵖⵍⴰⵏⵉⵏ, ⴰⵎ ⵡⴰⴽⴽⴻⵏ ⴰⴷ ⴷ-ⴳⴻⵏ ⵜⴰⴽⴰⵔⴹⴰ ⵜⴰⵎⴰⵢⵏⵓⵜ ⵉ ⵢⵉⵎⴻⵄⴷⴰⵕ.