ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⵖⵣⴻⴼ ⵏ ⵜⴰⵍⵍⵉⵜ ⵏ ⵓⵎⵎⴻⵕⴽⵉ ⵖⴻⵔ ⵓⵙⴻⵏⴽⵉⴷ ⴰⵏⵎⴻⵜⵜⵉ (ⵛⵏⴰⵙ)
ⵉⵍⵍⵉⵣⵉ - ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵎⴰⵀⵉⵍ (ⵄⴰⵎⴰⵍ), ⵎⵧⵀⴰⵎⴻⴷ ⴻⵍ-ⴳⵀⴰⵣⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵉⵍⵍⵉⵣⵉ, ⴷⴰⴽⴽⴻⵏ ⵜⴰⵍⵍⵉⵜ ⵏ ⵓⵎⵎⴻⵕⴽⵉ ⵏ ⵢⵉⵅⴻⴷⴷⴰⵎⴻⵏ ⵖⴻⵔ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⴰⵏⵎⴻⵜⵜⵉ (ⵛⵏⴰⵙ) ⵜⴻⵜⵜⵡⴰⵙⵙⴻⵖⵣⴻⴼ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
« ⵕⵕⴰⵢ-ⴰ ⵏ ⵓⵙⵙⴻⵖⵣⴻⴼ ⵏ ⵜⴰⵍⵍⵉⵜ ⵏ ⵓⵎⵎⴻⵕⴽⵉ ⵙ ⵍⴻⴱⵖⵉ ⵖⴻⵔ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⴰⵏⵎⴻⵜⵜⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵢⴻⵜⵜⵡⴰⴷⴷⴻⵎ ⵖⴻⴼ ⵍⴵⴰⵍ ⵏ ⵢⵉⵅⴻⴷⴷⴰⵎⴻⵏ ⴰⵢ ⵍⴰ ⴷ-ⵢⴻⵙⵙⵓⵜⵓⵔⴻⵏ ⴰⵢⴰ, ⵢⴻⵔⵏⵓ ⵇⴻⴱⵍⴻⵏ ⵡⴻⵖⵍⵉⴼ ⵏ ⵜⴻⴷⵔⵉⵎⵜ ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴷ ⴷ-ⵢⵉⵍⵉ ⵓⵙⵙⴻⵖⵣⴻⴼ ⵏ ⵜⴰⵍⵍⵉⵜ-ⴰ ⴰⵢ ⵢⴻⵍⵍⴰⵏ ⵏⴰⵇⴰⵍ ⵜⴻⵜⵜⴻⴷⴷⵓ ⴰⴷ ⵜⴼⴰⴽ ⴷⴻⴳ 31 ⵎⴻⵖⵔⴻⵙ ⵏ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴻⵍ-ⴳⵀⴰⵣⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ ⵖⴻⴼ ⵜⵡⵉⵍⴰⵢⵜ ⵏ ⵉⵍⵍⵉⵣⵉ.
ⴰⵃⴻⵣⵣⵉⴱ-ⴰ ⵏ ⵓⵙⵙⴻⵖⵣⴻⴼ ⵏ ⵜⴰⵍⵍⵉⵜ ⵢⴻⵍⵍⴰ-ⴷ ⵉ ⵍⴼⴰⵢⴷⴰ ⵏ ⵢⵉⵅⴻⴷⴷⴰⵎⴻⵏ ⴷ ⵢⵉⵙⴻⵏⴷⵓⵇⴻⵏ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ (ⴹⴰⵎⴰⵏ ⵉⴵⵜⵉⵎⴰⵄⵉ), ⵢⴻⵔⵏⵓ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ ⴰⵙⵎⵉ ⴰⴷ ⴷ-ⵎⵎⴻⵕⴽⵉⵏ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵏⴻⵖⵍⴰⴼ ⵏ ⵓⵎⴰⵀⵉⵍ ⵍⴰ ⵢⴻⵜⵜⴽⴻⵎⵎⵉⵍ ⵜⵉⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ ⵖⴻⴼ ⵜⵡⵉⵍⴰⵢⵜ ⵏ ⵉⵍⵍⵉⵣⵉ ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⵉⵎⴻⵥⵍⴰ (ⵎⴰⵚⴰⵍⵉⵃ) ⵢⴻⵇⵇⵏⴻⵏ ⵖⴻⵔ ⵡⴻⵃⵔⵉⵛ-ⵏⵏⴻⵙ.
