ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 » ⵜⴻⵍⵍⴰ-ⴷ ⴷ ⵔⵔⴱⴻⵃ (ⴰⵏⴻⵖⵍⴰⴼ)
ⵇⵙⴻⵏⵟⵉⵏⴰ – ⵉⵡⴻⴽⴽⴻⴷ-ⴷ, ⴰⵙⵙ ⵏ ⵙⵙⴻⴱⵜ ⴷⴻⴳ ⵇⵙⴻⵏⵟⵉⵏⴰ, ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴷⴰⴽⴽⴻⵏ ⵜⴰⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 » ⵜⴻⵍⵍⴰ-ⴷ ⴷ « ⵜⴰⴷⵢⴰⵏⵜ ⵜⵓⵔⴱⵉⵃⵜ ».
ⴰⵀⵉⵍ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵡⴻⵎⵢⴰⴳⴻⵔ-ⴰ ⴰⴷⴻⵍⵙⴰⵏ ⴰⵄⵕⴰⴱ « ⵢⴻⴼⴼⴻⵖ ⵖⴻⵔ ⵜⵉⴷⴻⵜ » ⵙ ⵍⴻⴽⵎⴰⵍ-ⵏⵏⴻⵙ ⵢⴻⵔⵏⵓ ⵍⵍⴰⵏ-ⴷ ⴷⴰⵖ ⵡⴰⵀⵉⵍⴻⵏ ⵏⵉⴹⴻⵏ ⴷⴻⴳ ⵜⴻⴷⵢⴰⵏⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵡⴻⵔⵥⴰⵎ ⵏ ⴷⴷⵓⵕⵜ ⵜⴰⴷⴻⵍⵙⴰⵏⵜ ⵏ ⵇⵙⴻⵏⵟⵉⵏⴰ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ ⵜⴰⴷⴻⵍⵙⴰⵏⵜ ⵜⴰⵄⵕⴰⴱⵜ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵉⴳⵏⴰⵜⵉⵏ ⴰⵢⴷⴻⴳ ⴷ-ⵜⴻⵜⵜⵡⴰⵙⵙⵓⴷⴷⴻⵙ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ » ⵍⵀⴰⵏⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⴷⴷⵓⵕ ⴰⵢ ⵢⵓⵔⴰⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵓⵙⵙⴻⵔⴱⴻⵃ ⵏ ⵜⴻⴷⵢⴰⵏⵜ-ⴰ, ⵙ ⵍⴻⴱⵏⵉ ⵏ ⵜⵜⴰⵡⵉⵍⴰⵜ ⵉⴷⴻⵍⵙⴰⵏⴻⵏ ⴰⵢ ⵜⴻⵃⵡⴰⴵ ⵜⴻⵎⴷⵉⵏⵜ-ⴰ ⵉ ⵜⴻⴷⵢⴰⵏⵜ ⴰⵎ ⵜⴰ.
ⴰⵏⴻⵖⵍⴰⴼ ⵢⴻⵙⵏⴻⵎⵎⴻⵔ ⴷⴰⵖ ⵜⴰⵖⴻⵎⵙⴰ ⵉⵎⵉ ⴰⵢ ⵜⴻⴹⴼⴻⵔ ⵜⴰⴷⵢⴰⵏⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⵙⴻⵀⵕⴰ ⵏ ⵡⴻⵅⵜⴰⵎ ⵏ ⵓⵙⴻⴳⴳⴰⵙ-ⴰ ⴰⴷⴻⵍⵙⴰⵏ ⴰⴷ ⴷ-ⵜⵉⵍⵉ « ⵎⴻⵖⵖⵔⴻⵜ » ⵢⴻⵔⵏⵓ ⴰⴷ ⵃⴻⴷⵕⴻⵏ ⴷⴻⴳ-ⵙ ⵢⵉⵏⴰⵥⵓⵔⴻⵏ ⴰⵎⴰ ⵙⴻⴳ ⵍⴻⵣⵣⴰⵢⴻⵔ, ⴰⵎⴰ ⵙⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ.
ⵉⵄⴰⵡⴻⴷ ⴷⴰⵖ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴰⵄⴻⵡⵡⴻⵍ ⵏ ⵡⴻⵖⵍⵉⴼ ⵏ ⵢⴻⴷⵍⴻⵙ ⴰⴽⴽⴻⵏ ⴰⴷ ⵢⴻⴼⴽ ⵉ ⵜⵣⴻⵇⵇⴰ ⵏ ⵢⵉⵀⴰⵏⴰⵢⴻⵏ (ⵄⵓⵔⵓⴹ) ⵏ ⵃⵎⴻⴷ ⴱⴻⵢ ⴰⵥⴰⵢⴻⵔ ⵓⵙⴹⵉⴼ (ⵡⴰⴹⵄ ⵇⴰⵏⵓⵏⵉ), ⴷⵖⴰ ⴷ ⴰⵢⴰ ⴰⴷ ⴰⵙ-ⵢⴻⴼⴽⴻⵏ ⴰⵣⵔⴻⴼ ⵉ ⵜⵣⴻⵇⵇⴰ-ⴰ ⴰⴽⴽⴻⵏ ⴰⴷ ⵜⴻⵜⵜⴹⴰⴼⴰⵔ ⵉⵔⵎⵓⴷⴻⵏ ⵉⴷⴻⵍⵙⴰⵏⴻⵏ ⵙ ⵜⵉⵎⵎⴰⴷ-ⵏⵏⴻⵙ.
