ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵏⵄⴰⵎⴰ: ⵜⵓⴹⴹⴼⴰ ⵏ ⵡⵓⴳⴰⵔ ⵏ 10 ⵏ ⵢⵉⵇⴻⵏⵟⴰⵔⴻⵏ ⵏ ⵍⴽⵉⴼ ⴷⴻⴳ ⵍⴻⴱⵢⵓⴹ

ⵏⵏⵄⴰⵎⴰ - ⵜⴻⵏⵏⴰ-ⴷ ⵜⴻⴳⵔⴰⵡⵜ ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⵏ ⵜⵡⵉⵍⴰⵢⵜ ⵏ ⵏⵏⵄⴰⵎⴰ ⴷⴰⴽⴽⴻⵏ ⴹⴹⴼⴻⵏ ⵢⵉⵎⴻⵙⵜⵓⵍⴻⵏ 10,6 ⵏ ⵢⵉⵇⴻⵏⵟⴰⵔⴻⵏ ⵏ ⵍⴽⵉⴼ ⴷ ⵙⵉⵏ ⵏ ⵢⴻⵎⵙⴻⵜⵜⵉⵢⴻⵏ ⵏ ⵜⴻⵀⵢⵓⴼⵉⵏ ⴷⴻⴳ ⵜⴻⵎⵏⴰⴹⵜ ⵏ ⵜⵖⵉⵡⴰⵏⵜ ⵏ ⵍⴻⴱⵢⵓⴹ.

ⵉⵎⴻⵙⵜⵓⵍⴻⵏ (ⵔⵉⴵⴰⵍ ⴰⴷ-ⴷⴰⵔⴰⴽ) ⵡⵡⴹⴻⵏ-ⵜⴻⵏ-ⵉⴷ ⵢⵉⵙⴰⵍⴰⵏ ⵖⴻⴼ ⵓⵙⵙⵉⵡⴻⴹ ⵏ ⵜⴻⵀⵢⵓⴼⵉⵏ ⴷⴻⴳ ⵡⴻⴱⵔⵉⴷ ⵏ ⴱⵓⴳⴻⵕⵏ ⵢⴻⵇⵇⵏⴻⵏ ⵜⵉⵡⵉⵍⴰⵢⵉⵏ ⵏ ⵏⵏⵄⴰⵎⴰ ⴷ ⵙⵉⴷⵉ ⴱⴻⵍⵄⴻⴱⴱⴰⵙ ⵢⴻⵔⵏⵓ ⵢⴻⵜⵜⵄⴻⴷⴷⵉ ⵖⴻⴼ ⵜⵖⵉⵡⴰⵏⵜ ⵏ ⵍⴻⴱⵢⵓⴹ. ⴷ ⴰⵢⴰ ⴰⵢ ⵜⴻⵏ-ⵢⴻⴵⴵⴰⵏ ⴰⴷ ⵏⴷⵉⵏ ⴰⴽⵎⵉⵏ ⵢⴻⵔⵏⵓ ⴹⴹⴼⴻⵏ ⵢⵉⵡⴻⵏ ⵏ ⵓⴽⴰⵎⵢⵓⵏ ⴰⵢ ⴷ-ⵢⴻⵡⵡⵉⵏ ⵉⴳⵓⵎⵎⴰ ⴷ ⵜⵉⴷⴰⵍ ⵎⴰⵛⴰ ⵢⴻⴼⴼⴻⵔ ⴷⴰⵖ 40 ⵏ ⵜⵛⵓⵍⵍⵉⴹⵉⵏ ⵏ ⵜⴻⵀⵢⵓⴼⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴳⵔⴰⵡⵜ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⵏ ⵏⵏⵄⴰⵎⴰ.

ⴰⵃⵜⴰⵛ ⴰⵢ ⴷ-ⵢⴻⴱⴷⴰⵏ ⴷⴻⴼⴼⵉⵔ ⵜⴻⵎⵣⴻⵍⵜ-ⴰ (ⵄⴰⵎⴰⵍⵉⵢⵢⴰ) ⵢⴻⵙⵙⴰⵡⴻⴹ ⵖⴻⵔ ⵜⵓⴹⴹⴼⴰ ⵏ ⵙⵉⵏ ⵏ ⵢⴻⵎⴷⴰⵏⴻⵏ, ⵍⴰⵚⴻⵍ-ⵏⵙⴻⵏ ⵙⴻⴳ ⵜⵉⵀⴻⵔⵜ ⵢⴻⵔⵏⵓ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ ⵓⵏⴰⴷⵉ ⵖⴻⴼ ⵢⴻⵎⴷⴰⵏⴻⵏ ⵏⵉⴹⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⵜⵜⵉ-ⴰ ⴰⴽⴽⴻⵏ ⴰⴷ ⵜⵜⵡⴰⴹⴹⴼⴻⵏ ⵢⴻⵔⵏⵓ ⴰⴷ ⵜⵜⵡⴰⵛⴰⵕⵄⴻⵏ.