ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵓⴷⴷⴻⵏ ⴽⵔⴰⴹ ⵏ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵎⴷⵉⵢⴰ ⵔⵏⴰⵏ ⵟⵟⴼⴻⵏ ⵢⵉⵡⴻⵏ ⵏ ⵓⵎⴷⴰⵏ ⵢⴻⵜⵜⵄⴰⵡⴰⵏⴻⵏ ⵉⵔⴻⵎⵎⴰⵖⴻⵏ ⴷⴻⴳ ⴵⵉⴵⴻⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴼⴰⵏ ⴽⵔⴰⴹ (3) ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⵙⴰⴽⵉⵏ ⵀⵓⴷⴷⴻⵏ-ⵜⴻⵏⵜ ⴰⵙⵙ ⵏ ⵙⵙⴻⴱⵜ ⴷⴻⴳ ⵎⴷⵉⵢⴰ ⵔⵏⴰⵏ ⵟⵟⴼⴻⵏ ⵢⵉⵡⴻⵏ ⵏ ⵓⴼⴻⵔⴷⵉⵙ ⵢⴻⵜⵜⵄⴰⵡⴰⵏⴻⵏ ⵉⵔⴻⵎⵎⴰⵖⴻⵏ ⴷⴻⴳ ⴵⵉⴵⴻⵍ, ⵉ ⴷ-ⵢⴻⵏⵏⴰ ⴰⵙⵙ ⵍⵃⴻⴷⴷ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵉⵔⴻⵎⵎⴰⵖⴻⵏ, ⵓⴼⴰⵏ ⵙⴰⴽⵉⵏ ⵀⵓⴷⴷⴻⵏ ⴽⵔⴰⴹ (3) ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴷⴻⴳ ⵎⴷⵉⵢⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ) ⴰⵙⵙ ⵏ 02 ⵢⴻⴱⵔⵉⵔ 2016. ⵔⵏⵓ-ⵢⴰⵙ, ⵜⵓⵟⵟⴼⴰ ⵏ ⵢⵉⵡⴻⵏⵓⴼⴻⵔⴷⵉⵙ ⵢⴻⵜⵜⵄⴰⵡⴰⵏⴻⵏ ⵉⵔⴻⵎⵎⴰⵖⴻⵏ ⴷⴻⴳ ⴵⵉⴵⴻⵍ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5)’’, ⴰⴽⴽⴰ ⵉ ⵜ-ⵏⴻⵖⵔⴰ ⴷⴻⴳ ⵓⵍⵖⵓ.

ⴷⴻⴳ ⵜⵎⴻⵏⵖⴰⵙⵜ, ⵄⵉⵏ ⴳⴻⵣⵣⴰⵎ ⴰⴽⴽⴻⴷ ⵍⴱⴻⵔⴵ ⴱⴰⴵⵉ ⵎⵓⵅⵜⵜⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ⵟⵟⴼⴻⵏ ⴽⵔⴰⴹ (3) ⵏ ⵢⵉⵎⵙⴻⵜⵜⵉⵢⴻⵏ ⴰⴽⴽⴻⴷ ⵎⵔⴰⵡ ⴷ ⵙⵉⵏ (12) ⵏ ⵢⵉⵎⵉⵏⵉⴳⴻⵏ ⵓⴼⴼⵉⵔⴻⵏ, ⴽⵙⴻⵏ-ⴰⵙⴻⵏ 3,48 ⵉⵟⵓⵏⴻⵏ ⵏ ⵡⵓⵞⵞⵉ, 650 ⵏ ⵢⵉⵍⵉⵜⵔⴻⵏ ⵏ ⵣⵣⵉⵜ ⵏ ⵡⵓⵞⵞⵉ, ⴽⵔⴰⴹ (3) ⵏ ⵜⴽⴻⵕⵕⵓⵙⵉⵏ, ⵙⴹⵉⵙ (6) ⵏ ⵢⵉⵎⵓⵟⵓⵜⴻⵏ, ⵙⵉⵏ (2) ⵢⴻⵎⵢⴰⴼⴻⵏ ⵏ ⵡⵓⵣⵣⴰⵍ, ⵙⴹⵉⵙ (6) ⵏ ⵢⵉⵎⴻⵏⵖⴰⵔⴻⵏ ⵏ ⵜⵔⵉⵙⵉⵜⵉ ⴰⴽⴽⴻⴷ (11) ⵏ ⵢⵉⴳⵔⴰⵡⴻⵏ ⵏ ⵢⵉⵎⵔⴻⵡⵜⵔⵉⵙⵉⵜⵉⵢⴻⵏ, ⵉ ⵜⴻⵔⵏⴰ ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⵏⵏⵉ.

ⴷⴻⴳ ⵍⴻⵖⵡⴰⴹⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4), ⵟⵟⴼⴻⵏ ⵢⵉⵡⴻⵏ ⵏ ⵓⵎⵙⴻⵜⵜⵉ, ⴽⵙⴻⵏ-ⴰⵙ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⵜⴰⵙⴻⵔⴷⴰⵙⴰⵏⵜ ⴰⴽⴽⴻⴷ 7182 ⵏ ⵜⵖⴰⵡⵙⵉⵡⵉⵏ ⵏ ⵜⵉⵙⵙⵉⵜ, ⵉ ⴷ-ⵉⵙⴻⴳⵔⴰ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).