Asebter amenzawi

Asfugel n tmeɣra n yixeddamen : ddaw n uzwel n temsetlelt akked uɣref aṣeḥrawi

LEZZAYER TAMANEɣT - Asfugel n tmeɣra n yixeddamen deg Lezzayer, ass 1 mayu i d-iteddun, ad yettwasfugel aseggas-a ddaw n uzwel n temsetlelt akked uɣref aṣeḥrawi, i d-yenna ass n lḥedd deg Tmaneɣt umaray amatu n Tdukli tamatut n yixeddamen izzayriyen (UGTA),Abdelmadjid Sidi Saïd.

Yiwet n tefyirt, yiwen n uzwel i yes-s ara nesfugel aseggas-a tameɣra n yixeddamen :tamsetlelt akked uɣref aṣeḥrawi i yettnaɣen ɣef tlelli-s akked uzarug-is’’, i d-yenna Sidi Said deg yiwet n temlilit n tmehla n UGTA, yerzan iheggiyen n tedyant-a, s tihawt n umaray amatu n Tdukli tamatut n yixeddamen iṣefrawiyen (UGTS), , Mohamed Cheikh Lahbib, akked yimqeddem aṣeḥrawi deg Lezzayer, Bucharaya Hamudi Sidina.

Mass Sidi Saïd yenna-d dakken tamsetlelt akked uɣref aṣeḥrawi, ters ddaw leɛnaya n uselway n Tegduda, Abdelaziz Bouteflika, yerna yenna-d ad yili usfugel-a deg 48 twilayin n tmurt, deg daɣen deg teṛmisin.