ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵖⴻⵔⴷⴰⵢⵜ: ⵜⵉⵎⵣⴰⵍ ⵉ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ ⴷ-ⵢⴻⵙⵙⵉⵣⴷⵉⴳⴻⵏ ⵜⵉⴳⵥⴰⵍ-ⵏⵙⴻⵏ ⴷⴻⴳ ⵍⴻⵎⵏⵉⵄⴰ
ⵜⴰⵖⴻⵔⴷⴰⵢⵜ– 7 ⵏ ⵜⴻⵎⵣⴰⵍ (ⵄⴰⵎⴰⵍⵉⵢⵢⴰⵜ) ⵏ ⵜⵓⵇⵇⵏⴰ ⵏ ⵢⵉⵥⵓⵔⴰⵏ ⵢⴻⵜⵜⴰⵡⴻⵏ ⵉⴷⴰⵎⵎⴻⵏ ⵖⴻⵔ ⵡⵓⵍ ⵏⴻⵖ ⵙⴻⴳ ⵡⵓⵍ ⴰⵢ ⵢⴻⵜⵜⴻⵡⴳⴻⵏ ⵉ ⵓⴷⴰⵡⵉ ⵏ ⵢⵉⵎⵓⴹⵉⵏⴻⵏ ⵏ ⵜⴻⴳⵥⴰⵍ ⵏ ⵜⴻⵎⵏⴰⴹⵜ ⵏ ⵍⴻⵎⵏⵉⵄⴰ (ⴷⴻⴳ ⵡⴻⵏⵥⵓⵍ ⵏ ⵜⵖⴻⵔⴷⴰⵢⵜ). ⵜⵉⵎⵣⴰⵍ-ⴰ ⴳⴰⵏ-ⵜⴻⵏⵜ ⵢⴻⵎⵙⵓⵊⵊⵉⵢⴻⵏ (ⴰⵟⵉⴱⴱⴰ’) ⵏ ⵜⴻⵔⴽⴻⴼⵜ ⵜⵉⵡⵉⵣⵉⵜ ⵏ ⵜⴷⴰⵡⵙⴰ ⵏ ⵢⴻⵙⴱⵉⵟⴰⵔⴻⵏ ⵉⵙⴷⴰⵡⴰⵏⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵜⵉⵣⵉ ⵡⴻⵣⵣⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵓⵏⴻⵎⵀⴰⵍ ⵓⵄⴹⵉⵍ ⵏ ⵜⴷⴰⵡⵙⴰ ⵏ ⵜⵖⴻⵔⴷⴰⵢⵜ.
ⵜⵉⵔⴽⴻⴼⵜ-ⴰ ⵍⵍⴰⵏⵜ ⴷⴻⴳ-ⵙ ⵜⴻⵖⵍⴰⵎⵉⵏ ⵜⵉⵙⵏⴰⵊⵢⴰⵏⵉⵏ ⵏ ⵢⴻⵙⴱⵉⵟⴰⵔⴻⵏ ⵉⵙⴷⴰⵡⴰⵏⴻⵏ ⵏ ⴱⵏⵉ ⵎⴻⵙⵙⵓⵙ, ⵃⵓⵙⵉⵏ ⴷⴰⵢ ⴷ ⴱⴰⴱ ⵍⵡⴰⴷ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴷ ⵡⴻⵙⴱⵉⵟⴰⵔ ⴰⵙⴷⴰⵡⴰⵏ ⵏ ⵜⵉⵣⵉ ⵡⴻⵣⵣⵓ, ⵢⴻⵔⵏⵓ ⵜⴻⵙⵙⴻⴽⵢⴻⴷ 200 ⵏ ⵢⵉⵎⵓⴹⵉⵏⴻⵏ. ⴷⴻⴳ 3 ⵏ ⵡⵓⵙⵙⴰⵏ, ⵜⴷⵉⵡⴰ ⵜⴻⵖⵍⴰⵎⵜ-ⴰ ⴰⵛⵃⴰⵍ ⵏ ⵢⴻⵎⴷⴰⵏⴻⵏ ⵢⵓⴹⵏⴻⵏ ⵜⵉⴳⵥⴰⵍ-ⵏⵙⴻⵏ ⵙⴻⴳ ⵜⵖⵉⵡⴰⵏⵉⵏ ⵏ ⴳⴻⵕⵕⴰⵕⴰ, ⵜⴰⵖⴻⵔⴷⴰⵢⵜ, ⵎⴻⵜⵍⵉⵍⵉ ⴷ ⵍⴻⵎⵏⵉⵄⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴰⵛⵀⵉⵔ ⴱⴰⵀⴰⵣ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵜⵉⵖⵍⴰⵎⵉⵏ-ⴰ ⵜⵉⵙⵏⴰⵊⵢⴰⵏⵉⵏ ⴷⴷⴰⵏⵜ ⵙ ⵕⵕⴰⵢ ⵏ ⵢⵉⵖⴼⴰⵡⴻⵏ ⵏ ⵢⵉⵎⴻⵥⵍⴰ ⵏ ⵢⴻⵙⴱⵉⵟⴰⵔⴻⵏ ⴰⵢⵙⴻⴳ ⴷ-ⵓⵙⴰⵏ, ⵢⴻⵔⵏⵓ ⵡⵉ ⴷ ⵉⵒⵕⵓⴼⵉⵙⵓⵔⴻⵏ ⵔⴰⵢⴰⵏⴻ, ⴱⴻⵏⴰⴱⴰⴷⵊⵉ, ⵀⴰⵎⵎⵧⵓⵛⵀⴻ ⴷ ⵙⴻⴱⴰ. ⵉⵎⵙⵓⵊⵊⵉⵢⴻⵏ-ⴰ ⴳⴰⵏ ⴷⴰⵖ ⵜⵉⵎⵙⵉⵔⵉⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵉ ⵢⴻⵎⵙⵓⵊⵊⵉⵢⴻⵏ ⴷ ⵢⴻⴼⵔⴻⵎⵍⵉⵢⴻⵏ ⵏ ⵡⴻⵃⵔⵉⵛ ⵏ ⵜⴷⴰⵡⵙⴰ ⵏ ⵜⵖⴻⵔⴷⴰⵢⵜ ⴰⴽⴽⴻⵏ ⴰⴷ ⴱⴻⴷⴷⴻⵏ ⵅⵉⵔ ⵉ ⵢⵉⵎⵓⴹⵉⵏⴻⵏ ⵏ ⵜⴻⴳⵥⴰⵍ, ⴰⴷ ⵙⵙⵏⴻⵏ ⴰⵎⴻⴽ ⴰⴷ ⴷ-ⴽⴻⵛⴼⴻⵏ ⴰⴹⴹⴰⵏⴻⵏ ⵏ ⵜⴻⴳⵥⴰⵍ ⵢⴻⵔⵏⵓ ⴰⴷ ⴼⴽⴻⵏ ⵜⵉⵏⵚⵉⵃⵉⵏ ⵉ ⵓⵃⴻⵣⵣⴻⴱ ⵙⴻⴳ ⵡⴰⴹⴹⴰⵏ-ⴰ ⵖⴻⵔ ⵢⵉⴳⴻⵔⴷⴰⵏ,
ⴷⴻⴳ ⵡⵓⵙⵙⴰⵏ ⴰⵢⴷⴻⴳ ⵜⴻⵇⵇⵉⵎ ⵜⴻⵔⴽⴻⴼⵜ-ⴰ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵄⴻⵔⴹⴻⵏ ⴷⴰⵖ ⵢⴻⵎⵙⵓⵊⵊⵉⵢⴻⵏ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴰⴷ ⵙⵃⵓⵍⴼⵓⵏ ⵎⴻⴷⴷⴻⵏ ⵖⴻⴼ ⵡⴰⵢⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜ-ⴳⴻⵏ ⴰⴽⴽⴻⵏ ⴰⴷ ⵃⴻⵣⵣⴱⴻⵏ ⵉ ⵡⴰⴹⴹⴰⵏⴻⵏ ⵏ ⵜⴻⴳⵥⴰⵍ ⴰⵢ ⴷ-ⵉⴱⴻⴷⴷⵓⵏ, ⵙ ⵡⴰⵟⴰⵙ, ⵙⴻⴳ ⵜⴳⴻⵔⴷⴰ (ⵟⵓⴼⵓⵍⴰ), ⴰⵎ ⵡⴰⴽⴽⴻⵏ ⴰⵢ ⴷ-ⵃⴻⵜⵜⴻⵜⴻⵏ ⴷⴰⵖ ⵖⴻⴼ ⵓⵚⴻⴷⴷⴻⵇ ⵏ ⵢⴻⴳⵎⴰⵏⴻⵏ (ⴰⵄⴹⴰ’) ⴷ ⵡⴻⴽⵛⴰⴼ ⵏ ⵡⴰⴹⴹⴰⵏ ⵏ ⵜⴻⴳⵥⴰⵍ ⵖⴻⴼ ⵣⵉⴽ ⵍⵃⴰⵍ.
